Smart Bulletin : स्मार्ट बुलेटिन : 26 डिसेंबर 2021 : रविवार : ABP Majha
दररोज सकाळी हे बुलेटिन प्रसारित केलं जातं. एबीपी माझाच्या या बुलेटीनमध्ये दररोज सकाळी राजकीय, सामाजिक, आर्थिक, शैक्षणिक, मनोरंजन, क्रिडा विश्वातील महत्त्वाच्या दहा बातम्यांचा आढावा घेतला जातो.
दररोज सकाळी हे बुलेटिन प्रसारित केलं जातं. एबीपी माझाच्या या बुलेटीनमध्ये दररोज सकाळी राजकीय, सामाजिक, आर्थिक, शैक्षणिक, मनोरंजन, क्रिडा विश्वातील महत्त्वाच्या दहा बातम्यांचा आढावा घेतला जातो.
PM Narendra Modi Live : पंतप्रधान नरेंद्र मोदी (Narendra Modi) यांनी देशाला संबोधित करताना लसीकरण आणि बूस्टर डोस (Booster Dose) संबधी महत्त्वाची घोषणा केली. यावेळी त्यांनी 18 वर्षांखालील नागरिकांच्या लसीकरणासह (Vaccination) बूस्टर डोस संबधी देखील माहिती दिली. तसंच सध्या सुरु असलेल्या सणांच्या काळातही काळजी घेणं महत्त्वाचं असल्याचं मोदी यावेळी म्हणाले.
पंतप्रधान मोदी यांनी दिलेल्या देशाला संबोधित करताना तीन मोठ्या घोषणा केल्या. यामध्ये सर्वात पहिली घोषणा म्हणजे 15 ते 18 वयोगटातील (15 to 18 Age Vaccination) मुलांचं लसीकरण सुरु करणार असल्याची मोठी घोषणा केली. हे लसीकरण नव्या वर्षात 3 जानेवारीपासून सुरु होणार आहे. यामुळे शाळांमध्ये अखेरच्या वर्षात तसंच कनिष्ट महाविद्यालयात जाणाऱ्या विद्यार्थ्यांना याचा फायदा होणार असल्याने हा निर्णय घेण्यात आल्याचं मोदींनी सांगितलं.
त्यानंतर दुसरी महत्त्वाची घोषणा म्हणजे बूस्टर डोसबाबत मोदींनी केली. ती म्हणजे आरोग्य कर्मचारी (Health Workers) अर्थात हेल्थ केअर वर्कर्स आणि फ्रंटलाईन वर्कर्सना (Frontline Workers) दोन लसीकरणांनंतर बूस्टर डोसही देण्याची सुरुवात करण्यात येणार असल्याचं मोदीनी सांगितलं. याची सुरुवात 10 जानेवारी, 2021 पासून होणार आहे. त्यानंतर तिसरी घोषणा म्हणजे 60 वर्षांवरील सामान्य नागरिकांनाही डॉक्टरांच्या सल्ल्याने बूस्टर डोस देण्याची सुरुवात करणार असल्याचं यावेळीन मोदींनी सांगितलं.
अजूनही काळजी घेणं महत्त्वाचं
कोरोनाच्या संकटाबाबत बोलताना पंतप्रधानांनी भारत या संकटाचा सामना मोठ्या शिताफीने करत असल्याचं सांगतिलं. आतापर्यंत 141 कोटी जनतेचं लसीकरण झालं असून आपली अर्थव्यवस्थाही उस्ताहजनक आहे. दरम्यान लसीकरण कोरोनाविरुद्ध एक मोठं शस्त्र असल्याचंही ते म्हणाले. तसंच ओमायक्रॉनच्या पार्श्वभूमीवर बोलताना ते म्हणाले, कोरोना अजूनही गेला नसल्याने काळजी घेणं अत्यंत महत्त्वाचं आहे.
2. राज्य सरकारकडूनही पंतप्रधान मोदींच्या निर्णयाचं स्वागत, राज्यात योग्य पद्धतीने नियोजन करण्यात येईल, आरोग्यमंत्री टोपेंची प्रतिक्रिया
3. लहान मुलांसाठी पहिल्या स्वदेशी लशीला हिरवा कंदील, 12 ते 18वयोगटातील मुलांना भारत बायोटेकची कोवॅक्सिन लस मिळणार
4. विधानसभा अध्यक्षपदासाठी काँग्रेस हायकमांड कुणाला कौल देणार याची उत्सुकता शिगेला, संग्राम थोपटे, पृथ्वीराज चव्हाण आणि के. सी. पाडवींच्या नावाची चर्चा
5. सकाळी 6 ते रात्री 9 पर्यंतच शिर्डीच्या साईबाबांचं दर्शन मिळणार, काकड आणि शेजारतीसाठी भक्तांना प्रवेश नाही, ओमायक्रॉनचा प्रादुर्भाव वाढल्यानं निर्बंध
6. राज्यातील थंडी कमी होणार, खान्देश, विदर्भ आणि मराठवाड्यात गारपिटीचा इशारा, तर 28 आणि 29 डिसेंबरला मराठवाड्यातील काही भागात पावसाचाही अंदाज
7.मुख्यमंत्री उद्धव ठाकरेंच्या दीर्घायुष्यासाठी तिरुपतीला पायी निघालेल्या शिवसैनिकाचा मृत्यू, सुमंत रुईकरांच्या रुपात कडवा शिवसैनिक हरपल्याची भावना
8.यंदाच्या वर्षातील शेवटची 'मन की बात' आज, पंतप्रधान मोदी काय बोलणार याकडे देशाचे लक्ष
9. शेतकरी विरोधी भूमिका घ्याल तर पुन्हा आंदोलन, कृषीमंत्र्यांच्या वक्तव्यावर राहुल गांधींचा पलटवार
10. आजपासून भारत आणि दक्षिण आफ्रिका कसोटी मालिकेला सुरुवात, वाद विसरुन आफ्रिकन सफारी फत्ते करण्याचा विराटसेनेचा निर्धार, टीम सिलेक्शनचा गुंता सोडवण्याचं आव्हान
महत्त्वाच्या बातम्या
ट्रेंडिंग न्यूज
