(Source: ECI/ABP News/ABP Majha)
Maharashtra News Live Updates: मुंबईत-उपनगरात गुरुवारी मुसळधार पावसाचा अंदाज, मुंबईसह ठाणे, पालघरमधील शाळांना सुट्टी जाहीर
Maharashtra News Live Updates: राज्यासह देश-विदेशातील महत्त्वाच्या घडामोडी फक्त एका क्लिकवर...
LIVE
Background
Maharashtra News Live Updates: देशासह राज्यातील महत्त्वाच्या घडामोडी फक्त एका क्लिकवर...
1. अक्षय शिंदेच्या वडिलांची हायकोर्टात धाव... पुरावे नष्ट करण्यासाठीच हत्या केल्याचा आरोप... याचिकेवर आज तातडीची सुनावणी
2. अक्षय शिंदेचा मृत्यू अतिरक्तस्त्रावानं, पोस्टमार्टेममध्ये खुलासा, शवविच्छेदन अहवाल मुंब्रा पोलिसांकडे सुपूर्द, डोक्याला एक गोळी लागल्याचं नमूद
3. जवळपास अडीच तास अमित शाहांसोबत महायुतीच्या नेत्यांची बैठक, जागावाटपाबाबत सकारात्मक चर्चा झाल्याची माहिती, लवकरच अंतिम जागावाटप जाहीर होण्याची शक्यता
4. मराठा आंदोलन, नाराजीची चिंता नेत्यांवर सोडा, कार्यकर्त्यांनी कामाला लागा, अमित शाहांचा कार्यकर्त्यांना कानमंत्र, बैठकीची इनसाईड स्टोरी एबीपी माझाच्या हाती
5. केंद्रीय गृहमंत्री अमित शाहांच्या दौऱ्याचा आज दुसरा दिवस, नाशिक आणि कोल्हापुरातील पदाधिकाऱ्यांशी साधणार संवाद
Thane Palghar School Closed : ठाणे आणि पालघरमधील शाळांना गुरुवारी सुट्टी जाहीर
मुंबई, ठाणे आणि परिसरात गुरूवारी अतिमुसळधार पावसाची शक्यता वर्तवण्यात आली आहे. त्या पार्श्वभूमीवर पालघर आणि ठाण्यातील शाळांना सुट्टी जाहीर करण्यात आली आहे.
Mumbai rain Update : मुंबईत पुढील 3 तासांसाठी वादळी पावसाचा इशारा
IMD मुंबई यांनी आपल्या जिल्ह्याकरीता पुढील 3 तासासाठी वादळी वाऱ्यासह मुसळधार पावसाचा इशारा दिला आहे. नागरिकांनी सतर्क रहावे. मंत्रालय नियंत्रण कक्ष.
मुंबईत आज (२५ सप्टेंबर २०२४) सकाळी ८ ते रात्री ९ वाजेपर्यंत सर्वाधिक पाऊस नोंदवण्यात आलेले केंद्र पुढीलप्रमाणे. (नोंद मिलिमीटरमध्ये)
पासपोली पवई महानगरपालिका शाळा (पवई) - २५७.८
मानखुर्द अग्निशमन केंद्र - २३९.६
एन विभाग कार्यालय- २३३.१
नूतन विद्यामंदिर - २३१.८
टागोर नगर महानगरपालिका शाळा (विक्रोळी) - २२७.६
हिंदुहृदयसम्राट बाळासाहेब ठाकरे ट्रॉमा केअर केंद्र, जोगेश्वरी - १८०
मरोळ अग्निशमन केंद्र- १५४.६
मालपा डोंगरी महानगरपालिका शाळा (अंधेरी) - १५०
शिवडी कोळीवाडा महानगरपालिका शाळा - १३९.२
के पूर्व विभाग कार्यालय - १२६.२
नाडकर्णी उद्यान महानगरपालिका शाळा - १२५.८
पी दक्षिण विभाग कार्यालय - १२३.९
प्रतीक्षानगर महानगरपालिका शाळा, शीव (सायन) - ११६.६
कुलाबा उदंचन केंद्र - ११४.३
Mumbai Rain : मुंबईत मुसळधार पावसामुळे लोकल सेवा ठप्प, उद्या शाळांना सुट्टी जाहीर
मुंबईत सुरू असलेल्या मुसळधार पावसामुळे लोकल सेवा ठप्प झाली असून अनेक स्टेशनवर पाणी साचलं आहे. उद्याही मुसळधार पावसाचा इशारा असल्याने मुंबईतील शाळांना सुट्टी जाहीर करण्याची घोषणा शालेय शिक्षणमंत्री दीपक केसरकर यांनी केली.
Palghar News : पालघरमध्ये शिक्षकांचं आंदोलन
Palghar News : राज्यातील शिक्षकांवर अशैक्षणिक कामाचा ताण वाढत असल्याच्या विरोधात एकवटलेल्या शिक्षक संघटनांनी आज पालघर जिल्हाधिकारी कार्यालयवर विराट आक्रोश मोर्चाच आयोजन केलं होतं . मार्च 2024 चा संचमान्यतेचा शासन निर्णय रद्द करावा , 20 पेक्षा कमी पटसंख्या असलेल्या शाळांच्या बाबतीत कार्यरत शिक्षकाच एक पद बंद करून कंत्राटी पद्धतीने सेवानिवृत्त आणि अन्य नियुक्ती देण्याचा पाच सप्टेंबर 2024 चा शासन निर्णय रद्द करावा तसच विविध 15 पेक्षा अधिक मागण्यासाठी या शिक्षकांकडून या आक्रोश मोर्चाच आयोजन करण्यात आलं होतं. विविध शिक्षक संघटनेच्या नेतृत्वाखाली हा मोर्चा पालघर जिल्हाधिकारी कार्यालयावर धडकला असून या मोर्चात मोठ्या प्रमाणावर शिक्षकांनी सहभाग घेतला होता . तसंच मागण्या मान्य न झाल्यास आणखीन तीव्र आंदोलन करण्याचा इशारा देखील यावेळी शिक्षक संघटनांकडून देण्यात आला.
Dhule News : विविध प्रलंबित मागण्यासाठी शिक्षकांचा निघाला मोर्चा, हजारो शिक्षक उतरले रस्त्यावर
Dhule News : आपल्या विविध प्रलंबित मागण्यांसाठी प्राथमिक शिक्षक संघटनांच्या वतीने शहरातून मोर्चा काढण्यात आला या मोर्चात हजारो शिक्षक मोठ्या संख्येने सहभागी झाले होते तसेच आपल्या विविध प्रलंबित मागण्यासाठी शिक्षकांनी संप पुकारल्याने महानगरपालिके सोबत जिल्हा परिषदेच्या सर्व शाळा आज बंद ठेवण्यात आल्या होत्या.
महत्त्वाच्या बातम्या
ट्रेंडिंग न्यूज
