Maharashtra Breaking News 16 August 2022 : देश-विदेशसह राज्यभरातील महत्त्वाच्या बातम्या एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
राष्ट्रीय-आंतरराष्ट्रीय तसेच स्थानिक पातळीवरील घडणाऱ्या सर्व घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत...
आज अधिवेशनाच्या पूर्वसंध्येला चहापान
राज्याचे पावसाळी अधिवेशन बुधवार 17 ऑगस्ट पासून सुरू होणार असून त्या पार्श्वभूमीवर आज संध्याकाळी 5 वाजता सह्याद्री अतिथीगृहावर चहापानाच्या कार्यक्रमाचे आयोजन करण्यात आलं आहे. त्यानंतर राज्य मंत्रीमंडळाची बैठक होणार आहे. खातेवाटपानंतरची ही पहिलीच बैठक असेल. या बैठकीनंतर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची पत्रकार परिषद होणार आहे.
विरोधी पक्षनेत्यांची संयुक्त पत्रकार परिषद
महाराष्ट्र विधानमंडळाच्या 17 ऑगस्टपासून सुरु होत असलेल्या पावसाळी अधिवेशनाच्या पार्श्वभूमीवर विधानसभेचे विरोधी पक्षनेते अजित पवार आणि विधान परिषदेचे विरोधी पक्षनेते अंबादास दानवे यांची संयुक्त पत्रकार परिषद होणार आहे. यावेळी विरोधी पक्षांचे प्रमुख नेतेही उपस्थित असतील.
नितीश कुमार-तेजस्वी यादव मंत्रिमंडळाचा विस्तार आज
बिहारमध्ये नव्याने स्थापन झालेल्या नितीश कुमार आणि तेजस्वी यादव सरकारच्या मंत्रिमंडळाचा विस्तार आज होणार आहे. सूत्रांनी दिलेल्या माहितीनुसार नितीश कुमार यांचा मंत्रिमंडळ विस्ताराचा फॉर्म्युला निश्चिच झाला आहे. यानुसार राष्ट्रीय जनता दलाचे (RJD) 15 मंत्री आणि संयुक्त जनता दल (JDU)चे 12 मंत्री असणार आहे. या शिवाय कॉंग्रेसच्या दोन, हम पार्टीच्या एक आणि अपक्ष एका आमदराला मंत्रिमंडळात संधी मिळण्याची शक्यता आहे.
बिहार विधानसभेच्या अध्यक्षपदासाठी आरजेडीचे अवध बिहारी चौधरी यांच्या नावावर एकमत झाले आहे. अवध बिहारी चौधरी हे यादव समाजाचे आहे. नव्या मंत्रिमंडळात तेजस्वी यादव उपमुख्यमंत्री आहेत. तेजस्वी यांचे भाऊ तेज प्रताप यादव हेही मंत्री असणार आहेत. आरजेडीचे प्रदेशाध्यक्ष जगदानंद सिंह यांचे पुत्र सुधाकर सिंह यांची बिहारच्या मंत्रिमंडळात नियुक्ती होण्याची शक्यता आहे. यासोबतच महागठबंधन सरकारमध्ये मंत्रीपदासाठी डॉ. चंद्रशेखर यांच्या नावाचाही विचार केला जात आहे. डॉ. चंद्रशेखर हे मधेपुरा येथील यादव समाजाचे आहेत. डॉ. चंद्रशेखर हे यापूर्वी नितीश कुमार यांच्या मंत्रिमंडळात मंत्री होते.
अरविंद केजरीवाल गुजरात दौऱ्यावर
दिल्लीचे मुख्यमंत्री आणि आपचे राष्ट्रीय अध्यक्ष अरविंद केजरीवाल हे आज गुजरात राज्याच्या दौऱ्यावर आहेत. ते आज भूजमधील एका बैठकीमध्ये भाग घेणार असून त्यानंतर पत्रकार परिषद घेणार आहेत. यावेळी केजरीवाल मोठी घोषणा करण्याची शक्यता आहे.
Nashik News : दिंडोरी तालुक्यात भूकंपाचे तीन सौम्य धक्के
Nashik News : मेरी येथील भूकंप मापक यंत्राचे अहवालानुसार आज रात्री 08.58 मिनिटांनी, 09.34 मिनिटांनी आणि 09.42 मिनिटांनी असे तीन भूकंपाचे धक्के जाणवलेले आहेत. या सौम्य धक्क्यांची तीव्रता अनुक्रमे 3.4, 2.1 आणि 1.9 असून नाशिक वेधशाळेच्या पासून 16 ते 20 किलोमीटर अंतरावर दिंडोरी तालुक्यामध्ये असण्याची शक्यता आहे. याबाबत जिल्हा आपत्ती व्यवस्थापन प्राधिकरण विभागाने माहिती दिली आहे.
#Maharashtra #MonsoonSession : मविआ सरकार अल्पमतात आल्यानंतर अनेक निर्णय घेतले: मुख्यमंत्री एकनाथ शिंदे यांचा आरोप
उद्धव ठाकरे यांनी राजीनामा दिल्यानंतर अनेक निर्णय घेतले, मग राजीनामा दिल्यानंतर घेतलेले निर्णय थांबवायचे नाहीत का असा सवाल मुख्यमंत्री एकनाथ शिंदे यांनी केला आहे. मविआच्या सरकारने अल्पमतात आल्यानंतर अनेक निर्णय घेतले, पण त्यांनी घेतलेले अत्यावश्यक निर्णय थांबवले नाहीत असं मुख्यमंत्री म्हणाले. राज्याचं पावसाळी अधिवेशन उद्यापासून सुरू होणार असून त्या पार्श्वभूमीवर मुख्यमंत्र्यांनी पत्रकार परिषद घेतली. त्यावेळी ते बोलत होते.
Maharashtra Monsoon Session : गेल्या 40 दिवसांत राज्याच्या हिताचे 750 निर्णय घेतले, आम्ही शेतकऱ्यांच्या मागे खंबीरपणे उभे: एकनाथ शिंदे
गेल्या दीड महिन्यांमध्ये राज्याच्या हिताचे 750 निर्णय आम्ही घेतले, त्यामध्ये शेतकऱ्यांना 50 हजार रुपयांच्या मदतीचा समावेश आहे. ज्यावेळी राज्यात अतिवृष्ठी झाली त्यावेळी आम्ही राज्यभर पोहोचलो. त्यानंतर आम्ही तातडीने निर्णय घेतले आणि त्याची अंमलबजावणी केली असं मुख्यमंत्री एकनाथ शिंदे म्हणाले. शेतकऱ्यांसाठी आम्ही मोठे निर्णय घेतले असंही ते म्हणाले. राज्याचं पावसाळी अधिवेशन उद्यापासून सुरू होणार असून त्या पार्श्वभूमीवर मुख्यमंत्र्यांनी पत्रकार परिषद घेतली.
Maharashtra Monsoon Session : नैसर्गिक आपत्तीच्यावेळी आमचं सरकार लोकांपर्यंत पोहोचलं: देवेंद्र फडणवीस
विरोधक सत्तेत असताना त्यांनी जी कामं केली नाहीत त्या कामांची त्यांना आमच्याकडून अपेक्षा असल्याचं राज्याचे उपमुख्यमंत्री देवेंद्र फडणवीस म्हणाले. नैसर्गित आपत्तीच्या वेळी आमचं सरकार लोकांपर्यंत पोहोचलं असल्याचंही ते म्हणाले.
Mumbai Traffic Update : पश्चिम द्रुतगती महामार्गावर वाहतूक कोंडी, अंधेरीच्या दिशेने जाणाऱ्या वाकोला ते वांद्रे मार्गावर वाहनांच्या लांबच लांब रांगा
Mumbai Traffic Update : मुंबईच्या पश्चिम द्रुतगती महामार्गावर अंधेरीच्या दिशेनी जाणाऱ्या वाकोला ते वांद्रे मार्गावर मोठी वाहतूक कोंडी झाली आहे. वाकोला उड्डाणपुलावर मोठ्या प्रमाणात खड्ड्यांचे साम्राज पसरल्यामुळे आज सकाळपासून मोठी वाहतूक कोंडी आहे. वाकोला येथील पुलावर आज दुपारपासून खड्डा बुजवायचं काम सुरू होते. मात्र काही वेळापूर्वी खड्डे बुजवण्याचे काम पूर्ण झाला आहे. खेरवाडी ते वांद्रे दरम्यान मोठी वाहतूक कोंडी अजूनही आहेय आज सकाळपासून सहा ते सात तासापासून वाकोला, खेरवाडी,वांद्रे यादरम्यान मोठी वाहतूक कोंडी आहे. या वाहतूक कोंडीमुळे वाहन चालकांना एक ते दीड तास वाहतूक कोंडीमध्ये थांबावं लागत आहेत. त्यामुळे वाहन चालकाला मोठा त्रास सहन करावा लागत आहे
महत्त्वाच्या बातम्या
ट्रेंडिंग न्यूज
