Karjat Nagarpanchayat Election : विकासाच्या मुद्द्यावर ही निवडणूक जिंकली; आमदार रोहित पवारांची प्रतिक्रिया
Karjat Nagarpanchayat Election : कर्जत नगरपालिकेवर 17 पैकी 12 जागांवर राष्ट्रवादीने विजय मिळवला आहे तर दोन जागांवर काँग्रेस विजयी झाले आहे.
कर्जत जामखेड : सगळ्या राज्याचं लक्ष लागलेल्या कर्जत जामखेड नगरपालिकेत आमदार रोहित पवारांच्या नेतृत्वाखाली राष्ट्रवादी काँग्रेसने बाजी मारली आहे. राष्ट्रवादीने 12 तर काँग्रेसने 2 दोन जागांवर विजय मिळवत नगरपालिकेवर एकहाती सत्ता मिळवली आहे. या निवडणुकीत आम्ही विकासाचा मुद्दा घेतला होता. आगामी काळात देखील लोकांना विश्वासात घेऊन काम करत राहू असं सांगत सर्व उमेदवारांचे आभार मानून आमदार रोहित पवार यांनी शुभेच्छा दिल्या आहेत.
एकूण 17 जागा असलेली कर्जत नगरपंचायतीत ओबीसी आरक्षणाच्या घोळामुळे 13 जागांवर मतदान 22 डिसेंबरला पार पडलं तर उर्वरीत 4 जागांसाठी काल मतदान झालं. गेल्या वेळी 13 जागांपैकी भाजपच्या एका उमेदवाराकडून ऐनवेळी अर्ज मागे घेतल्याने एक जागा बिनविरोध झाली होती तर भाजपच्या दुसऱ्या एका उमेदवाराने राष्ट्रवादीला पाठिंबा दिल्याने 11 जागेसाठी मतदान प्रक्रिया पार पडली होती. कर्जत नगरपंचायत निवडणुकीकडे (Karjat Nagar Panchayat Election) संपूर्ण राज्याचे लक्ष लागले होते. राष्ट्रवादी काँग्रेसचे आमदार रोहित पवार (NCP MLA Rohit Pawar) व भाजपचे माजी मंत्री प्रा. राम शिंदे (BJP Ram Shinde) या दोन नेत्यांसाठी ही निवडणूक प्रतिष्ठेची झाली होती.
जिल्हा - अहमदनगर
नगरपंचायत - कर्जत
निकाल-
भाजप-2
राष्ट्रवादी- 12
काँग्रेस- 3
कर्जत नगरपंचायत निवडणुकीसाठी (Karjat Nagar Panchayat Election) काल पार पडलेल्या मतदान (Voting) प्रक्रियेत एकूण 80.21 टक्के मतदान (Voting) झाले होते. काल सायंकाळीच राष्ट्रवादीच्या कार्यकर्त्यांनी (NCP Workers) फटाके फोडत विजयी जल्लोष साजरा केला होता.
या निवडणुकीच्या प्रचारात आरोप-प्रत्यारोपांच्या फैरींनी कर्जतमधील वातावरण ढवळून निघाले होते. मतदानाच्या दिवशी सकाळी रोहित पवार व माजी मंत्री प्रा. राम शिंदे या दोघांनीही मतदान केंद्राच्या बाहेर उमेदवार आणि कार्यकर्त्यांशी संवाद साधला होता.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
