Maharashtra Breaking 27th July LIVE Updates: देश-विदेशातील महत्त्वाच्या बातम्या एका क्लिकवर...
Maharashtra Breaking 27th July LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
LIVE
Background
Maharashtra Breaking 27th July LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
1. पंतप्रधान नरेंद्र मोदींच्या अध्यक्षतेखाली आज दिल्लीत नीती आयोगाची बैठक, देशातील विविध राज्याचे मुख्यमंत्री हजर राहणार, 2047 पर्यंत विकसित भारत हे बैठकिचं मुख्य उद्दिष्ट
2. मला भ्रष्टाचाऱ्यांचे सरदार म्हणणाऱ्यांना गुजरातमधून तडीपार केलं होतं, अमित शाहांच्या टीकेला शरद पवारांचं उत्तर, आता देश चालवतायत, पवारांची टीका
3. लाडकी बहीण योजनेसाठी दरवर्षी 46 हजार कोटी कुठून आणणार? योजनेच्या मंजुरीपूर्वीच अर्थ विभागाने आक्षेप घेतल्याची चर्चा, भाजप आणि शिंदेंच्या शिवसेनेकडून टीकेचा सूर
4. सांगलीत कृष्णा नदीची पाणी पातळी 40 फुटांच्याजवळ... खबरदारीसाठी लष्कराची एक तुकडी दाखल... तर चार तालुक्यातील शाळांना आज सुट्टी
5. सतरा वर्षांपासून रखडलेल्या गोवा हायवेसाठी पुन्हा नवीन डेडलाईन, गणेशोत्सवासाठी कोकणात जाणाऱ्यांची वाट तूर्तास बिकटच, सरकारकडून पुन्हा आश्वासनांचीच बरसात
Ahmednagar News : अहमदनगरच्या उड्डाण पुलावरून एक टेम्पो थेट खाली पडून भीषण अपघात, खासदार निलेश लंके घटनास्थळी उपस्थित
Ahmednagar News : अहमदनगरच्या उड्डाण पुलावरून एक टेम्पो थेट खाली पडून भीषण अपघात घडलाय. या अपघातात एकाचा मृत्यू झाला असून या उड्डाणपूलावर वारंवार अशा घटना घडत आहे. दरम्यान, अहमदनगरचे खासदार निलेश लंके यांनी घटनास्थळी भेट देत पाहणी केलीये. या उड्डाण पुलावरील वळणं धोक्याची ठरत आहे. खासदार निलेश लंके यांनी याबाबत संबंधित विभागाच्या अधिकाऱ्यांना सूचना देत आवश्यक उपाययोजना करण्यास सांगितले आहे. पुलावरील कठड्यांची उंची वाढवण्यासह पुलावर डांबराचा एक लेयर देण्यासंदर्भात त्यांनी सूचना दिल्या आहे. सोबतच या संदर्भात संबंधित विभागाची लवकरच बैठक घेणार असल्याचं खासदार लंके यांनी सांगितल आहे.
Kolhapur Rain : कोल्हापूर जिल्ह्यातील पूरपरिस्थितीत लोकांना सर्वतोपरी मदत करा; प्रशासनाने ऑनफिल्ड सज्ज राहावे
Kolhapur Rain : कोल्हापूर जिल्ह्यातील पूरपरिस्थिती आणि पावसाबाबत मुख्यमंत्री एकनाथ शिंदे यांनी कोल्हापूर जिल्हाधिकारी यांच्याशी चर्चा करुन माहिती घेतली आणि आपत्तीग्रस्त लोकांना तातडीने मदत उपलब्ध करुन देण्याच्या सूचना दिल्या. बचावकार्याची आवश्यकता वाटल्यास तिथे एनडीआरएफ, एसडीआरएफच्या तुकड्या पाठविण्यात याव्यात. आवश्यकता वाटल्यास सेनादलाची मदत घेण्यात यावी. त्याचबरोबर अलमट्टी धरणातील पाण्याच्या विसर्गाबाबत कर्नाटक प्रशासनाशी समन्वय ठेवून नियोजन करावे, अशा सूचना मुख्यमंत्री श्री. शिंदे यांनी यावेळी दिल्या.
Yavatmal News: कृषी केंद्राची तपासणी करण्यासाठी अमरावतीचे पथक महागांवात
Yavatmal News : यवतमाळच्या महागाव तालुक्यात मागील काही महिन्यापासून बोगस कंपनीच्या औषधी आणि बोगस खतांची विक्री जोमात सुरू आहे. याची माहिती अमरावती पथकाला लागताच त्यांच्यामार्फत महागांव शहरातील स्वराज अॅग्रो आणि इतर कृषी चालकाची तपासणी करण्यात आली आहे. त्यामध्ये काही औषधी, खतांचे नमुने अमरावती पथकाच्या अधिकाऱ्यांनी सोबत घेतले असून ते तपासणी साठी प्रयोगशाळेत पाठवण्यात येणार आहे. वास्तवात कृषी विभागाचे अधिकारी आणि कर्मचारी कृषी केंद्र चालकांना सहभागी असल्याने भोगस खते विक्री होत असल्याचा आरोप शेतकरी करीत आहे. घेण्यात आलेले नमुण्याचे निरीक्षण झाल्यानंतर त्यांच्यावर काय कारवाई करण्यात येईल याकडे सर्वांचे लक्ष लागले आहे.
Pooja Khedkar : पूजा खेडकर आहेत कुठे?
Pooja Khedkar : पुजा खेडकर कूठे आहेत हा प्रश्न वेगवेगळ्या तपास यंत्रणांना पडलाय. यु पी एस सी ने प्रशिक्षण थांबल्यानंतर पुजा खेडकर वाशीम मधुन निघाल्यावर कुठे गेल्यात हे अद्याप स्पष्ट झालेले नाही. दिल्ली पोलिसांनी त्यांच्याविरुद्ध गुन्हा दाखल केलाय खरा पण त्या दिल्ली पोलिसांना भेटलेल्या नाहीत. पुणे पोलिसांनी तीनवेळा नोटीस बजावून देखील त्या पुणे पोलिसांसमोर हजर झालेल्या नाहीत तर यु पी एस सी ने त्यांना मसुरी इथल्या प्रशिक्षण केंद्रात बोलावल्यानंतर त्या मसुरीला प्रशिक्षण केंद्रात गेल्या की नाही हे देखील अद्याप स्पष्ट झालेले नाही. दुसरीकडे पुणे पोलिसांनी पुजा खेडकर यांच्या आई वडीलांचा घटस्फोट खरंच झाला होता का याबाबत तपास करुन त्याचा अहवाल केंद्र सरकारला सादर केलाय.
Washim News : भर पावसात सिमेंट रस्त्याचे काम; कामाच्या गुणवत्तेवर प्रश्नचिन्ह
Washim News : वाशिमच्या मंगरूळपीर नगरपालिका अंतर्गत सुरु असलेल्या विविध विकास काम सुरु आहेत . मात्र, कामाची मुद्दत संपण्या पूर्वी देयक काढायच्या नादात भर पावसात 500 मीटर च्या 12 लाख रुपये किमतीचा सिमेंट रस्ता भर पावसात चिखलात रस्ता निर्मितीचा काम सुरु असल्याने स्थानिक नागरिकांनी या संदर्भात तक्रार नगर पालिका प्रशासना कडे केली असून.. तत्काळ काम बंद करून पावसा नंतर काम सुरु करण्याची मागणी केली आहे
महत्त्वाच्या बातम्या
ट्रेंडिंग न्यूज
