Maharashtra Breaking News LIVE Updates : एमपीएससीची तयारी करणाऱ्या पुण्यातील तरुणाची आत्महत्या

Maharashtra Breaking News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

महाराष्ट्राकडे लसीचा पुरेसा साठा, लसीअभावी लसीकरणात अडचण नाही; केंद्र सरकारकडून स्पष्टीकरण

एकीकडे देशात कोरोना (Corona) चा वाढता संसर्ग कायम असताना देशात लसीकरणावर (Covid19 Vaccine) भर दिला जात आहे. अशात मीडिया रिपोर्ट्सनुसार, लस उपलब्धतेत कमतरता असल्यामुळे राज्य सरकार लसीकरणाची गती वाढवू शकत नाही असे बोलले जात होते. मात्र केंद्रीय आरोग्य मंत्रालयाने (Central Health Ministry) या वृत्ताचे खंडन केले आहे. केंद्रीय आरोग्य मंत्रालयाने सांगितले की राज्याकडे कोवॅक्सिन लसीचा 24 लाखांहून अधिक डोसचा साठा आहे त्याशिवाय राज्याला शुक्रवारी अतिरिक्त 6.35 लाख डोस मिळाले असल्याचे केंद्राने म्हटलंय. मंत्रालयाने एका निवेदनात म्हटले आहे की, ''कोविन अ‍ॅपवर (Co-WIN App) उपलब्ध साप्ताहिक लसीकरणाच्या आकडेवारीनुसार, 18 वर्षांखाली अल्पवयीन मुलामुलींच्या लसीकरणासाठी राज्याला कव्हर करण्यासाठी आणि बूस्टर डोस (Booster Dose) साठी महाराष्ट्राचा कोवॅक्सिन लसीचा सरासरी वापर दररोज सुमारे 2.94 लाख डोस इतका आहे. राज्याकडे कोवॅक्सिन लसीचा आतापर्यंत न वापरलेल्या  24 लाखांहून अधिक डोसचा साठा आहे. त्यामुळे, राज्याकडे 10 दिवसांच्या लसीकरणासाठीचा लसीचे मुबलक डोस आहेत. 

शेतकऱ्याच्या मुलीची गगनभरारी! घरीच अभ्यास करत पहिल्याच प्रयत्नात UPSC च्या परिक्षेत यश

एका शेतकऱ्याच्या मुलीने जिद्दीच्या बळावर पहिल्याच प्रयत्नात केंद्रीय लोकसेवा आयोग म्हणजेच यूपीएससी (UPSC) च्या परिक्षेत मोठे यश संपादन केले आहे. घरीच अभ्यास करत तिने हे यश मिळवले आहे. श्रद्धा नवनाथ शिंदे असे त्या मुलीचे नाव आहे. यूपीएससीच्या भारतीय अभियांत्रिकी सेवा परीक्षेत ती राज्यात पहिली तर देशात 36 व्या क्रमांकाने उत्तीर्ण झाली आहे. श्रद्धाचे वडील हे बीड तालुक्यातील लोणी शहाजानपूर येथील असून ते अल्पभूधारक शेतकरी आहेत. तर आई गृहिणी असून त्या अशिक्षित आहेत. श्रद्धाचे प्राथमिक व माध्यमिक शिक्षण बीडलाच झाले.श्रद्धा यांचे प्राथमिक व माध्यमिक शिक्षण बीडला झाल्यानंतर तिने औरंगाबाद (Aurangabad) येथील शासकीय अभियांत्रिकी महाविद्यालयातून इलेक्ट्रीकल इंजिनीअरींगचे शिक्षण पूर्ण केले. 2018 ला श्रद्धाने अभियांत्रिकीची पदवी हाती घेतली. त्यानंतर तिने थेट दिल्ली गाठली व सहा महिने शिकवणी केली.

 

 

23:30 PM (IST)  •  15 Jan 2022

आसाममध्ये सैन्य भरतीसाठी गेले आणि तिथे अडकलेले उमेदवार महाराष्ट्राच्या दिशेने निघाले

आसाम मध्ये सैन्य भरतीसाठी गेले आणि तिथे अडकलेले उमेदवार महाराष्ट्राच्या दिशेने निघाले आहेत.  महाराष्ट्रातील तरुण उमेदवार सैन्य भरतीसाठी आसाम मध्ये गेले होते. मात्र त्यातील साठ ते सत्तर उमेदवार हे रॅपिड अँटीजन टेस्ट मध्ये कोरोना पॉझिटिव आल्याने ते आसाम राज्य सरकारच्या नियमानुसार रुग्णालयात भरती झाले. महाराष्ट्रातील या अडकलेल्या मुलांना त्यांचा विलीगीकरणाचा कालावधी पूर्ण झाल्यानंतर रुग्णालयातून सोडण्यात आले आहे... आणि त्यातील अनेक तरुणांनी आता महाराष्ट्रात यायला सुरुवात केली आहे....

23:29 PM (IST)  •  15 Jan 2022

लसीचे दोन डोस घेतले असतील तरच लोणावळ्यासह मावळ तालुक्यात मिळणार प्रवेश, अन्यथा....!

पुण्यातील प्रसिद्ध पर्यटनस्थळी म्हणजे लोणावळ्यात लसीचे दोन डोस घेतले असतील तरच प्रवेश मिळणार आहे. यासाठी प्रशासनाकडून मुंबई आणि पुण्याच्या एन्ट्री पॉइंटवर चेक पोस्ट लावण्यात येणार आहेत. सोमवारी 17 जानेवारीपासून याची अंमलबजावणी सुरू होईल. शिवाय ज्यांनी दुसरा डोस घेतला नसेल आणि त्यांची मुदत ओलांडली असेल तर नाक्यावरच त्या व्यक्तीस लस टोचली जाणार आहे. वडगाव मावळ तालुक्यातील लोणावळ्यासह कामशेत, कान्हे रेल्वे गेट, वडगाव आणि तळेगावच्या एन्ट्री पॉइंटवर ही अशीच नाकाबंदी करण्यात येणार आहे. दिवसेंदिवस तालुक्यात कोरोनाचे रुग्ण वाढू लागलेत, त्यामुळेच ऍक्टिव्ह रुग्णांची संख्या आठशे पार गेलीये. कोरोनाचा विळखा वाढू लागल्याने तालुका प्रांताधिकाऱ्यांनी अशी खबरदारीची पावलं उचलली आहेत. एन्ट्री पॉइंटच्या प्रत्येक चेकपोस्टवर नगरपंचायत आणि नगरपरिषद प्रशासनाच्या मदतीला पोलीस ही तैनात असतील. ते प्रत्येक व्यक्तीला चेक पोस्टवर रोखणार आहेत. त्यांनी कोरोना लसीचे दोन डोस घेतलेत का? एकच डोस घेतलाय आणि त्यांची दुसऱ्या डोसची मुदत संपलीये का? किंवा आत्तापर्यंत लसच घेतली नाही याची पडताळणी केली जाईल. शिवाय लस न घेतलेल्यांना चेक पोस्टवरच लस टोचण्यात येणार आहे.

20:39 PM (IST)  •  15 Jan 2022

अंबरनाथमध्ये रस्त्यावर उभ्या असलेल्या कारला अचानक लागली आग

अंबरनाथमध्ये रस्त्यावर उभ्या असलेल्या कारला अचानक लागली आग

अंबरनाथ पूर्वेच्या मोतीराम पार्क परिसरात लागली आग

अग्निशमन दलानं घटनास्थळी धाव घेत आग विझवली

सुदैवानं आगीत कुणालाही इजा नाही

18:00 PM (IST)  •  15 Jan 2022

पदयात्रा काढण्यास निवडणूक आयोगाकडून 22 तारखेपर्यंत बंदी

पाच राज्यातील निवडणुकीचा प्रचार सुरु असताना निवडणूक आयोगाने एक महत्त्वाची घोषणा केलीय. या पाचही राज्यात पदयात्रा किंवा सायकर रॅली काढण्यास 22 तारखेपर्यंत बंदी घालण्यात आली आहे.

पाच राज्यांतील निवडणुकीचा प्रचार शिगेला पोहोचला असताना केंद्रीय निवडणूक आयोगाने एक महत्वपूर्ण निर्णय घेतला आहे. या पाच राज्यांमध्ये 22 जानेवारी पर्यंत निवडणूक प्रचारसभा, मेळावे आणि रोडशो घेण्यास बंदी कायम ठेवण्यात आली आहे. देशातील कोरोना संसर्गाचे आकडे वाढत असल्याने केंद्रीय निवडणूक आयोगाने हा निर्णय घेतला आहे. तर बंद हॉलमध्ये 300 जणांचा मेळावा घेण्यास राजकीय पक्षांना अनुमती देण्यात आली आहे. 

या आधी केंद्रीय निवडणूक आयोगाने कोरोनाची वाढती रुग्णसंख्या लक्षात घेता निवडणुकीतील  रॅली, रोड शोवर बंदी घातली होती. आता त्यासंबंधी नवे आदेश काढून ही बंदी 22 जानेवारीपर्यंत कायम ठेवण्याचा निर्णय घेण्यात आला आहे. 

 

17:35 PM (IST)  •  15 Jan 2022

निवडणूक आयोगाकडून २२ जानेवारी पर्यंत निवडणूक प्रचारसभा, मेळावे आणि रोडशो वरील मनाई कायम

निवडणूक आयोगाकडून २२ जानेवारी पर्यंत निवडणूक प्रचारसभा, मेळावे आणि रोडशो वरील मनाई कायम.. कोरोना संसर्गाचे आकडे वाढत असल्याने निवडणूक आयोगाचा निर्णय.. बंद हॉलमध्ये 300 जणांचा मेळावा घेण्यास अनुमती