Maharashtra Breaking News 02 July 2022 : मुंबई गोवा महामार्गावरील परशुराम घाटात दरड कोसळली, वाहतुकीसाठी महामार्ग बंद
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू..
बंडखोर आमदार आज मुंबईत परतणार
सध्या गोव्यातल्या हॉटेलमध्ये मुक्कामी असणारे शिंदे समर्थक आमदार आज मुंबईत परतणार आहेत. राज्यात शिंदे सरकार आल्यानंतर आज हे आमदार मुंबईत येतील. 3 आणि 4 जुलैला होणाऱ्या विधिमंडळाच्या अधिवेशनाला उपस्थिती लावण्यासाठी हे आमदार येत आहेत. कडक सुरक्षाव्यवस्थेत त्यांना मुंबईत आणलं जाणार आहे. त्यांना मुंबईत ऑबेरॉय हॉटेलमध्ये ठेवलं जाणार आहे.
एकनाथ शिंदेंविरोधात कारवाई, शिवसेना नेतेपदावरुन काढलं
पक्षाविरोधात बंड करून भारतीय जनता पक्षाच्या पाठिंब्यानं मुख्यमंत्री झालेल्या एकनाथ शिंदेंविरोधात पक्षानं मोठी कारवाई केली आहे. एकनाथ शिंदे यांची पक्षनेतेपदावरून काढण्यात आलंय. पक्षविरोधी भूमिका घेतल्यानं त्यांच्यावर उद्धव ठाकरेंनी कारवाई केली आहे.
विरोधी पक्षनेतेपदी कुणाची वर्णी लागणार
सध्या राष्ट्रवादीच्या वतीने संख्याबळ जास्त असल्यामुळे आमचाच विरोधी पक्ष नेता असेल असा मोठया प्रमाणात दावा सुरू झाला आहे. राष्ट्रवादीच्या वतीने विरोधी पक्षनेते पदासाठी जयंत पाटील, अजित पवार आणि छगन भुजबळ यांच्या नावाचा विचार सुरू असल्याची चर्चा आहे. मात्र, अद्याप याबाबत अधिकृत कोणतीही माहिती समोर आलेली नाही.
विधानसभा अध्यक्षपदासाठी अर्ज दाखल करण्याचा शेवटचा दिवस
आज दुपारी 12 वाजेपर्यंत विधानसभा अध्यक्षपदासाठी उमेदवारी अर्ज दाखल करण्यासाठी मुदत आहे. भाजपकडून राहुल नार्वेकर यांनी उमेदवारी अर्ज भरला आहे. तर, महाविकास आघाडी आज त्यांचा उमेदवार जाहीर करण्याची शक्यता आहे.
राज्यपाल नियुक्त आमदारांची नवी लिस्ट पाठवली जाणार
राज्यात एकनाथ शिंदे आणि फडणवीस सरकार आल्यानंतर आता राज्यपाल नियुक्त आमदार नवी लिस्ट पाठवली जाणार आहे. महाविकास आघाडीने 12 राज्यपाल नियुक्त आमदार यासाठी लिस्ट पाठवली होती. ती विद्यमान राज्यपाल कोश्यारी यांनी मंजूर केली नव्हती. आता नवं सरकार नवी लिस्ट पाठवणार आहे.
पुढील पाच दिवस कोकणात मुसळधार पावसाचा इशारा, मुंबईला ऑरेंज अलर्ट
कोकण किनारपट्टी भागात कमी दाबाचा पट्टा असल्यानं चांगल्या पावसाचा अंदाज आहे. मुंबई, ठाण्यालाही आज ऑरेंज अलर्ट आहे. मध्य महाराष्ट्र, कोल्हापूर, साताऱ्याच्या घाट माथ्यावरही मुसळधार पावसाचा अंदाज आहे. मराठवाड्यात हलका ते मध्यम पाऊस पडेल अशी शक्यता हवामान विभागानं वर्तवली आहे.
आषाढी वारी
आज ज्ञानेश्वरांची पालखी फलटण मुक्कामी राहणार आहे. तुकारामांची पालखी निमगाव केतकीहून निघेल आणि इंदापूरला मुक्कामी असेल.
मुंबई गोवा महामार्गावरील परशुराम घाटात दरड कोसळली, वाहतुकीसाठी महामार्ग बंद
मुंबई गोवा महामार्गावरील परशुराम घाटात दरड कोसळली आहे. त्यामुळे वाहतुकीसाठी महामार्ग बंद करण्यात आला आहे. मुसळधार पडणाऱ्या पावसामुळे मातीसह दरड खाली आली आहे. पर्यायी वाहतूक लोटे चिरणी कळबस्ते मार्गे वळवण्यात आली आहे.
चंद्रपूर : दुचाकीला ट्रकची धडक, माय-लेकीचा मृत्यू, बाप-लेक जखमी
चंद्रपूर : पडोली-घुग्गुस मार्गावर दुचाकीला ट्रकची धडक, अपघातात आई आणि 3 वर्षीय मुलाचा मृत्यू तर वडील आणि 5 वर्षीय मुलगा गंभीर जखमी, निखिल ठवरी आपली मुले आणि गर्भवती पत्नीसह जात होते रुग्णालयात, घुग्गुस मार्गावरील अवजड वाहनाच्या अस्ताव्यस्त पार्किंग बाबत खुटाळा ग्रामपंचायतीने याआधी पोलीस प्रशासनाला दिले होते निवेदन, मात्र पोलिसांच्या उदासीनतेमुळे दोघांचा मृत्यू झाल्याचा ग्रामस्थांचा आरोप
पुणे-मुंबई दृतगती मार्गावर वाहतूक कोंडी, वाहनचालकांची कसरत
पुणे-मुंबई दृतगती मार्ग आज पुन्हा मंदावला आहे. आज आठवड्याचा शेवटचा दिवस असल्यामुळे मुंबईकर लोणावळा, महाबळेश्वर पर्यटन स्थळी जात आहेत. पावसाचा आनंद घेण्यासाठी पर्यटक बाहेर पडत आहेत. त्यामुळे दृतगती मार्गांवर वाहतूक कोंडी होत आहे. बोरघाटात वाहनांची संख्या वाढली आहे. त्यामुळं वाहतूक धीम्या गतीने सुरु आहे. त्यात पाऊस असल्यामुळे चालकांना वाहन चालविताना मोठी कसरत करावी लागत आहे. पुढचे काही तास अशीच परिस्थिती असण्याची शक्यता आहे.
क्रीडा क्षेत्रात राजकारण आणत नाही : शरद पवार
क्रीडा क्षेत्रात राजकारण आणत नाही. जिल्हास्थरावर चमकलेल्या खेळाडूंना मदत करण्याचं काम मी केलं, असे शरद पवार यांनी यावेळी सांगितले.
क्रीडा क्षेत्राला हातभार लवण्याचं माझं काम : शरद पवार
क्रीडा क्षेत्राला हातभार लवण्याचं माझं काम आहे. क्रीडा संघटनांना मैदान मिळणं सोप नसतं. कुस्तीगीर परिषदेच्या अंतर्गत विषयांत कधीच हस्तक्षेप केला नाही, असे शरद पवार यांनी म्हटले आहे.
SharadPawar : भारतीय कुस्तीगीर परिषदेवर भाजपचा दबाव; शरद पवार यांचा गंभीर आरोप
भारतीय कुस्तीगीर परिषदेवर भाजपचा दबाव असल्याचा गंभीर आरोप राष्ट्रवादीचे अध्यक्ष शरद पवार यांनी केला आहे. ग्रामीण भागातील खेळाडूंना मदत करण्याचं काम मी केलं. राज्य, राष्ट्रीय स्पर्धांचे आयोजन करण्यासाठी मी या परिषदेवर होतो. क्रीडा क्षेत्राला हातभार लावण्याचं माझं काम आहे. राजकीय व्यक्तींनी क्रीडा क्षेत्रात हस्तक्षेप करू नये, असे शरद पवार यांनी यावेळी म्हटले आहे.
Satara News Update : साताऱ्यात गोळ्या झाडून तरूणाची हत्या
साताऱ्यात आज्ञाताने तरूणावर गोळ्या झाडल्या आहेत. यात तरूण जागीच ठार झाला आहे. शहरातील नटराज मंदिराच्या आवारात ही घटना घडली आहे. पोलीस घटनास्थळी दाखल झाले असून मृत युवकाचा ओखळ पटवण्याचे काम सुरू आहे.
इंदापूरमधील कदम हायस्कूलच्या मैदानात संत तुकाराम महाराज पालखी सोहळ्यातील अश्वांचे दुसरे गोल रिंगण
Indapur News : जगद्गुरु श्री संत तुकाराम महाराज पालखी सोहळ्यातील अश्वांचे दुसरे गोल रिंगण इंदापूरमधील कदम हायस्कूलच्या मैदानात शांततेत पार पडले. यावेळी सुरुवातीला झेंडेकरी, तुळस, हांडेकरी, विणेकरी यांनी संत तुकाराम महाराज पादुका यास प्रत्येकी तीन वेळा प्रदर्शना पूर्ण केल्या. त्यानंतर पालखी सोबत असलेले दोन्ही मानाचे अश्व या रिंगणामध्ये धावले. हा सोहळा पाहण्यासाठी हजारो भाविकांनी गर्दी केली होती.
पालघर : डहाणू बोर्डी रोडवर भरधाव कारने डहाणू नगरपरिषदेच्या दोन सफाई कर्मचाऱ्यांना चिरडले
पालघर : डहाणू बोर्डी रोडवर भरधाव कारने डहाणू नगरपरिषदेच्या दोन सफाई कर्मचाऱ्यांना चिरडले, दोघांचाही जागीच मृत्यू, भरत राऊत 55 आणि वकेश झोप 37 अशी अपघातात मृत झालेल्या सफाई कर्मचाऱ्यांची नाव असून अल्पवयीन कारचालकाचा भरधाव कारवरील ताबा सुटल्याने घडला अपघात. डहाणू पोलीस ठाण्यात गुन्हा दाखल.
5 फुटांवर असलेल्या विमानात धूरचं धूर, नागरिक भयभीत, दिल्लीत इमर्जन्सी लँडिंग
5 फुटांवर असलेल्या विमानात धूरचं धूर, नागरिक भयभीत, दिल्लीत इमर्जन्सी लँडिंग #SpiceJetEmergencyLanding #SpiceJetflight https://t.co/I5idIWsssB
— ABP माझा (@abpmajhatv) July 2, 2022
महत्त्वाच्या बातम्या
ट्रेंडिंग न्यूज
and tablets
