Majalgaon : घरात करंट उतरला अन् होत्याचं नव्हतं झालं! बहिण-भावाचा दुर्दैवी मृत्यू, माजलगावातील घटना

Majalgaon : चिमुकल्याच्या मृत्यूमुळे माजलगाव परिसरामध्ये हळहळ व्यक्त केली जात आहे

Majalgaon

Majalgaon : घराच्या छतावर विद्युतप्रवाह उतरल्याने दोन चिमुकल्या चुलत भावंडांचा दुर्दैवी मृत्यू झाल्याची घटना माजलगाव (Majalgaon) तालुक्यातील टालेवाडी येथे घडली आहे. बारा वर्षाची साक्षी भारत बडे व आठ वर्षाचा सार्थक अशोक बडे या चिमुकल्याच्या मृत्यूमुळे माजलगाव परिसरामध्ये हळहळ व्यक्त केली जात आहे

माजलगाव तेलगाव रस्त्यावर असलेल्या टालेवाडी येथील साक्षी भारत बडे वय 12 वर्षे व सार्थक अशोक बडे वय 8 वर्षे हे भरत बडे यांच्या घरात खेळत असतांना छतामध्ये विजेचा प्रवाह उतरल्याने या दोघा सख्या चुलत बहिण-भावाचा मृत्यू झाला असल्याची घडली असावी असा अंदाज बडे कुटुंबियनी वर्तवला आहे.

घराच्या छतावर करंट उतरत असल्याचा महावितरणकडे केल्या होत्या तक्रारी.

ही घटना ज्या घरांमध्ये घडली आहे त्या घराच्या बाजूला एक डीपी आहे मात्र या डीपीवरून अनेक वेळा घरामध्ये परत उतरले याची तक्रार या परिसरातील नागरिकांनी केली होती..याबाबत गावातील नागरिकांनी संबंधित विभागाच्या अधिकाऱ्यांना याबाबत वेळोवेळी कळवुन देखील त्यांनी याकडे गांभीर्याने पाहिले नाही. आणि म्हणून या करंट मुळे दोन चिमुकल्यांना आपला जीव गमवावा लागला आहे..

दुपारच्या वेळी सार्थक आणि साक्षी हे बहिण भाऊ खेळत असताना त्यातील सार्थक हा छतावर जाण्यासाठी चढत असताना त्याला शॉक लागला असावा व त्यानंतर साक्षी ही त्याला पाहायला गेली असता तिला देखील करंट लागल्याने हे दोघे एकमेकांच्या अंगावर पडली. यात त्यांचा जागीच मृत्यू झाला असल्याचे गावकऱ्यांकडून सांगण्यात येत आहे.

या डीपीवरून करंट उतरल्यास या भागात असलेल्या 40 ते 50 घरांमध्ये करंट उतरतो व या करंट मुळे घरातील पंखे व बल्प ऑटोमॅटिक फिरत असल्याचे गावकरी सांगताना दिसत होते. या दोघांना माजलगाव येथील एका खाजगी रुग्णालयात नेले असता डॉक्टरांनी त्यांना मृत घोषित केले. या दोघांवर रात्री नऊ वाजता अंत्यसंस्कार करण्यात आले. या दोघांच्या मृत्यू मुळे गावात हळहळ व्यक्त करण्यात येत आहे. 

महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha