Maharashtra Breaking News 30 August 2022 : देशासह राज्यभरातील महत्त्वाच्या बातम्या एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
मुंबई : ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू.
राज्यातील सत्तासंघर्षाच्या सुनावणीसंबंधी अनिश्चितता कायम
राज्यातील सत्तासंघर्षावर सर्वोच्च न्यायालयात सुरू असलेल्या सुनावणीसंदर्भात अनिश्चितता कायम आहे. या प्रश्नी आज सुनावणी होण्याची शक्यता वर्तवण्यात येत होती. पण सर्वोच्च न्यायालयाच्या आजच्या कामकाजाच्या विषयांमध्ये याचा समावेश नाही. त्यामुळे आज या प्रश्नी सुनावणी होणार की नाही हे अद्याप अस्पष्ट आहे. गुरूवारपर्यंत तातडीच्या सुनावणीसाठी कोणतंही प्रकरण थेट खंडपीठाकडे सादर करू नका असा आदेश नवनिर्वाचित सरन्यायाधीश उदय लळित यांनी दिला आहे. तातडीच्या प्रकरणांची माहिती रजिस्ट्रारकडे द्यावी, ते देतील त्या तारखेला सुनावणी होईल असे निर्देशही सरन्यायाधीश उदय लळीत यांनी दिले आहेत. त्यामुळे हा विषय ऐनवेळी न्यायालयाच्या कामकाजाच्या पटलावर येण्याची शक्यता कमी असल्याचं चित्र आहे.
मेट्रो 3 ची आज चाचणी
कुलाबा-वांद्रे-सिप्झ मार्गावरच्या मेट्रो 3 ची आज चाचणी होणार आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत मेट्रो 3 ची चाचणी होणार आहे. आरेच्या सारीपूतनगर येथील ट्रॅकवरती ही चाचणी होणार आहे. एकीकडे आरे कारशेडला पर्यावरणवाद्यांचा विरोध होत असताना दुसरीकडे मात्र ट्रायल सुरु करण्यात आली आहे. या मेट्रोसाठी दोन रेक मुंबईत दाखल झाले आहेत. सकाळी 11 वाजता ही आरेच्या सारीपूतनगर येथील ट्रॅकवरती ही चाचणी होणार आहे. सीप्झ ते बीकेसी हा पहिला टप्पा डिसेंबर 2023 पर्यंत सुरु करण्याचा एमएमआरसीचा प्रयत्न आहे.
सर्वोच्च न्यायालयात आज मेट्रो कारशेडची संदर्भात महत्वाची सुनावणी
सर्वोच्च न्यायालयात आज मेट्रो कारशेडची संदर्भात महत्वाची सुनावणी होणार असून राज्य सरकारला आज कागदपत्र सादर करावी लागणार आहेत. 24 ऑगस्टच्या सुनावणीत राज्य सरकारनं आणखी कागदपत्रं जमा करण्यासाठी वेळ मागितला होता. तेव्हा न्यायालयाने अशात आणखी किती दिवस आम्ही सुनावणी पुढे ढकलायची?, असा प्रश्न उपस्थित केला होता. आज पूर्वीच्या सातही याचिकांवर एकत्रितपणे सुनावणी होणार आहे. त्यामुळे न्यायालय राज्य सरकारनं सुरु केलेल्या ट्रायल रनला हिरवा कंदील कायम ठेवतं की लालफितीत अडकवतं हे बघणं महत्त्वाचे असेल.
Ganeshotsav 2022 : गणेशोत्सवाच्या पूर्वसंध्येला पुण्यात पावसाची हजेरी
गणेशोत्सवाच्या पूर्वसंध्येला पुण्यात पावसाने हजेरी लावली आहे. विजांसह पाऊस आल्याने पुणेकरांची चांगलीच तारांबळ उडाली आहे. मंडई, लक्ष्मी रोडवर प्रचंड प्रमाणात गर्दी आहे. ही गर्दी आटोक्यात आणण्यासाठी पोलिसांना रस्त्यावर उतरावं लागलं. बापाची मूर्ती खरेदीसाठी आलेल्या पुणेकरांचा चांगलाच खोळंबा झाला.
Ganeshotsav 2022 : आदित्य ठाकरे यांच्या वरळी मतदारसंघात गणेशोत्सवामुळे मोठा पोलीस बंदोबस्त
शिवसेना आमदार आदित्य ठाकरे यांच्या वरळी मतदारसंघात गणपती सणानिमित्ताने वरळी पोलिसांनी केली मोठा बंदोबस्त.
वरळी पोलिसांकडून सर्वात मोठा विसर्जन पॉईंट असलेल्या वरळी परिसरात लोटस जंक्शनवर पोलिसांनी आज घेतला विसर्जन स्थळाचा आढावा.
वरळी पोलिसांकडून लोटस जंक्शन समुद्रकिनारावर मोठा बंदोबस्त तैनात करण्यात आला आहे.
मुंबईचा सर्वात हॉट परिसर असणाऱ्या वरळी विधानसभेमध्ये 56 मोठ्या गणपती मंडळाच्या अध्यक्षांना पोलिसांनीकडून कारवाईची नोटीस.
जर काही अनुचित प्रकार घडला तर मंडळाचा अध्यक्षांवर थेट कारवाईचे इशारा.
औरंगाबाद शहरातील पोलीस ठाणे उडण्याची धमकी, संशयित ताब्यात
औरंगाबाद शहरातील एक पोलीस ठाणे उडणार अशी धमकी देणारा कॉल औरंगाबादच्या पोलीस नियंत्रण कक्षाला आल्याची धक्कादायक माहिती समोर आली आहे. धमकीचा कॉल येताच पोलिसांनी तपासाचे चक्र फिरवत फोन करणाऱ्या आरोपीला बेड्या ठोकल्या आहे. मात्र तोपर्यंत पोलीस दलात खळबळ उडाली होती. पोलिसांकडून या आरोपीला ताब्यात घेऊन त्याच्याविरुद्ध गुन्हा दाखल करण्यात आला आहे.
Nashik Rain : नाशिक शहर परिसरात जोरदार पावसाला सुरवात, बाजारात तारांबळ
Nashik Rain : गेल्या दोन ते तीन दिवसांपासून विश्रांती घेतलेल्या पावसाने गणेश स्थापनेच्या आदल्या दिवशी नाशिक शहर परिसरात जोरदार हजेरी लावली. त्यामुळे गणेश उत्सवाच्या खरेदीसाठी बाजारात आलेल्या नाशिककरांची चांगलीच तारांबळ उडाल्याचे पाहायला मिळाले.
Nashik Rain : नाशिक शहर परिसरात जोरदार पावसाला सुरवात, बाजारात तारांबळ
Nashik Rain : गेल्या दोन ते तीन दिवसांपासून विश्रांती घेतलेल्या पावसाने गणेश स्थापनेच्या आदल्या दिवशी नाशिक शहर परिसरात जोरदार हजेरी लावली. त्यामुळे गणेश उत्सवाच्या खरेदीसाठी बाजारात आलेल्या नाशिककरांची चांगलीच तारांबळ उडाल्याचे पाहायला मिळाले.
महत्त्वाच्या बातम्या
ट्रेंडिंग न्यूज
