Maharashtra Breaking News Live Updates: राज्यासह, देश-विदेशातील महत्त्वाच्या घडामोडींचे सर्व अपडेट्स एका क्लिकवर...

Maharashtra Breaking LIVE Updates: संतोष देशमुख हत्या प्रकरण, महाराष्ट्र केसरी स्पर्धेतील गोंधळ या महत्त्वाच्या घडामोडी राज्यात, तर विदेशात अमेरिकेच्या राष्ट्राध्यक्षांचे निर्णय चर्चेचा विषय ठरत आहेत.

Background

Maharashtra 4th February Breaking News Live Updates: राज्यासह, देश-विदेशातील महत्त्वाच्या घडामोडींचे सर्व अपडेट्स या लाईव्ह ब्लॉगमध्ये एका क्लिकवर आपल्याला पाहता येणार आहेत. संतोष देशमुख हत्या प्रकरण, महाराष्ट्र केसरी स्पर्धेतील गोंधळ यांसारख्या महत्त्वाच्या घडामोडी राज्यात, देश अमेरिकेचे राष्ट्राध्यक्ष डोनाल्ड ट्रम्प यांचे निर्णय सध्या जगभरात चर्चेचा विषय ठरत आहेत.  

राज्य सरकारचा महत्त्वाचा निर्णय...

केंद्र सरकारने मराठी भाषेला अभिजात भाषेचा दर्जा दिल्यानंतर आता राज्य सरकारकडून देखील मराठी भाषेला अधिक सक्षमपणे व प्रभावाने रुजविण्याचे प्रयत्न सुरू असल्याचे दिसून येते. शासकीय कार्यालयाने आणि शासन स्तरावरील सर्वच प्रक्रियेत माय मराठीचा अधिकाधिक व सक्तीचा वापर करण्यासंदर्भात राज्यातील फडणवीस सरकारने महत्त्वाचा निर्णय घेतला आहे. मराठी भाषा संवर्धनासाठी आता सर्वच शासकीय, निमशासकीय आणि महापालिका कार्यालयांमध्ये मराठी बोलणे अनिवार्य असणार आहे. तसेच, या कार्यालयात मराठी भाषेत बोलण्याबद्दल दर्शनी भागात फलका लावावा लागणार आहे, शासकीय कार्यालयांतील संगणकावरील कळफलक ही मराठी भाषेतच असणार आहेत. तर, मराठी भाषेचा वापर करण्यास नकार देणाऱ्यांवर देखील शिस्त भंगाची कारवाई केली जाणार असल्यासंदर्भात शासन निर्णय जारी करण्यात आला आहे. 

13:52 PM (IST)  •  04 Feb 2025

Khichadi Scam : खिचडी घोटाळ्यातील आरोपी सूरज चव्हाण यांना जामीन मंजूर

Khichadi Scam : शिवसेना ठाकरे गटाचे नेते सूरज चव्हाण यांना अखेर हायकोर्टानं जामीन मंजूर केलाय. वर्षभराच्या कारावासानंतर आदित्य ठाकरेंचे निकटवर्तीय सूरज चव्हाण जेलमधून बाहेर येतील. सूरज चव्हाण यांच्या जामीन अर्जावर न्यायमूर्ती मिलिंद जाधव यांच्या एकलपीठपुढे सुनावणी झाली होती. ज्यात तथ्य आढळल्यानं हायकोर्टानं सूरज चव्हाण यांना एक लाखाच्या रोख बाँडवर सुटका करण्याचे आदेश हायकोर्टानं दिलेत. कोविड काळातील खिचडी घोटाळा प्रकरणी ईडीनं सूरज चव्हाण यांना अटक केली असून 17 जानेवारी 2024 रोज अटक केली होती.

13:51 PM (IST)  •  04 Feb 2025

Ujani Dam : उजनी धरणावर होणारे जल पर्यटन स्थळ रद्द करावे, रणग्रस्त शेतकऱ्यांची मागणी

Solapur News :उजनी धरणावर होणारे जल पर्यटन स्थळ रद्द करावे, यासाठी धरणग्रस्त शेतकरी कुटुंबांसह उजनी धरणात आंदोलन करत आहेत. एक तासापासून शेतकऱ्यांचे आंदोलन सुरु आहे.  उपमुख्यमंत्री अजित पवारांनी उजनी धरणावर मंजूर केलेले नियोजित जल पर्यटन केंद्र रद्द करण्याच्या मागणीसाठी धरणग्रस्त शेतकरी आक्रमक झाले आहेत.