Dombivali News : वाहतूक पोलीस हवालदाराला चारचाकीने नेले फरफटत, डोंबिवलीतील धक्कादायक घटना CCTV मध्ये कैद
Dombivali News : कर्तव्यावर असलेल्या वाहतूक पोलीस कर्मचाऱ्याला (Traffic Police) एका मुजोर गाडी चालकाने चक्क फरफटत नेल्याची घटना घडली.
Dombivali News : डोंबिवली धक्कादायक घटना समोर आली आहे. डोंबिवली स्टेशन जवळील एस.के.पाटील चौक येथे कर्तव्यावर असलेल्या वाहतूक पोलीस कर्मचाऱ्याला (Traffic Police) एका मुजोर गाडी चालकाने चक्क फरफटत नेल्याची घटना घडली. दरम्यान, ही घटना त्या परिसरातील सीसीटीव्ही कॅमेरात कैद झाली आहे. काय घडले नेमके?
कर्तव्य बजावत असतानाच घडली घटना
डोंबिवली पूर्वेकडील स्टेशन जवळील एस.के.पाटील चौक येथे वाहतूक पोलीस हवालदार बाळासाहेब होरे हे आपले कर्तव्य बजावत असतानाच यांना एका चारचाकी गाडीने धडक देत फरफटत नेल्याची घटना बुधवारी संध्याकाळी 6.30 च्या सुमारास घडली आहे. गाडीला काळ्या काचा आणि मोठ्याने डेक लावला असल्याने हवालदार होरे यांनी गाडी चालकाला गाडी थांबविण्याचा इशारा दिला असता त्याने गाडी न थांबवता होरे यांच्या अंगावर घातली.
घटना सीसीटीव्ही मध्ये कैद
त्यावेळी पोलीस होरे यांनी गाडीचे बोनेट पकडले असता चालकाने त्यांना फरफटवत गाडी चिपळूणकर रोड मार्गे बालभवन पर्यंत नेली. तेथे होरे यांना गाडीवरून खाली पाडत चालकाने पुन्हा मागे गाडी वळवून तेथून पळ काढला. दरम्यान ही घटना सीसीटीव्ही मध्ये कैद झाली आहे. पोलीस हवालदार होरे यांच्या हाताला, पायाला दुखापत झाली असून त्यांच्यावर उपचार सुरू आहेत. गाडी चालकावर रामनगर पोलीस ठाण्यात गुन्हा नोंद करण्यात आला असून पोलीस त्याचा शोध घेत असल्याची माहिती वाहतूक विभागाचे पोलीस निरीक्षक उमेश गित्ते यांनी सांगितले. या कारचालकाने एका रिक्षाचालकास देखील धडक दिली असून रिक्षाचालक देखील जखमी झाला आहे.
इतर महत्वाच्या बातम्या
Maharashtra Rain Updates : राज्यात अतिवृष्टीचा इशारा; अनेक ठिकाणी शाळा बंद, मुंबई विद्यापीठाच्या परीक्षा रद्द
Maharashtra Rain Update : राज्यात जोरदार पावसाचा इशारा, अनेक ठिकाणी 'रेड अलर्ट' जारी
Mumbai Rains : मुंबईत अतिवृष्टीचा इशारा; विद्यापीठाच्या आजच्या परीक्षा रद्द, नवीन तारखा लवकरच जाहीर करणार
महत्त्वाच्या बातम्या
