Manoj Jarange-Pati : छगन भुजबळ यांनी कुठेही आंदोलन करू द्या - मनोज जरांगे

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये... 

15:04 PM (IST)  •  31 Jan 2024

NCP : माध्यमांमध्ये पक्षाची अधिकृत भूमिका मांडण्यासाठी राष्ट्रवादीच्या १४ प्रवक्त्यांची यादी जाहीर... 

Maharashtra News LIVE Updates:  राष्ट्रवादी काँग्रेसकडून माध्यमांमध्ये पक्षाची अधिकृत भूमिका मांडण्यासाठी प्रदेशाध्यक्ष खासदार सुनिल तटकरे यांनी १४ प्रवक्त्यांची नियुक्ती जाहीर केली आहे.

राष्ट्रवादी काँग्रेसचे राज्याचे मुख्य प्रवक्ते म्हणून उमेश पाटील तर राष्ट्रीय प्रवक्ते म्हणून अविनाश आदिक आणि ब्रिजमोहन श्रीवास्तव यांची निवड करण्यात आली आहे. तर प्रदेश प्रवक्ते म्हणून ठाणे जिल्हाध्यक्ष आनंद परांजपे, आमदार अमोल मिटकरी, महिला प्रदेशाध्यक्षा रुपालीताई चाकणकर, संजय तटकरे, मुकेश गांधी, युवक प्रदेशाध्यक्ष सुरज चव्हाण, रुपालीताई ठोंबरे, प्रशांत पवार, मुजीब रुमाणे, ताराचंद म्हस्के -पाटील, सायली दळवी आदींचा समावेश आहे.

15:01 PM (IST)  •  31 Jan 2024

Yavatmal : कंत्राटी कर्मचारी संघाचे दोन कामबंद आंदोलन

Maharashtra News LIVE Updates: महाराष्ट्र राज्य बाह्यस्रोत कंत्राटी कर्मचारी संघाच्या नेतृत्वात आरोग्य विभागातील डी.एम.कंपनीच्या कंत्राटी कर्मचाऱ्यांनी दोन दिवसांचा संप पुकारला आहे. त्यामुळे आरोग्य सेवा प्रभावित झाली आहे. ह्या कर्मचाऱ्यांची नियुक्ती डी.एम. कंपनी मार्फत कंत्राटी स्वरुपात जिल्हा महीला व बाल रुग्णालय येथे झालेली आहे. नियुक्ती होऊन दीड वर्षाचा कालावधी झाला मात्र अद्यापपर्यंत कर्मचाऱ्यांचे मानधन झालेले नाही. याबाबत वैद्यकिय अधिक्षक यांना निवेदने दिली मात्र कुठलीही कारवाई होत नसल्याने दोन दिवसांचा संप कर्मचाऱ्यांनी पुकारला.