![ABP Premium](https://cdn.abplive.com/imagebank/Premium-ad-Icon.png)
मोठी बातमी : इक्बालसिंह चहल यांची बदली, मुख्यमंत्र्यांकडून आता देवेंद्र फडणवीसांच्या खात्याची धुरा
Iqbal Singh Chahal : मुख्यमंत्री एकनाथ शिंदे यांच्या जवळचे अधिकारी अशी ओळख असलेले IAS इक्बालसिंह चहल यांची बदली झाली आहे. चहल यांच्याकडे मुख्यमंत्र्यांचे अपर मुख्य सचिव म्हणून कार्यभार होता.
![मोठी बातमी : इक्बालसिंह चहल यांची बदली, मुख्यमंत्र्यांकडून आता देवेंद्र फडणवीसांच्या खात्याची धुरा Iqbal Singh Chahal appointed as Upper Chief Secretary of Home Department Maharashtra Marathi News मोठी बातमी : इक्बालसिंह चहल यांची बदली, मुख्यमंत्र्यांकडून आता देवेंद्र फडणवीसांच्या खात्याची धुरा](https://feeds.abplive.com/onecms/images/uploaded-images/2024/08/22/d8b147b3d547b5b213a206aa012d5fa01724324648716923_original.jpg?impolicy=abp_cdn&imwidth=1200&height=675)
मुंबई : मुख्यमंत्री एकनाथ शिंदे (CM Eknath Shinde) यांच्या जवळचे अधिकारी अशी ओळख असलेले IAS इक्बालसिंह चहल (Iqbal Singh Chahal) यांची बदली झाली आहे. इक्बालसिंह चहल यांना आता गृह विभागाचे अपर मुख्य सचिव म्हणून नियुक्त करण्यात आलं आहे. चहल यांच्याकडे सध्या मुख्यमंत्र्यांचे अपर मुख्य सचिव म्हणून कार्यभार होता. त्यांची बदली होऊन आता ते उपमुख्यमंत्री देवेंद्र फडणवीस (Devendra Fadnavis) यांच्या गृहविभागाचे अपर मुख्य सचिव म्हणून कार्यभार सांभाळतील.
बदलापूरमधील अत्याचार (Badlapur School Case) प्रकरणाने राज्यात संतापाची लाट उसळली आहे. तसेच गेल्या काही दिवसांपासून राज्यभरात कायदा आणि सुव्यवस्थेचा प्रश्न ऐरणीवर आला आहे. यामुळे विरोधकांनी सत्ताधाऱ्यांना चांगलेच कोंडीत पकडले आहे. या पार्श्वभूमीवर इक्बालसिंह चहल यांची गृह खात्याच्या अप्पर मुख्य सचिवपदी नियुक्ती करण्यात आली आहे.
इक्बालसिंह चहल यांची बदली
दरम्यान, लोकसभा निवडणुकीच्या (Lok Sabha Election 2024) पार्श्वभूमीवर इक्बालसिंह चहल यांना मुंबईच्या आयुक्तपदावरून हटवण्यात आले होते. त्यांची नियुक्ती मुख्यमंत्री एकनाथ शिंदे यांचे अतिरिक्त सचिव म्हणून करण्यात आली होती. निवडणूक आयोगाच्या (Election Commission) नियमानुसार तीन वर्षांपेक्षा अधिक काळ एका पदावर, जिल्ह्यात किंवा मूळ गाव असलेल्या जिल्ह्यात कार्यरत असलेल्या निवडणुकीच्या कामाशी संबंधित अधिकाऱ्यांच्या बदल्या करण्याचे आदेश आयोगाने दिले होते. या आदेशानुसार इक्बालसिंह चहल यांची बदली करण्यात आली होती. चहल यांच्याकडे मुख्यमंत्र्यांच्या अतिरिक्त सचिव पदाची जबाबदारी देण्यात आली होती. आता त्यांची बदली करण्यात आली आहे.
गृह विभागाच्या अप्पर मुख्य सचिवपदी नियुक्ती
आता बदलापूरमधील एका शाळेत (Badlapur School Case) 13 ऑगस्ट रोजी दोन चिमुरड्या मुलींवर लैंगिक अत्याचार झाला. या घटनेनंतर राज्यभरातून संताप व्यक्त केला जात आहे. या प्रकरणाची सुनावणी सध्या हायकोर्टात सुरु असून या पार्श्वभूमीवर इक्बालसिंह चहल यांची बदली (Iqbal Singh Chahal Transfer) करण्यात आली आहे. इक्बालसिंह चहल यांची गृह विभागाचे अप्पर मुख्य सचिव म्हणून नियुक्ती करण्यात आली आहे. तसेच खनिकर्म विभागाचा अतिरिक्त कार्यभार देखील चहल यांच्याकडे सोपविण्यात आला आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![चंद्रकांत शिंदे](https://feeds.abplive.com/onecms/images/author/964429cd2a90fc9f23c8736386edb152.jpg?impolicy=abp_cdn&imwidth=70)