Maharashtra News Updates 14th May 2023 : अकोल्यात उद्या होणाऱ्या अमरावती विद्यापीठाच्या परीक्षा पुढे ढकलल्या; संचार बंदी, इंटरनेट बंदीमुळे निर्णय
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Sunil Kanugolu: कर्नाटक विधानसभा निवडणुकीचे (Karnataka Election 2023) निकाल समोर आले आहेत. कर्नाटकात (Karnataka) काँग्रेसनं बाजी मारली असून भाजपचा (BJP) राज्यातून सफाया केला आहे. या विजयानंतर काँग्रेसच्या गोटात आनंदाची लाट असतानाच, त्यांच्यात या विजयाचं श्रेय वाटून घेण्यासाठी चढाओढही सुरू आहे. काँग्रेसच्या या विजयात अनेक वाटकेरी आहेत. ज्यांच्यामुळे काँग्रेस पुन्हा एकदा भारताच्या दक्षिणेकडील राज्यांत परतली आहे. काँग्रेसच्या विजयाच्या मानकऱ्यांबाबत बोलायचं झालं तर अनेक नावं समोर येतात. राहुल गांधी (Rahul Gandhi) यांच्यापासून ते मल्लिकार्जुन खर्गे (Mallikarjun Kharge) आणि कर्नाटक काँग्रेसचे प्रदेशाध्यक्ष डीके शिवकुमार (D. K. Shivakumar) यांच्यापर्यंत, काँग्रेसच्या विजय अनेक नावांमध्ये विभागला जाऊ शकतो, परंतु या सर्वांमध्ये एक नाव आणि चेहरा आहे, ज्याच्या बाजूनं सर्व एकमतानं उभे राहतील. कर्नाटकात काँग्रेसच्या विजयासाठी रणनीती बनवणाऱ्या आणि या निकालाची पटकथा लिहिणारं ते नाव म्हणजे सुनील कानुगोलू (Sunil Kanugolu).
काँग्रेसचे मुख्य रणनीतिकार
सुनील कानुगोलू ही अशी व्यक्ती आहे जी कर्नाटकातील काँग्रेसच्या प्रमुख रणनीतीकारांपैकी एक आहेत. संपूर्ण निवडणुकीदरम्यान, त्यांनी जनतेशी विस्तृत आणि तपशीलवार संपर्क साधला. त्यासाठी त्यांनी रणनिती आखली. भाजपची निवडणूक भाषणं आणि अजेंड्याला छेद देत त्यांनी भ्रष्टाचार, गैरकारभाराच्या आरोपात अडकलेल्या भाजपशासित सरकारचा पर्दाफाश केला. विधानसभा निवडणुकीत एवढ्या मोठ्या यशाचं संपूर्ण श्रेय काँग्रेस कार्यकर्त्यांना जातं, पण प्रचाराच्या नवनवीन पद्धती शोधून काढणं, लोकांची नाडी जाणून घेण्यासाठी वेगवेगळी सर्वेक्षणं करणं आणि त्याद्वारे उमेदवारांना निवडून आणण्यासाठी रणनिती आखणं ही जबाबदारी सुनील कानुगोलू यांच्या खांद्यावर होती. काल जाहीर झाल्यालेल्या निकालांवरुन ते स्पष्ट झालं की, त्यांनी ती जबाबदारी यशस्वीपणे पार पाडली.
Sameer Wankhede : "देशभक्त असल्याची शिक्षा मिळतेय"; CBI छापेमारीनंतर समीर वानखेडेंची प्रतिक्रिया
Sameer Wankhede : नार्कोटिक्स कंट्रोल ब्युरोचे (NCB) माजी झोनल डायरेक्टर समीर वानखेडे (Sameer Wankhede) पुन्हा एकदा वादाच्या भोवऱ्यात सापडले आहेत. वानखेडे यांच्यावर सीबीआयनं भ्रष्टाचाराचा गुन्हा दाखल केला आहे. या प्रकरणात इतर अनेक अधिकारी आणि खासगी लोकांचीही नावं आहेत. सीबीआयनं समीर वानखेडे यांच्या घरावर एक दिवस आधी छापा टाकला होता. आता यासंदर्भात एनसीबीचे अधिकारी समीर वानखेडे यांचं वक्तव्य समोर आलं आहे. देशभक्त असल्याची शिक्षा मिळत असल्याचं समीर वानखेडे यांनी म्हटलं आहे.
शुक्रवारी केंद्रीय अन्वेषण विभागानं समीरच्या मुंबईतील घरावर छापा टाकला आणि 13 तास चौकशी केली. वानखेडे 2021 पासून चर्चेत आहे, जेव्हा त्यांनी अभिनेता शाहरुख खानचा मुलगा आर्यन खानसह काही जणांना मुंबईतील क्रूझवर अटक केली होती.
Akola News: अकोल्यात उद्या होणाऱ्या अमरावती विद्यापीठाच्या परीक्षा पुढे ढकलल्या; संचार बंदी, इंटरनेट बंदीमुळे निर्णय
Akola News: अकोला: अमरावती विद्यापीठ अंतर्गत उद्या अकोल्यातील 11 वेगवेगळ्या परीक्षा केंद्रावर होणाऱ्या विविध अभ्यासक्रमाच्या परीक्षा पुढे ढकलण्याचा निर्णय प्रशासनाने घेतला आहे. अकोल्यातील काही भागात लागू असलेली संचार बंदी तसेच इंटरनेट सेवेवरील बंधने आदी या कारणामुळे प्रशासनाने असा निर्णय घेतला आहे.
छत्रपती संभाजीनगर: राजपूत समाज आहे त्यांच्या समोरील भामटा शब्द काढून टाकण्याचा निर्णय घेत असून आणि केंद्राकडे प्रस्ताव पाठवणार; मुख्यमंत्री एकनाथ शिंदे यांची घोषणा
छत्रपती संभाजीनगर: राजपूत समाज आहे त्यांच्या समोरील भामटा शब्द काढून टाकण्याचा निर्णय घेत असून आणि केंद्राकडे प्रस्ताव पाठवणार असल्याची घोषणा मुख्यमंत्री एकनाथ शिंदे यांनी केली. राजपूत समाजासाठी आर्थिक महामंडळ स्थापन करण्याचा निर्णय घेणार असल्याचे त्यांनी म्हटले.
Jalgaon News: जळगाव: शॉर्ट सर्किट मुळे उसाच्या शेताला लागलेल्या आगीत शेतकऱ्याचे पाच लाखांचे नुकसान
Jalgaon News: महावितरण कंपनीच्या वीज तारां मध्ये झालेल्या शॉर्ट सर्किट मुळे जळगाव जिल्ह्यातील जळगाव तालुक्यातील वावडदा गावातील शेतकरी ऊस उत्पादक शेतकरी जानकीराम पाटील यांच्या दोन एकर उसाच्या शेताला आग लागून पाच लाख रुपयांचे नुकसान झाले आहे. वावडदा येथील शेतकरी जानकी राम पाटील हे स्वतः ऊस उत्पादन करून स्वतःच उसाची रसवंती चालवत आपला उदरनिर्वाह करतात.
Sharad Pawar LIVE: शरद पवारांचा माध्यमांशी संवाद
Sharad Pawar LIVE: कर्नाटकाने देशाला एक संदेश दिला आहे - शरद पवार
Sharad Pawar LIVE: डी.राजा यांनी सिल्वर ओकवर घेतली शरद पवारांची भेट
Sharad Pawar LIVE: भाजपाला हरवू शकतो हे कर्नाटक निवडणुकांनी दाखवून दिलं - डी.राजा
महत्त्वाच्या बातम्या
ट्रेंडिंग न्यूज
