Maharashtra Breaking News LIVE Updates: सीताराम कुंटे यांची मुख्यमंत्री सचिवालयात प्रधान सल्लागार म्हणून नियुक्ती
Maharashtra Breaking News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये.
LIVE
Background
6 डिसेंबरला चैत्यभूमीवर गर्दी करु नका, प्रशासनाचे अनुयायांना आवाहन
6 डिसेंबरला चैत्यभूमीवर गर्दी करु नका, प्रशासनाने अनुयायांना आवाहन केले आहे. ओमिक्रॉन व्हायरसच्या पार्श्वभूमीवर उपमुख्यमंत्री अजित पवारांनी महापरिनिर्वाण दिनाच्या नियोजनासंदर्भात बैठक घेतली होती. गेल्या वर्षीप्रमाणेच यंदाही महापरिनिर्वाण दिनाला चैत्यभूमीवर येण्यास निर्बंध घातले जाऊ शकतात. महापालिकेकडून महापरिनिर्वाण दिनाच्या दिवशी शिवाजी पार्क येथे अनुयायांकरता व्यवस्था केली जाते मात्र,यंदा ती केली जाणार नाही. अनुयायांनी गेल्यावर्षीचे कोविड प्रतिबंधात्मक नियम पाळणे गरजेचे आहे.
ST strike Updates : आज19 हजार 163 एसटी कर्मचारी कामावर परतले; महामंडळाची माहिती
एसटी महामंडळाच्या संपात सहभागी कर्मचारी हळू हळू कामावर परतू लागले. आज 19 हजार 163 कर्मचारी कामावर पुन्हा हजर झाले आहेत. यामध्ये प्रशासकिय विभागातील 8 हजार 922, कार्यशाळेत काम करणारे 5 हजार 442, चालक 2 हजार 549 तर वाहक 2 हजार 250 पुन्हा एकदा कामावर परतले आहेत.
मानहानीच्या प्रकरणात नवाब मलिकांना दिलासा, माझगाव कोर्टाकडून 15 हजारांचा वैयक्तिक जामीन मंजूर, मोहित कंबोज यांनी दाखल केलेली मानहानीची तक्रार
मानहानीच्या प्रकरणात नवाब मलिकांना दिलासा,
माझगाव कोर्टाकडनं 15 हजारांचा वैयक्तिक जामीन मंजूर,
भाजप नेते मोहित कंबोज यांनी दाखल केलेली मानहानीची तक्रार,
पुढील सुनावणी 30 डिसेंबरला
पहिली ते सातवी शाळा सुरू करण्यावर सध्यातरी शिक्षण विभाग ठाम, मार्गदर्शक सूचना बाबत पुन्हा एकदा टास्क फोर्ससोबत चर्चा करणार
पहिली ते सातवी शाळा सुरू करण्यावर सध्यातरी शिक्षण विभाग ठाम, मार्गदर्शक सूचना बाबत पुन्हा एकदा टास्क फोर्ससोबत चर्चा करणार, चाइल्ड टास्क फोर्ससोबत झालेल्या बैठकीनंतर आज किंवा उद्या मध्ये पहिली ते सातवी च्या शाळा सुरु करण्याचा निर्णय बाबत शासन निर्णय जारी करणार असल्याची माहिती, चाइल्ड टास्क फोर्स सुद्धा पुढील बैठकीत नव्या मर्गदर्शक सूचना देणार, मात्र सध्यातरी चाइल्ड टास्क सदस्य सुद्धा शाळा सुरू करण्याबाबत सकारात्मक.
निवडणुकीत रिस्क नको! घोडेबाजार टाळण्यासाठी नागपूरचे भाजप नगरसेवक गोवा टूरवर
Vidhan Parishad Election Nagpur : नागपूर मध्ये स्थानिक स्वराज्य संस्थेच्या विधानपरिषद निवडणुकीमध्ये रंगत आली आहे. राज्यातील इतर जागा बिनविरोध झाल्या असल्या तरी नागपूर स्थानिक स्वराज्य संस्थेची निवडणूक मात्र होणार आहे. काँग्रेसकडून छोटू भोयर उर्फ रवींद्र भोयर यांचे नाव जाहीर करण्यात आलं आहे. निवडणुकीआधी 34 वर्ष भाजपसोबतचा प्रवास संपवत भोयर यांनी भाजपमधून काँग्रेसमध्ये प्रवेश केला. आता काँग्रेसकडून ते विधानपरिषदेसाठी लढणार आहे. भाजपकडून चंद्रशेखर बावनकुळे मैदानात आहेत. (Chhotu Bhoyar vs Chandrashekhar Bawankule) उमेदवारी जाहीर केली आहे.
सीताराम कुंटे यांची मुख्यमंत्री सचिवालयात प्रधान सल्लागार म्हणून नियुक्ती
नुकतेच मुख्य सचिव पदावरून निवृत्त झालेले श्री सीताराम कुंटे यांचा प्रशासनातील प्रदीर्घ अनुभव लक्षात घेता त्यांची नियुक्ती मुख्यमंत्री सचिवालयात प्रधान सल्लागार या पदावर करण्यात आली. मुख्यमंत्री उद्धव ठाकरे यांनी यासंदर्भातील निर्देश आज दिले.
सीताराम कुंटे यांची मुख्यमंत्री सचिवालयात प्रधान सल्लागार म्हणून नियुक्ती
नुकतेच मुख्य सचिव पदावरून निवृत्त झालेले श्री सीताराम कुंटे यांचा प्रशासनातील प्रदीर्घ अनुभव लक्षात घेता त्यांची नियुक्ती मुख्यमंत्री सचिवालयात प्रधान सल्लागार या पदावर करण्यात आली. मुख्यमंत्री उद्धव ठाकरे यांनी यासंदर्भातील निर्देश आज दिले.
पुण्यात गेल्या 24 तासात 78 कोरोनाबाधित रुग्णांची नोंद तर 84 रुग्णांनी केली कोरोनावर मात
पुण्यात गेल्या 24 तासात 78 कोरोनाबाधित रुग्णांची नोंद झाली आहे. तर 84 रुग्णांनी कोरोनावर मात केली आहे. पुण्यात आतापर्यंत 496772 रुग्ण कोरोनामुक्त झाले आहेत. पुण्यात गेल्या 24 तासात एकाही कोरनाबाधित रुग्णांचा मृत्यू झाला नाही. सध्या पुण्यात 824 सक्रिय रुग्ण आहेत. आज पुण्यात 3869 नागरिकांची स्वॅब तपासणी झाली आहे.
साईबाबा संस्थान विश्वस्त मंडळाला कारभार पाहण्याची परवानगी
राज्य सरकारनं नेमलेल्या मंडळाचे उच्च न्यायालयानं अधिकार गोठवले होते. या विरोधात अध्यक्ष आशुतोष काळे यांनी सर्वोच्च न्यायालयात याचिका दाखल केली होती. अनेक दिवसापासून निवड होऊनही कारभार करता येत नसल्याचं त्यांनी याचिकेतून म्हटलं होतं. या याचिकेवर सर्वोच्च न्यायालयात आज दाखल सुनावणी झाली. साई संस्थानचा कारभार पाहण्यासाठी सर्वोच्च न्यायलायने दिला निर्णय
राज्याचे मुख्य सचिव सिताराम कुंटे यांना मुदतवाढ नाही
राज्याचे मुख्य सचिव सिताराम कुंटे यांना मुदतवाढ नाही. राज्य सरकारनं पाठवलेला प्रस्ताव केंद्रीय कमिटीनं नाकराला आहे. सनदी अधिकारी देबाशिश चक्रवर्ती यांना अतिरिक्त चार्ज दिला आहे.
महत्त्वाच्या बातम्या
ट्रेंडिंग न्यूज
