Ramdas Athawale : राज ठाकरेंनी बाळासाहेबांना धोका दिला, आता भगव्या रंगाच्या विरोधात त्याचं काम, रामदास आठवलेंचा निशाणा
राज ठाकरे यांनी बाळासाहेबांना धोका दिला असल्याचे वक्तव्य केंद्रीय राज्यमंत्री रामदास आठवले यांनी केलं.
Ramdas Athawale on Raj Tahckeray : राज ठाकरे यांनी बाळासाहेबांना धोका दिला आहे. त्यामुळे बाळासाहेबांचे नाव घेण्याचा त्यांना अधिकार नसल्याचे वक्तव्य केंद्रीय राज्यमंत्री रामदास आठवले (Ramdas Athawale ) यांनी केलं. त्यांनी शिवसेना सोडली आहे. राज ठाकरेंनी आता अंगावर भगवे वस्त्र धारण केले ते चांगले आहे. पण राज ठाकरे यांनी शांततेची भूमिका मांडावी असेही आठवले म्हणाले. आता भगव्या रंगाच्या विरोधात त्यांचे काम सुरु असल्याचेही आठवले यावेळी म्हणाले.
राज ठाकरे यांनी पक्ष स्थापन करताना सर्व रंगाचे झेंडे आणले होते. पण आता एकच भगवा रंग परिधान केला आहे. पण भगव्या रंगाच्या विरोधात त्यांचे काम सुरू असल्याची टीका रामदास आठवले यांनी केली. रामदास आठवले आज सांगलीमध्ये प्रसारमाध्यमांशी बोलत होते. महाविकास आघाडीचे सरकार जनतेला न्याय देण्यासाठी अपयशी ठरले आहे. या सरकारमधील नेते एकमेकांवर कुडघोड्या करण्याचे काम करत आहेत. तर या सरकारमध्ये काँग्रेसला डावलले जात आहे. काँग्रेसचे प्रदेशाध्यक्ष नाना पाटोले यांना मी विनंती करणार आहे की, काँग्रेसने सरकारचा पाठिंबा काढून घ्यावा. आमची सरकार बनवण्याची तयारी आहे असेही आठवले म्हणाले. काँग्रेस राष्ट्रवादी काँग्रेसबरोबर मी होतो. पण त्यांचा सिम्बॉल घेऊन मी निवडणूक लढवली नाही. येणाऱ्या लोकसभा आणि विधानसभा निवडणुकीला मी आमच्या रिपब्लिकन पार्टी ऑफ इंडियाचा सिम्बॉल घेऊन निवडणूक लढवणार असल्याचं रामदास आठवले यांनी सांगितले.
ब्राम्हण समाजाचा मुख्यमंत्री झाला पाहिजे याला माझाही पाठिंबा आहे. देवेंद्र फडणवीस हे सर्वांना सोबत घेऊन जातात. राज्याच्या विकासात भर त्यांनी भर टाकली आहे. बाबरी मशीदीबद्दल राजकारण सुरु आहे. एल्गार परिषदमुळे दंगल झाली या मताशी मी सहमत नसल्याचे आठवले म्हणाले. राज ठाकरे हे कोणाचे न ऐकणारे नेते आहेत. भाजपच्या नेत्याचा त्यांना पाठिंबा नाही. जे आरोप केले जातात ते चुकीचे आहेत. त्यांना वाटले हिंदुत्व हा मुद्दा घेतला तर त्याचा फायदा होईल असेही आठवले यावेळी म्हणाले.
महत्त्वाच्या बातम्या:
महत्त्वाच्या बातम्या
