एक्स्प्लोर

Maharashtra ssc result 2022 declared : दहावीचा निकाल 96.94 टक्के! कोकण विभागाची बाजी, जाणून घ्या विभागनिहाय निकाल

SSC 10th Result 2022 : दहावीचा निकाल 96.94 टक्के! कोकण विभागाचा सर्वाधिक 99.27 टक्के निकाल लागला आहे.

Written By : एबीपी माझा वेब टीम | Edited By: ज्योती देवरे | Updated at : 17 Jun 2022 11:27 AM (IST)

Maharashtra ssc result 2022 declared maharashtra ssc 10th result-2022 updates marathi news Maharashtra ssc result 2022 declared : दहावीचा निकाल 96.94 टक्के! कोकण विभागाची बाजी, जाणून घ्या विभागनिहाय निकाल

ssc_result_2022_2

SSC 10th Result 2022 : बारावीच्या (HSC Result 2022) निकालानंतर दहावीचा (SSC Result 2022) निकाल कधी लागणार? याबाबत विद्यार्थी आणि पालकांमध्ये कमालीची उत्सुकता होती, मात्र आता ही प्रतीक्षा संपली आहे. कारण, महाराष्ट्र राज्य माध्यमिक आणि उच्च माध्यमिक शिक्षण मंडळ, पुणे यांच्याकडून घेण्यात येणाऱ्या SSC म्हणजेच दहावी बोर्डाच्या परीक्षेचा निकाल आज जाहीर झाला. दहावीच्या नियमित विद्यार्थ्यांचा एकूण निकाल 96.94 टक्के इतका लागला आहे. महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने घेण्यात आलेल्या दहावी परीक्षेचा निकाल आता लागला आहे, दहावीचा निकाल 96.94 टक्के तर कोकण विभागाचा सर्वाधिक 99.27 टक्के निकाल लागला आहे.

कोकण विभागाने बाजी मारली

दहावीच्या निकालामध्ये कोकण विभागाने बाजी मारली असून कोल्हापूर विभाग दुसऱ्या क्रमांकावर आहे. कोल्हापूर विभागाचा निकाल 98.50 टक्के लागला आहे. निकालांमध्ये पुन्हा एकदा मुलींनी बाजी मारली आहे. मुलींचा निकाल 97.96 टक्के तर मुलांचा निकाल 96.06 टक्के लागला आहे. सर्वच विभागांमध्ये मुलींनी बाजी मारली आहे. दहावीच्या नियमित विद्यार्थ्यांचा एकूण निकाल 96.94 टक्के इतका लागला आहे. यंदाच्या वर्षीची दहावी परीक्षा 15 मार्च 2022 ते 4 एप्रिल 2022 दरम्यान पार पडली होती

दहावीचा विभागनिहाय निकाल

पुणे: 96.96%
नागपूर: 97%
औरंगाबाद: 96.33%
मुंबई: 96.94%
कोल्हापूर: 98.50%
अमरावती: 96.81 %
नाशिक: 95.90%
लातूर: 97.27%
कोकण: 99.27%

10 वीच्या परीक्षांचे निकाल जाहीर

या निकालात मुलींनी बाजी मारली आहे, मुलींचा निकाल 97.96 टक्के तर मुलांचा निकाल 96.06 टक्के इतका लागला आहे.

या परीक्षेत विभागीय मंडळांमधून पुढीलप्रमाणे 122 विद्यार्थ्यांनी 100 टक्के गुण मिळवले आहेत.
पुणे 5
औरंगाबाद 18
मुंबई 1
कोल्हापूर 18
अमरावती 8
नाशिक 1
लातूर 70
कोकण 1
अशा 122 विद्यार्थ्यांनी 100 टक्के गुण मिळवले.

डमी विद्यार्थी 1
गैरप्रकार करताना पकडलेले 79
परीक्षा करताना आढलेले 32

एकूण 112 गैरप्रकार आढळून आले

दुपारी 1 वाजता ऑनलाईन निकाल

महाराष्ट्र राज्य माध्यमिक शिक्षण मंडळाचा इयत्ता दहावीचा निकाल आज लागणार आहे. निकाल जाहीर झाल्यानंतर 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com वर दहावीचे विद्यार्थी झटपट आपला निकाल पाहू शकणार आहेत. त्याशिवाय, MH10.ABPMajha.Com लिंकवर क्लिक करून थेट निकाल पाहता येणार आहे. दहावीच्या परीक्षेला 16,38, 964 विद्यार्थ्यांनी नोंदणी केली होती. यापैकी 8,89, 506 मुलं असून मुलींची संख्या 7, 49, 458 एवढी आहे. आज दुपारी 1 वाजता ऑनलाईन निकाल पाहता येणार आहे. एबीपी माझाच्या वेबसाईटवरही विद्यार्थ्यांना जलद निकाल पाहता येणार आहे.