Maratha Reservation : सत्तेतील मराठा सरदारांमुळे मराठा समाजाचे आरक्षण रद्द : सदाभाऊ खोत
मराठा आरक्षण रद्द केल्याच्या सुप्रीम कोर्टाच्या निर्णयावरुन माजी कृषी राज्यमंत्री आमदार सदाभाऊ खोत यांची राज्य सरकारवर आणि मराठा नेत्यांवर टीका केलीय. राज्य सरकारने सुप्रीम कोर्टात आरक्षणाबाबत भक्कम बाजू मांडली नाही असा आरोप करत खोत यांनी मराठा समाजातील सरदारांमुळेच मराठा समाज आजपर्यंत आरक्षणापासून वंचित राहिलाय.
सांगली : मराठा आरक्षण रद्द केल्याच्या सुप्रीम कोर्टाच्या निर्णयावरुन माजी कृषी राज्यमंत्री सदाभाऊ खोत यांची राज्य सरकारवर आणि मराठा नेत्यांवर टीका केलीय. राज्य सरकारने सुप्रीम कोर्टात आरक्षणाबाबत भक्कम बाजू मांडली नाही असा आरोप करत खोत यांनी मराठा समाजातील सरदारांमुळेच मराठा समाज आजपर्यंत आरक्षणापासून वंचित राहिलाय. अनेक वर्षांपासून सत्तेत असलेल्या या सरदारांना आपली सरदारकी धोक्यात येईल अशी भीती असल्याने त्यांनी समाजाला आरक्षण मिळवून देण्यासाठी प्रयत्न केले नाहीत असा आरोप केला.
Maratha Reservation : इतर राज्यांमध्ये 50 टक्के आरक्षणाची मर्यादा पाळली गेली आहे का?
वर्षानुवर्षे सत्तेत बसलेल्या मराठा सरदारांनी आपल्या सरदारकी वाचवण्यासाठी सर्वोच्च न्यायालयात मराठा आरक्षणाबाबत योग्य भूमिका मांडली नसल्याने मराठा समाजाचे आरक्षण रद्द झाले आहे, अशी टीका सदाभाऊ खोत यांनी केली आहे. सर्वोच्च न्यायालयात मराठा समाजाचे आरक्षण रद्द झाले. यावरून आमदार सदाभाऊ खोत यांनी महाविकास आघाडी सरकारमधील मराठा समाजातील नेत्यांवर जोरदार टीका केली आहे.
आमदार खोत म्हणाले, माजी मुख्यमंत्री देवेंद्र फडणवीस यांनी राज्यातील मराठा समाजातील गोरगरीब ,शेतकरी कष्टकऱ्यांच्या मुलांची प्रगती व्हावी,या उद्देशाने मराठा समाजाला आरक्षण दिले होते.मात्र यावर हरकत घेण्यात आली,पण मुंबई उच्च न्यायालयात हे आरक्षण टिकले होते.मात्र सर्वोच्च न्यायालयाने आता हे आरक्षण रद्द केले आहे.
मुळात मराठा समाजातील सत्तेमधील सरदारांमुळे आजपर्यंत आरक्षण मिळाले नाही.त्यांच्यामुळे आज पर्यंत मराठा समाजाला आरक्षण पासून वंचित राहावे लागले आहे.तसेच आरक्षणामुळे गोरगरीब मराठा समाजातील मुले अधिकारी होऊन आपल्या बाजूला बसतील आणि आपल्या सरदारक्या धोक्यात येतील या जाणिवेतून मराठा समाजाच्या आरक्षणाबाबत सत्तेत बसलेल्या मराठा समाजातील सरदारांनी सर्वोच्च न्यायालयात भक्कम पणे बाजू मांडली नाही,त्यामुळे मराठा आरक्षण रद्द झाले आले,असा आरोप आमदार सदाभाऊ खोत यांनी केला आहे.
महत्त्वाच्या बातम्या
ट्रेंडिंग न्यूज
