APMC Election : कन्नड बाजार समितीवर रावसाहेब दानवेंच्या मुलीचं वर्चस्व; हर्षवर्धन जाधवांच्या पॅनलचा धुव्वा उडाला

APMC Election 2023 Result : माजी आमदार तथा बीआरएस पक्षाचे नेते हर्षवर्धन जाधव यांना एकही जागा जिंकता आली नाही.

APMC Election : कन्नड बाजार समितीवर रावसाहेब दानवेंच्या मुलीचं वर्चस्व; हर्षवर्धन जाधवांच्या पॅनलचा धुव्वा उडाला

APMC Election 2023 Result : छत्रपती संभाजीनगरच्या (Chhatrapati Sambhaji Nagar) कन्नड तालुका कृषी उत्पन्न बाजार समितीच्या संचालकपदाच्या निवडणुकीत जिल्हा बँकेचे अध्यक्ष नितीन पाटील आणि केंद्रीय मंत्री रावसाहेब दानवे (Raosaheb Danve) यांच्या कन्या संजना जाधव यांच्या शिवशाही शेतकरी विकास पॅनलने 18 पैकी 16 जागा जिंकत कन्नड बाजार समितीवर आपले वर्चस्व सिद्ध केले आहे. महाविकास आघाडी आणि आमदार उदयसिंग राजपूत यांच्या पॅनलचा या निवडणुकीत धुव्वा उडाला आहे. तर माजी आमदार तथा बीआरएस पक्षाचे नेते हर्षवर्धन जाधव यांनाही एकही जागा जिंकता आली नाही. या निवडणुकीत नितीन पाटील गटाचे 13 पैकी 11 तर संजना जाधव गटाचे 5 पैकी 5 उमेदवार विजयी झाले आहे. तर सोसायटी मतदार संघातून भाजपचे किशोर पवार व  हमाल तोलारी मतदारसंघात अपक्ष उमेदवार शेख युसुफ विजयी झाले आहे. 

कन्नड बाजार समितीच्या निवडणुकीत शिवसेना (शिंदे गट) व संजना जाधव गट, महाविकास आघाडी, स्वाभिमानी आणि आप पार्टी, भाजप आणि माजी आमदार हर्षवर्धन जाधव, असे पाच पॅनल उभे आसल्याने मोठी चुरस निर्माण झाली होती. ठाकरे गटाचे विद्यमान आमदार उदयसिंग राजपूत व राष्ट्रवादीचे माजी नगराध्यक्ष संतोष कोल्हे यांनी एकत्र येऊन निवडणूक लढवली होती. यात त्यांना एकही जागा जिंकता आली नाही. तर खुद्द आमदार राजपूत यांच्या मूळ गावी नागद येथे आसलेल्या मतदान केंद्रावर फक्त चार मतदान मिळाल्याने त्यांच्या पॅनलच्या उमेदवारांनी संताप व्यक्त केला.  तर हर्षवर्धन जाधव यांना देखील एकही उमेदवार निवडून आणता आला नाही. 

निवडून आलेले उमेदवार 

सहकारी संस्था 

साधारण गट: कैलासअकोलकर, साईनाथ अल्हाड, गोकुळसिंग राजपुत, युवराज चव्हाण, देविदास  मनगटे, शिवाजी  थोरात (शिवशाही शेतकरी विकास पॅनल), किशोर नारायणराव पवार ( भाजप प्रणित शेतकरी विकास पॅनल)

सहकारी संस्था महिला राखीव 

सुलोचनाबाई पवार,  अनिता शेलार (शिवशाही शेतकरी विकास पॅनल)

सहकारी संस्था इ.मा. प्रवर्ग 

कांताराम सोनवणे, सहकारी संस्था वि.जा./भ. ज. - मनोज राठोड (शिवशाही शेतकरी विकास पॅनल)

ग्राम पंचायत मतदारसंघ 

चंद्रभान गोरे, बाळासाहेब राऊबा जाधव (साधारण), जयेश बोरसे (दुर्बल घटक) , व्यापारी मतदार संघ : अब्दूल जावेद अ. वाहेद, प्रकाश अग्रवाल (शिवशाही शेतकरी विकास पॅनल), हमाल तोलारी : शेख युसुफ शेख मुनीर (अपक्ष) या प्रमाणे आहेत.

इतर महत्वाच्या बातम्या: