Maharashtra Corona Cases : राज्यात रविवारी 29,177 रुग्णांना डिस्चार्ज, 26,672 नवीन कोरोना रुग्णांची नोंद

Maharashtra Corona Cases : महाराष्ट्रात आज  29,177 रुग्णांना डिस्चार्ज देण्यात आला आहे तर 26,672 नवीन कोरोना रुग्णांची नोंद झाली आहे. दुर्दैवाने आज 594 कोरोना रुग्णांचा मृत्यू झाला आहे.  मागील काही दिवसांपासून घातलेल्या निर्बंधांचा चांगलाच परिणाम झाल्याचं समोर येत आहे.

corona_case

Maharashtra Corona Cases : महाराष्ट्रात आज  29,177 रुग्णांना डिस्चार्ज देण्यात आला आहे तर 26,672 नवीन कोरोना रुग्णांची नोंद झाली आहे. दुर्दैवाने आज 594 कोरोना रुग्णांचा मृत्यू झाला आहे.  मागील काही दिवसांपासून घातलेल्या निर्बंधांचा चांगलाच परिणाम झाल्याचं समोर येत आहे. राज्यात गेल्या काही दिवसांपासून कोरोनाचे दैनंदिन आकडे कमी होत आहे.  दैनंदिन आकडेवारीत रोजच्या रुग्णवाढीपेक्षा बरे होऊन घरी जाणाऱ्या रुग्णांची संख्या जास्त होत आहे.   

आजपर्यंत एकूण 51,40,272 कोरोना बाधित रुग्ण बरे झाले आहेत. यामुळं राज्यातील रुग्ण बरे होण्याचे प्रमाण (Recovery Rate) 92.12% एवढे झाले आहे. राज्यात आज 594 कोरोना बाधित रुग्णांच्या मृत्यूंची नोंद झाली आहे.  सध्या राज्यातील मृत्यूदर 1.59% एवढा आहे.आजपर्यंत तपासण्यात आलेल्या 3,30,13,516 प्रयोगशाळा नमुन्यांपैकी 55,79,897 (16.9 टक्के) नमुने पॉझिटीव्ह आले आहेत.  सध्या राज्यात 26,96,306 व्यक्ती होम क्वारंटाईनमध्ये आहेत तर 21,771 व्यक्ती संस्थात्मक क्वारंटाईनमध्ये आहेत. राज्यात आज एकूण 3,48,395  ॲक्टिव्ह रुग्ण आहेत. 

'या' जिल्ह्यांमध्ये 10 हजारांहून अधिक अॅक्टिव्ह रुग्ण

मुंबई-ठाण्यानंतर पश्चिम महाराष्ट्रातील पुणे, सातारा, सांगली, कोल्हापूर, अहमदनगर, सोलापूर आणि नाशिक तसंच विदर्भातील नागपूर एवढ्याच जिल्ह्यात आता उपचार घेत असलेल्या म्हणजे ॲक्टिव्ह कोरोनाबाधितांची संख्या दहा हजारांपेक्षा जास्त आहे. यामध्ये मुंबईत 28284 आणि ठाण्यात 24894 सक्रिय रुग्ण आहेत तर पुण्यात 51182 सक्रिय रुग्ण आहेत. साताऱ्यात  18336 तर सांगलीत 12211 आणि कोल्हापुरात 14919 आणि सोलापुरात 18487 तर नाशिकमध्ये 15946 आणि अहमदनगरमध्ये 16903 उपचार घेत असलेले रुग्ण आहेत. विदर्भात नागपूरमध्ये कोरोनावर 17635 ॲक्टिव्ह रुग्ण आहेत.

बाकी उर्वरीत महाराष्ट्रातील सर्व जिल्ह्यातील सक्रिय कोरोनाबाधितांची संख्या दहा हजारांच्या आत आहे. सिंधुदुर्ग, नंदूरबार, धुळे तर मराठवाड्यात लातूर, हिंगोली, नांदेड, परभणी आणि विदर्भात वाशिम, बुलढाणा आणि यवतमाळ जिल्ह्यातील सक्रिय रुग्णसंख्या तर पाच हजारांच्या आत आहे.

मुंबईत कालच्या तुलनेत आज कोरोना रुग्णसंख्येत काहीशी वाढ

मुंबईत कालच्या तुलनेत आज पुन्हा एकदा कोरोना रुग्णसंख्येत काहीशी वाढ पाहायला मिळाली. मुंबईत गेल्या 24 तासात 1431 कोरोनाबाधित रुग्णांची नोंद झाली आहे. तर 1470 रुग्णांनी कोरोनावर यशस्वीरित्या मात केली आहे, तर आतापर्यंतची ही संख्या 6 लाख 52 हजार 686 वर पोहोचली आहे. सध्या मुंबईत 28410 अॅक्टिव्ह रुग्ण आहेत. गेल्या 24 तासात मुंबईत 49 कोरोनाबाधित रुग्णांची नोंद झाली आहे. आतापर्यंत मुंबईत कोरोनामुळे 14 हजार 623 रुग्णांनी आपला जीव गमावला आहे. मुंबईत गेल्या 24 तासात 23 हजार 314 जणांची कोरोना चाचणी करण्यात आली. त्यापैकी 1431 जणांचा रिपोर्ट पॉझिटिव्ह आला. मुंबईचा रिकव्हरी रेट 93 टक्क्यांवर आला आहे. तर रुग्णसंख्या दुपटीचा रेट 331 दिवसांवर गेला आहे.

पुणे शहरात आज नव्याने 709 कोरोनाबाधित रुग्णांची नोंद

पुणे शहरात आज नव्याने 709 कोरोनाबाधित रुग्णांची नोंद झाली असून पुणे शहरातील एकूण संख्या आता 4 लाख 65हजार 625 इतकी झाली आहे. शहरातील 2 हजार 324 कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या 4 लाख 46 हजार 942 झाली आहे. पुणे महापालिका हद्दीत नव्याने 39 कोरोनाबाधित रुग्णांच्या मृत्यूची नोंद झाली आहे.आजच्या नव्या संख्येसह मृतांची एकूण संख्या 8 हजार 007 इतकी झाली आहे. पुणे शहरात उपचार घेणाऱ्या 10 हजार 676 रुग्णांपैकी 1291 रुग्ण गंभीर तर 4005 रुग्ण ऑक्सिजनद्वारे उपचार घेत आहेत.