Maharashtra News LIVE Updates : जरांगेंचं नाटक मराठा समाजालाही कळलं, मंत्री भुजबळांची जरांगे पाटलांवर टीका
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये
Nalegaon Dead Leopard : विहिरीत मृत अवस्थेत आढळला बिबटया
Ahmednagar News : अहमदनगरच्या नालेगाव परिसरातील गायके मळा येथे पांडुरंग पाठक यांच्या विहिरीत बिबट्या मृत अवस्थेत सापडला आहे. विहिरीत बिबट्या पडलेला असल्याची माहिती मिळताच वन विभागाच्या कर्मचाऱ्यांनी धाव घेऊन या बिबट्याला बाहेर काढले. मृत बिबट हा नर असून साधारण पाच ते सहा वर्षाचा असावा असा अंदाज पशुवैद्यकीय अधिकाऱ्यांनी वर्तविला आहे. अहमदनगर शहराच्या जवळील केडगाव येथील अंबिका नगर भागात भरवस्तीत गेल्या आठ दिवसापूर्वी वन विभागाने एक बिबट्या जेरबंद केला होता. शहराच्या मध्यवर्ती भागातच बिबट्यांचा संचार वाढत असल्याने नागरिकांमध्ये भीतीचे वातावरण पसरले आहे.
Dombivali News : वातानुकूलित मच्छी मार्केटचे आज भूमिपूजन
Dombivali News : डोंबिवली पश्चिमेकडील मच्छी मार्केटची अत्यंत दुरावस्था झाली होती. व्यवसाय करताना मच्छी विक्रेत्यांना येणाऱ्या ग्राहकांना अडचणींना सामोरे जावे लागत होते. गेल्या अनेक वर्षापासून मच्छी मार्केट उभारण्याचे मागणी स्थानिक कोळी बांधवांकडून केली जात होती. युवा सेना सचिव दीपेश म्हात्रे यांनी खासदार श्रीकांत शिंदे यांच्या माध्यमातून मच्छी मार्केट उभारण्याचा पाठपुरावा करत होते. आज या अद्यावत मच्छी मार्केटच्याकामाचा भूमिपूजन सोहळा मुख्यमंत्री एकनाथ शिंदे यांचा हस्ते होणार आहे.
Supriya Sule : सुप्रिया सुळेनी बॅडमिंटन खेळाचा आनंद लुटला
Bhandara News :काँग्रेस निवडणूक प्रभारी भंडाऱ्यात, कार्यकर्ते आणि पदाधिकारी यांच्याशी चर्चा
Bhandara News : आगामी लोकसभा निवडणुक तोंडावर आली असल्यानं काँग्रेस पक्षानं उमेदवाराबाबत सावध पवित्रा घेतला आहे. दोन दिवसांपूर्वी भंडाऱ्यात भाजपच्या निवडणूक निरीक्षक चित्रा वाघ आणि आमदार प्रवीण दटके हे आले होते. त्यानंतर आज भंडारा - गोंदिया लोकसभा क्षेत्राचे काँग्रेसचे निवडणूक प्रभारी सतीश चतुर्वेदी हे भंडाऱ्यात दाखल झालेत. यावेळी ते आगामी लोकसभा निवडणुकीच्या पार्श्वभूमीवर काँग्रेस कार्यकर्ता आणि पदाधिकाऱ्यांशी चर्चा करतील. या आढावा बैठकीचा अहवाल प्रदेश काँग्रेस कमिटीकडं सोपविण्यात येणार आहे.
CM Eknath Shinde : मुख्यमंत्र्यांच्या ठाणे जिल्ह्यात 'शासन आपल्या दारी'
Dombivali News : आज मुख्यमंत्र्यांच्या ठाणे जिल्ह्यात आणि खासदार श्रीकांत शिंदे यांच्या मतदारसंघात शासन आपल्या दारी कार्यक्रम होत आहे,. या कार्यक्रमासाठी 20 हजार पेक्षा जास्त लोकांची आसनव्यवस्था करण्यात आली आहे. प्रत्येकाला 1 लिटर पाण्याची बॉटल, ओ आर एस चे पाकीट, अल्पोपहार देण्यात आला आहे, उन्हाचा त्रास होऊ नये म्हणून मोठे पंखे आणि छत लावण्यात आले आहे. सहा महानगरपालिका, आणि ग्रामीण ठाण्याचा मिळून मोठा कार्यक्रम आज आयोजित करण्यात आला आहे.
महत्त्वाच्या बातम्या
ट्रेंडिंग न्यूज
