राज ठाकरेंच्या घरी रंगणार उद्या नव्या पाहुण्याचा नामकरण सोहळा, मोजकेच नातेवाईक उपस्थित राहणार

राज ठाकरे यांचे पुत्र अमित ठाकरे आणि सून मिताली बोरुडे यांना नुकतेच पुत्ररत्नाचा लाभ झाला आहे. याचं चिमुकल्याचा उद्या राज ठाकरे यांच्या घरी नामकरण सोहळा रंगणार आहे

File Photo

 मुंबई : मनसे अध्यक्ष राज ठाकरे यांच्या घरी काही दिवसांपूर्वीच एका नव्या पाहुण्याचं आगमन झालं आहे. आता याचं पाहुण्याचा उद्या नामकरण सोहळा रंगणार आहे. या सोहळ्यासाठी केवळ घरातीलच लोकांना आमंत्रित करण्यात आलं आहे. राज ठाकरे यांचे पुत्र अमित ठाकरे आणि सून मिताली बोरुडे यांना नुकतेच पुत्ररत्नाचा लाभ झाला आहे. याचं चिमुकल्याचा उद्या राज ठाकरे यांच्या घरी नामकरण सोहळा रंगणार आहे. 5 एप्रिलला नव्या पाहुण्याच्या आगमनाची माहिती मनसेचे सचिव सचिन मोरे यांनी फेसबुकवर पोस्ट करतं माहिती दिली होती.

अमित ठाकरे आणि मिताली बोरुडे यांचे 2019 साली लग्न झाले होते. त्या दरम्यानच अमित ठाकरे राजकारणात सक्रिय झाले होते. या लग्नसोहळ्यात प्रतिष्ठित नेते, ज्येष्ठ राजकीय मंडळी आणि याशिवाय बॉलिवूड-मराठी सिनेसृष्टीतील कलाकारांनी उपस्थिती दर्शवली होती.आता अमित ठाकरे यांना एक वडील म्हणून तर राज ठाकरे यांना आजोबा म्हणून नवी जबाबदारी सांभाळावी लागणार आहे.आजोबा झाल्याची माहिती मिळताच मनसे अध्यक्ष राज ठाकरे स्वत: ब्रीच कँन्डी रुग्णालयात तत्काळ दाखल झाले होते. तसेच त्यांचे इतर कुटुंबियही रुग्णालयात दाखल झाले होते.नव्या पाहुण्याचं आगमन झाल्याने ठाकरे कुटुंबामध्ये सध्या आनंदाचं वातवरण पाहायला मिळत आहे. त्यामुळे राज ठाकरे आता आजोबाच्या भूमिकेत पाहायला मिळणार आहेत.

दरम्यान, काही आठवड्यांपूर्वी राज यांच्या घरी नव्या पाहुण्याचे आगमन होणार असल्याची बातमी प्रसारमाध्यमांपर्यंत पोहचली होती. राज ठाकरेंच्या शिवतीर्थ या नवीन निवासस्थानी या नव्या पाहुण्याच्या आगमनाची तयारी काही आठवड्यांपासून सुरु होती.काही महिन्यांपूर्वीच राज हे त्यांच्या ‘कृष्णकुंज’ निवासस्थानावरुन सहकुटुंब ‘शिवतीर्थ’ या नव्या निवासस्थानी शिफ्ट झाले. याच नवीन घरामध्ये आता हा चिमुकला खेळताना, बागडताना दिसणार आहेत.

संबंधित बातम्या :