Maharashtra LIVE Updates : कोल्हापूरमध्ये आज पंतप्रधान नरेंद्र मोदी यांची सभा, कोणावर टीकेची तोफ डागणार?
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये..
LIVE
Background
नैनितालच्या जंगलात भीषण वणवा
नैनिताल जंगलातील भीषण वणवा नियंत्रणात. लष्कराच्या हवाई दलाच्या MI-17 हेलिकॉप्टरमधून पाण्याचा मारा. नैनिताल हायकोर्ट कॉलनीपर्यंत आगीची धग. उत्तराखंडमधील नैनितालच्या जंगलात लागली होती आग. अनेक नागरिकांना दिला होता इशारा . तब्बल चौथ्या दिवशी आगीवर थोडं नियंत्रण मिळवण्यात यश
बीड जिल्ह्यात अवकाळी पावसाचे संकट
बीड जिल्ह्यात मागील आठवडाभरापासून अवकाळी पावसाने हजेरी लावली आहे. परिणामी शेतकऱ्यांना या पावसाचा सामना करावा लागतोय. आधीच अडचणीत असणारे शेतकरी आता अवकाळीच्या संकटाला सामोरे जात आहेत. आष्टी तालुक्यात वादळी वाऱ्यासह झालेल्या पावसाने फळबागेसह पशुधन मृत्युमुखी पडले आहेत. सांगवी पाटण या ठिकाणी शेख दगडू यांच्या पोल्ट्री फार्ममधील 500 कोंबड्या मरण पावल्या आहेत. प्रशासनाने या नुकसानग्रस्त परिस्थितीचा पंचनामा करून शेतकऱ्यांना दिलासा द्यावा अशी मागणी केली जात आहे.
मतदान न करणाऱ्यांविरोधात नागपूरमध्ये बॅनरबाजी
नागपूर लोकसभा मतदार संघात 10 लाख 15 हजार 937 मतदारांनी मतदान केले नाही. त्यामुळे त्यांच्या निषेधाचे होर्डिंग सध्या नागपूर शहरात लागले आहेत. नागपूरच्या ट्राफिक पार्क चौकात लागलेल्या या होर्डिंग वर 'शेम ऑन यु' असा उल्लेख करण्यात आला. नागपूर लोकसभा मतदार संघात एकूण 22,23,281 मतदार आहे. त्यापैकी प्रत्यक्षात 12,07,344 मतदान केले. त्यामुळे नागपूर हे निषेधाचे होर्डिंग झळकत आहेत.
वाशिममध्ये बिबट्या विहिरीत पडला
वाशिमच्या मानोरा तालुक्यातील भुली शेतशिवारात एका विहिरीत बिबट्या पडल्याची धक्कादायक घटना समोर आली आहे. अन्न पाण्याच्या शोधत हा बिबट्या पडल्याचा अंदाज व्यक्त केला जातोय. सकाळपासून विहिरीत पडलेल्या बिबट्याला काढण्यासाठी वनविभागाच्या रेस्क्यू टीम घटनास्थळी पोहचली आहे.विहीर परिसरात माकडाचा पाठलाग करतांना बिबट्या विहिरीत पडल्याचा अंदाज याठिकाणी व्यक्त केला जात आहे. त्याच विहिरीत माकडं मृत अवस्थेत पडल्याचं आढळून आले आहे.
समृद्धी महामार्गामुळे राज्य सरकारच्या तिजोरीत विक्रमी महसूल
नागपूर ते मुंबई या दोन शहरांमधील अंतर कमी करणाऱ्या समृद्धी महामार्गाने वेगवान वाहतुकीचे नवे विक्रम स्थापित केले आहेत. उद्घाटनानंतर गेल्या १६ महिन्यांत या महामार्गावरून ८२ लाख वाहनांनी प्रवास केला असून दरमहा ६ लाख ७६ हजार वाहने (दररोज सरासरी २० ते २५ हजार) या महामार्गावरून धावत आहेत. त्यातून या प्रकल्पाची कार्यान्वयन यंत्रणा असलेल्या महाराष्ट्र राज्य रस्ते विकास महामंडळाच्या (एमएसआरडीसी) तिजोरीत ६३१ कोटींचा महसूल जमा झाला आहे. नागपूर-मुंबई या ७०१ किमी लांबीच्या समृद्धी महामार्गाचा सद्या ६२५ किमी लांबीचा मार्ग प्रवाशांच्या सेवेत दाखल झाला आहे. पंतप्रधान मोदी यांच्या हस्ते डिसेंबर, २०२२ मध्ये नागपूर ते शिर्डी या ५२० किमीच्या पहिल्या टप्प्याचे उद्घाटन झाले होते. त्यानंतर गेल्या वर्षी इगतपुरीपर्यंतचा प्रवास सुरू झाला. नागपूर - मुंबई महामार्ग नागरिकांच्या सेवेत दाखल झाल्यास यात मोठी वाढ होण्याची शक्यता वर्तवली जात आहे
महत्त्वाच्या बातम्या
ट्रेंडिंग न्यूज
