शिक्षकाने आडनावावरुन चिडवलं, विद्यार्थीनीचा गळफास

औरंगाबाद: शिक्षक वर्गात आडनावावरून टिंगल करतात म्हणून अकरावीतील एका विद्यार्थीनीने गळफास घेऊन आत्महत्या केली.  औरंगाबाद जिल्ह्यातील लासूर स्टेशनमध्ये ही घटना घडली.   दीपाली गोटे असं या मुलीचं नाव असून, ती लासूरच्या न्यू हायस्कूल कॉलेजमध्ये शिकत होती. वर्गात शिक्षकांनी टिंगल केल्यामुळे दीपालीने थेट गळफास घेत जीवन संपवलं. राहत्या घरी तीने गळफास घेऊन आत्महत्या केली.   याप्रकरणी पोलिसांनी प्राध्यापकाला अटक केली आहे. त्यांच्याविरोधात आत्महत्येस प्रवृत्त केल्याप्रकरणी गुन्हा दाखल करण्यात आला आहे.