Vande Bharat Train : 'या' दोन मार्गांवर वंदे भारत एक्स्प्रेस सुरु होणार, किती रुपये असणार तिकीट दर?
Vande Bharat Train : उदयपूर ते अहमदाबाद हे अंतर 296 किलोमीटर असून आता या मार्गावर वंदे भारत ट्रेन सुरू झाल्याने हा प्रवास जलद आणि आरामदायी होणार आहे.
Vande Bharat Train : राजस्थान (Rajasthan) आणि गुजरातच्या (Gujarat) प्रवाशांना रेल्वेने मोठी भेट दिली आहे. आता जगप्रसिद्ध पर्यटन शहर उदयपूर आणि अहमदाबाद (असरवा) दरम्यान वंदे भारत ट्रेन सुरु आहे. रेल्वेने या ट्रेनचे वेळापत्रक जाहीर केले असून ही ट्रेन 26 जानेवारीनंतर कधीही सुरू होऊ शकते. मिळालेल्या माहितीनुसार, ही ट्रेन मंगळवार वगळता आठवड्यातून 6 दिवस धावणार आहे.
नवीन वंदे भारत ट्रेनचे वेळापत्रक आधीच तयार झाले आहे. ही ट्रेन उदयपूर येथून सकाळी 6:10 वाजता सुटेल आणि साडेचार तासांच्या प्रवासानंतर अहमदाबाद (असरवा) येथे सकाळी 10:25 वाजता पोहोचेल. ही ट्रेन असरवा येथून संध्याकाळी 5:45 वाजता परतेल आणि उदयपूरला रात्री 10 वाजता पोहोचेल. त्याचा प्रवास आता साडेपाच तासांवरून साडेचार तासांवर येईल, असे सांगण्यात येत आहे.
वेळेची बचत आणि चांगल्या सुविधांचा फायदा प्रवाशांना होतो
उदयपूर ते अहमदाबाद हे अंतर 296 किलोमीटर असून आता या मार्गावर वंदे भारत ट्रेन सुरू झाल्याने हा प्रवास जलद आणि आरामदायी होणार आहे. ही गाडी सुरू झाल्याने प्रवाशांचा वेळ वाचणार असून ते अधिक सोयीस्करपणे प्रवास करू शकणार आहेत. पश्चिम रेल्वेने या मार्गाच्या विद्युतीकरणाचे काम पूर्ण केले असून, आता या मार्गावर इलेक्ट्रिक इंजिनच्या गाड्या धावू लागल्या आहेत.
भाडे किती असेल?
वंदे भारत ट्रेनसाठी चेअर कारचे प्रस्तावित भाडे सुमारे 1065 रुपये आणि एक्झिक्युटिव्हसाठी सुमारे 1890 रुपये असू शकते. आता पश्चिम रेल्वे या गाडीचे थांबण्याचे वेळापत्रकही तयार करणार असून त्यात ही गाडी कोणत्या स्थानकावर किती वेळ थांबणार हे ठरवले जाणार आहे. सध्या या ट्रेनच्या संचालनाची सर्व तयारी पूर्ण झाली असून लवकरच त्याची अधिकृत अधिसूचना जारी करण्यात येणार आहे.
वंदे भारत उदयपूर-अहमदाबाद दरम्यान सुरू झाला
उदयपूर आणि अहमदाबाद दरम्यान वंदे भारत ट्रेन चालवण्यामुळे प्रवाशांच्या सोयीचा मार्ग तर खुला होईलच शिवाय दोन्ही राज्यांमधील व्यापार आणि पर्यटनालाही चालना मिळेल. रेल्वेच्या या पावलामुळे दोन्ही राज्यांतील प्रवास अधिक सुलभ आणि जलद होणार आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
