Maharashtra Breaking News Live Updates : उपमुख्यमंत्री अजित पवार उद्या रायगड दौर्‍यावर, राज ठाकरे मुख्यमंत्री शिंदेच्या भेटीला
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
एबीपी माझाच्या लाईव्ह ब्लॉगमध्ये दिवसभरातील महत्त्वाच्या घडामोडींचा आढावा तुम्ही घेऊ शकता. राष्ट्रीय, आंतरराष्ट्रीय घडामोडींचा सविस्तर आढावा तुम्हाला या लाईव्ह ब्लॉगमधून घेता येईल...
मराठा आणि कुणबी एकच, साहित्य संमेलनात ठरावा घ्यावा; सकल मराठा समाजाची मागणी
छत्रपती संभाजीनगर : जिल्ह्यातील गंगापूरमध्ये सुरु असलेल्या 43 व्या मराठवाडा साहित्य संमेलनात मराठा आरक्षणाचा मुद्दा चांगलाच गाजला. साहित्यिकांनी मराठा आरक्षणावरून सरकारला खडे बोल सुनावले. त्यानंतर आता सकल मराठा समाजाच्या वतीनं मराठवाडा साहित्य परिषदेच्या अध्यक्षांना पत्र लिहून संमेलनात मराठा आणि कुणबी एकच असल्याचा ठराव घेण्याची मागणी करण्यात आली आहे. सध्या मराठवाड्यात सगळ्याच कार्यक्रमात मराठा आंदोलनाची धग दिसून येऊ लागली आहे. त्याचेच पडसाद आता साहित्य संमेलनात सुद्धा दिसत आहे.
Beed Fire : घराला लागलेले आगीत शेतकऱ्याचं 25 लाख रुपयांचा नुकसान, 20 क्विंटल कापूस जळून खाक
Ajit Pawar Raigad Daura : उपमुख्यमंत्री अजित पवार उद्या रायगड दौर्‍यावर
Ajit Pawar Raigad Visit : रविवारी राज्याचे उपमुख्यमंत्री अजित पवार रायगड दौर्‍यावर येत असून त्यांच्या हस्ते श्रीवर्धनमध्ये विवीध विकास कामांचे लोकार्पण केले जाणार आहे. यामध्ये प्रामुख्याने रानवली धरणातुन श्रीवर्धन शहराला शुद्ध पाणी पुरवठा योजना आणि प्रागतीक पर्यटनमधुन श्रीवर्धन समुद्र किनाऱ्याच्या सुशोभिकरणाचे लोकार्पण केले जाणार आहे. या पाणी पुरवठा योजनेमुळे सुमारे 30 हजार लोकसंख्येला शुद्ध पाणी पुरवठा केला जाणार आहे तर समुद्र किनारी सेल्फी पॉईंट, स्ट्रिटलाईट आदी सुविधांचा श्रीवर्धनकर नागरीक आणि पर्यटकांना लाभ मिळणार आहे. या लोकार्पण सोहळ्याच्या पार्श्वभुमीवर सभेचे आयोजन देखील करण्यात आले आहे. श्रीवर्धन हा मंत्री आदीती तटकरे यांचा मतदार संघ असुन राष्ट्रवादीतील फुटी नंतर अजितदादा प्रथमच दक्षिण रायगडमध्ये येत आहेत. आगमी निवडणुकांच्या धर्तीवर राष्ट्रवादी कार्यकर्त्यांना अजितदादा काय सल्ला देणार हे पहाण महत्वाच ठरणार आहे. मुख्य म्हणजे रायगड लोकसभा मतदार संघात अजित पवार यांनी निवडणूक लढवण्याचा निर्णय जाहीर केला आहे. त्यामुळे उद्या अजित पवार नेमकं काय बोलतात? हे पाहावं लागेल.
Pune Fire News :
पुणे : मुंबई-बंगळुरू महामार्गावर नऱ्हे येथील स्वामीनारायण मंदिरासमोर पुठ्ठ्याने भरलेला छोटा हत्ती टेम्पो शॉर्टसर्किटमुळे जळून खाक झाल्याची घटना सकाळी साडे दहा वाजण्याच्या सुमारास घडली. या घटनेत कोणतीही जीवितहानी किंवा कुणीबी जखमी नसल्याची माहिती पोलिसांनी दिली आहे. नांदेड सिटी येथून पुठ्ठा भरून सातारच्या दिशेने जात असताना नऱ्हे येथील स्वामीनारायण मंदिरासमोर येताच टेम्पोमधून धूर निघू लागल्याने टेम्पो रस्त्याच्या कडेला घेऊन गाडीतून उतरून बघितले असता शॉर्टसर्किट होत असल्याचे दिसून आले. सिंहगड पोलिसांनी घटनास्थळी धाव घेऊन अग्निशमन दलाला मदत केली आणि पुढील घटनेचा तपास सिंहगड पोलीस करत आहे.
Jammu Kashmir Snowfall : जम्मू काश्मीरमध्ये जोरदार बर्फवृष्टी! बर्फाचा आनंद घेण्यासाठी पर्यटकांची गर्दी
Jammu and Kashmir Snowfall : पर्यटकांचं आकर्षण असलेल्या जम्मू काश्मिरमध्येही बर्फाची चादर पहायला मिळतं आहे. जोरदार बर्फवृष्टीमुळे सर्वत्र बर्फच बर्फ पहायला मिळतेय. जम्मू-काश्मीरमधील लोकांना कडाक्याच्या थंडीचा सामना करावा लागत आहे. जम्मू काश्मीरमधल्या मुघल रोडवरील पीर पंजाल रेंजमध्ये बर्फवृष्टी झाली आहे. त्यामुळे सध्याचं तिथलं तापमान खाली घसरलं आहे.
महत्त्वाच्या बातम्या
ट्रेंडिंग न्यूज
