Maharashtra News LIVE Updates : फ्रान्समधील नेहा आई-वडिलांच्या शोधात महाराष्ट्रात, परळीत शोध सुरु
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News Latest LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Bhandara News : विजेच्या तारांच्या सापळ्यात अडकून शेतकऱ्याचा मृत्यू, भंडाऱ्याच्या नेरला शेतशिवारातील घटना
Bhandara News : शेतातील पिकांचं संरक्षण व्हावं यासाठी शेतकऱ्यानं शेतात तारांचं कुंपण लावून त्यात जिवंत वीज सोडली होती. याची कल्पना नसलेल्या एका शेतकऱ्याचा वीज प्रवाहित तारांना स्पर्श झाल्यानं त्यात अडकून मृत्यू झाल्याची घटना भंडाऱ्याच्या नेरला गावाच्या शेतशिवारात काल सायंकाळी उघडकीस आली. विजय तुळशीराम खोब्रागडे (54) असं या मृतक शेतकऱ्याचं नावं आहे. याप्रकरणी अड्याळ पोलिसांनी शामराव लोहारे या शेतकऱ्याविरुद्ध गुन्हा दाखल करून अटक केली आहे. मृतक विजय खोब्रागडे हे त्यांच्या शेतातील पिकांना पाणी देण्यासाठी जात असताना ही दुर्दैवी घटना घडली.
Malegaon Bombblast : मालेगाव बॉम्बस्फोटाला 18 वर्षे पूर्ण, बडा कब्रस्थान परिसरात चोख बंदोबस्त
Malegaon News : नाशिकच्या मालेगाव मध्ये 2006 ला शब्बे-ए-बरात सणाच्या दिवशी बडा कब्रस्थान सह तीन ठिकाणी बॉम्बस्फोट झाले होते..या स्फोटात 31 लोक ठार तर शेकडो जण जखमी झाले होते..दरम्यान बॉम्बस्फोट करणारे मुख्य आरोपी 18 वर्ष पूर्ण झाले तरी सरकार त्यांना पकडू शकली नाही, असा आरोप करत कुलजमाती तंजीम 18 वर्षापासून धरणे आंदोलन करीत आहे. बॉम्बस्फोटात जे मृत्युमुखी पडले त्यांना न्याय मिळावा म्हणून आज 'निषेध दिन' पाळला जातो. या पार्श्वभूमीवर बडा कब्रस्थान येथे सुरक्षिततेच्या दृष्टीने वरिष्ठ पोलीस अधिकाऱ्यांच्या उपस्थितीत चोख बंदोबस्त ठेवण्यात आला आहे. बॉम्ब शोध पथकाच्या सहाय्याने देखील संपूर्ण बडा कब्रस्थान परिसरात पाहणी करण्यात आली.
Nashik Godavari Cleaning : पुरोहित संघ आणि रामतीर्थ गोदावरी सेवा समितीमध्ये वाद
Nashik Godavari River News : गोदा आरतीवरून सध्या पुरोहित संघ आणि रामतीर्थ गोदावरी सेवा समिती यांच्यामध्ये वाद सुरू असतानाच आज सकाळी याच रामतीर्थ समितीच्या वतीने गोदावरी नदीची स्वच्छता मोहीम हाती घेण्यात आली. रामकुंड, दुतोंडया मारुती परिसर, रामसेतू या सर्व परिसराची समितीच्या सदस्यांच्या वतीने साफसफाई करण्यात आली. यावेळी एस्कॉन तसेच आर्ट ऑफ लिव्हिंगचे साधकही उपस्थित होते. नदी प्रदूषण मुक्त करण्यात महापालिका प्रशासन अपयशी ठरत असल्याने आता अशाप्रकारे विविध धार्मिक संस्था पुढे येत असल्याचं बघायला मिळत आहे.
Malegaon News : मुस्लिम धर्मियांचा आज शब - ए - बारात सण साजरा..
मालेगाव : मुस्लिम धर्मियांमध्ये शब-ए-बारात सणाला विशेष महत्त्व असून या दिवशी आपल्या पूर्वजांना स्मरण करण्याची रात्र साजरी केली जाते. मुस्लिम बांधव या दिवशी कब्रस्थान मध्ये दुवा पठणासाठी जातात. आज शब-ए-बारातच्या निमित्ताने मुस्लिम बांधवांनी बडा कब्रस्थान येथे जाऊन आपल्या पूर्वजांच्या कबरीची साफसफाई करून त्यावर रंगरंगोटी केली तसेच या ठिकाणी पूर्वजांच्या स्मरणार्थ कबरीवर फुले वाहत दुवा पठण केले. आज दिवसभर आणि रात्री उशिरापर्यंत हे दुवापठण तसेच पूर्वजांचे स्मरण करण्यात येणार आहे.
Bhandara Constitution Rally : भंडाऱ्यात संविधान जनजागृती रॅली, सातही तालुक्यात रॅलीला मिळतोय उत्स्फूर्त प्रतिसाद
Bhandaraa News : संविधान बचाव संघर्ष समितीच्या नेतृत्वात भंडारा जिल्ह्यात संविधान जनजागृती रॅली काढण्यात आली आहे. ही रॅली जिह्यातील सातही तालुक्यात भ्रमण करून नागरिकांना रॅली काढण्यामागील उद्देश समजावून सांगण्यात येत आहे. ईव्हीएम हटाव, देश बचाव, संविधान बचाव, ओबीसींची जातनिहाय जनगणना करण्यात यावी. अनुसूचित जाती जमाती, इतर मागास प्रवर्ग, विमुक्त जाती भटक्या जमाती आणि विशेष मागास प्रवर्गास आरक्षण द्या, महागाई निर्देशांकानुसार शेतमालाला हमीभाव द्या, जिल्हा परिषद शाळांचे खाजगीकरण रद्द करा, नोकऱ्यांचे कंत्राटीकरण रद्द करा आणि इतर मागण्यांना घेवून संविधान जनजागृती रॅलीचं आयोजन करण्यात आलं आहे. जिल्ह्यातील सातही ही रॅली पोहचणार असून सध्या या रॅलीला जिल्ह्यात मोठ्या प्रमाणात प्रतिसाद मिळत असल्याचं चित्र बघायला मिळत आहे.
महत्त्वाच्या बातम्या
ट्रेंडिंग न्यूज
