Maharashtra News LIVE Updates : ओबीसी आरक्षण प्रकरणात 25 तारखेला सुप्रीम कोर्टात सुनावणी

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra Breaking News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

International Mother Language Day : आज जागतिक मातृभाषा दिन, जाणून घ्या या दिवसाचे महत्त्व

World Mother Language Day : जगभरात 21 फेब्रुवारी रोजी जागतिक मातृभाषा दिवस साजरा केला जातो. जगभरातील भाषा आणि सांस्कृतिक विविधता जोपासणे आणि त्याबाबत जागरूकता निर्माण करणे हा या दिवसाचा उद्देश्य आहे. युनेस्कोने 17 नोव्हेंबर 1999 रोजी आंतरराष्ट्रीय मातृभाषा दिवस साजरा करण्याची घोषणा करण्यात आली होती. 

जगात सुमारे ७ हजार भाषा बोलल्या जातात. भारतातही प्रामुख्याने २२ भाषा बोलल्या जातात. भारतात जवळपास 1300 च्या आसपास मातृभाषा आहेत. आंतरराष्ट्रीय मातृभाषा दिनाच्या दिवशी जगभरात अनेक कार्यक्रम आयोजित केले जातात. यानिमित्ताने शिक्षण आणि साहित्याशी निगडित लोक विविध भाषांबद्दल चर्चा करतात. मातृभाषेबद्दल जागरूकता निर्माण करणे, भाषिक विविधता जोपासणे, त्याचे महत्त्वदेखील अधोरेखित केले जाते. जगात काही मातृभाषा लोप पावत असल्याबद्दलही जागतिक पातळीवर चिंता व्यक्त केली जाते. मातृभाषेचे संवर्धन करणे, मातृभाषेचा प्रचार-प्रसार करण्याबाबत धोरण ठरवले जाते. 

21 फेब्रुवारी रोजी का साजरा करतात मातृभाषा दिवस

भारताच्या फाळणीनंतर पाकिस्तानची निर्मिती झाली. पाकिस्तानची निर्मिती झाली तेव्हा पूर्व पाकिस्तान आणि पश्चिम पाकिस्तान असे दोन भाग होते. पश्चिम बांगलादेशमध्ये उर्दू आणि पश्चिम बांगलादेशमध्ये बंगाली भाषिकांचे प्रमाण अधिक होते. तत्कालीन पाकिस्तान सरकारने भाषा धोरण लागू करून पाकिस्तानची अधिकृत भाषा म्हणून उर्दूला मान्यता दिली होती. पाकिस्तान सरकारच्या या धोरणाच्या विरोधात ढाका विद्यापीठात विद्यार्थ्यांनी आंदोलन सुरू केले. ढाका विद्यापीठातील आंदोलनावर पोलिसांनी 21 फेब्रुवारी 1952 रोजी गोळीबार केला होता. आंदोलनाच्या परिणामी पाकिस्तान सरकारला नमतं घ्यावं लागले आणि बंगाली भाषेलाही मान्यता दिली. 

 

गिरीश महाजनांना राजकारणात मी आणलं, मात्र देशात बाप विसरणाऱ्यांची संख्या कमी नाही, एकनाथ खडसेंची जहरी टीका

 Eknath Khadse on Girish Mahajan : गिरीश महाजन (Girish Mahajan) यांना राजकारणात आपण आणलं, त्यांना घडवलं, हे सगळ्या जगाला माहीत आहे. मात्र बापाला विसरणारे अनेक लोक आता जन्माला आले  आहेत, अशी जहाल टीका एकनाथ खडसे (Eknath Khadse) यांनी भाजप नेते गिरीश महाजन यांच्यावर केली आहे. त्यांच्या या टिकेमुळे पुन्हा एकदा राजकीय क्षेत्रात विविध चर्चा आता रंगू लागल्या आहेत. 

गेल्या काही दिवसांपासून भाजप नेते गिरीश महाजन आणि राष्ट्रवादीचे  नेते एकनाथ खडसे यांच्यामध्ये वाकयुद्ध सुरू असल्याचं पाहायला मिळत आहे. यामध्ये दोन्ही नेते एकमेकांच्या विरोधात आरोप-प्रत्यारोप करत असताना एका वाहिनीला मुलाखत देताना गिरीश महाजन यांनी कोण एकनाथ खडसे? असा सवाल उपस्थित केला होता. 

गिरीश महाजन यांच्या प्रश्नांना उत्तर देताना एकनाथ खडसे यांनी म्हटलं आहे की, गिरीश महाजन हे आता भाजपचे राष्ट्रीय नेते झाले आहेत. त्यामुळे मी त्यांच्यासाठी लहान कार्यकर्ता झालो आहे. मात्र असं असलं तरी गिरीश महाजन यांना राजकारणात आपण त्यांना जन्माला आणले. त्यांना घडविलं आहे. त्यांना तिकीट मिळवून देण्यात आणि विजय मिळवून देण्यास त्यांना मदत केली असल्याचं एकनाथ खडसे यांनी सांगितलं. 

23:45 PM (IST)  •  21 Feb 2022

Sangamner News : बिबट्याच्या हल्ल्यात महिलेचा मृत्यू

संगमनेर तालुक्यातील मेंढवण गावात रात्री 8 च्या सुमारास बिबट्याने केलेल्या हल्ल्यात हिराबाई एकनाथ बढे या 45 वर्षीय महिलेचा मृत्यू झाला आहे. मेंढवण शिवारातील बढे वस्तीजवळ ही घटना घडली आहे.

21:47 PM (IST)  •  21 Feb 2022

चंद्रपूर महाऔष्णिक वीज केंद्र परिसरातील वाघ जेरबंद

चंद्रपूर महाऔष्णिक वीज केंद्रातील वाघाला जेरबंद करण्यात वनविभागाला यश आलं आहे. ऊर्जानगर वसाहतीतील न्यू एफ गाळा येथे दृष्टीस पडलेला वाघ अखेर जेरबंद झाला आहे. हा वाघ नर असून अंदाजे 2 वर्षांचा आहे. 

21:22 PM (IST)  •  21 Feb 2022

Gangubai Kathiawadi : ‘गंगूबाई काठियावाडी’ सिनेमाचे नाव बदलण्याची केली मागणी

Gangubai Kathiawadi : ‘गंगूबाई काठियावाडी’ सिनेमाचे नाव बदलण्याची मागणी करण्यात आली आहे. संजय लीला भन्साळींसह इतरां विरोधात मुंबई उच्च न्यायालयात जनहित याचिका सादर करण्यात आली आहे. काँग्रेसचे आमदार अमीन पटेल यांनी याचिका दाखल केली आहे. सिनेमाच्या नावात 'काठियावाड' असल्यानं शहराची प्रतिमा मलिन होत असल्याचा अमीन पटेलांचा आरोप आहे. तसेच वेश्या व्यवसाय चालणा-या तीन गल्ल्यांमुळे संपूर्ण कामाठीपुराचं नाव बदनाम करणं योग्य नसल्याचा दावादेखील करण्यात आला आहे. येत्या शुक्रवारी सिनेमा प्रदर्शित होणार आहे. 

20:36 PM (IST)  •  21 Feb 2022

Nandurbar News: दोन वर्षाच्या चिमुरडीवर अत्याचार करणाऱ्याला शिक्षा

Nandurbar News: वाघोदा येथे दोन वर्षाच्या बालिकेवर अत्याचार करणाऱ्या नराधमाला दहा वर्ष सश्रम कारावासाची शिक्षा देण्यात आली आहे. शिवदास उर्फ काल्या भाईदास ठाकरे असं त्याचं नाव आहे.

19:31 PM (IST)  •  21 Feb 2022

ओबीसी आरक्षण प्रकरणात 25 तारखेला सुप्रीम कोर्टात सुनावणी

महाविकास आघाडी सरकारची ओबीसी आरक्षणावरची सर्वात मोठी परीक्षा 25 फेब्रुवारीला होणार आहे. कारण, ओबीसी आरक्षण प्रकरणात 25 तारखेला सुप्रीम कोर्टात सुनावणी होणार आहे. मागासवर्ग आयोगाने दिलेल्या अंतरिम रिपोर्टनुसार निवडणुकांना परवानगी द्यावी  असा अर्ज राज्य सरकारकडून दाखल करण्यात आला आहे. स्थानिक स्वराज्य संस्थांच्या निवडणुकीचा मार्ग मोकळा होणार की नाही याचे उत्तर याचं सुनावणीवर अवलंबून आहे.