Fire News : गोरेगावमधील आयटी पार्कच्या मागील जंगलात भीषण आग, जीवितहानी नाही

Fire News : गोरेगावच्या (Goregaon) दिंडोशीमध्ये आयटी पार्कच्या मागील जंगलात भीषण आग (Fire in the forest) लागल्याची घटना घडली.

Fire News

Fire News in Goregaon : मुंबईतील गोरेगावच्या (Goregaon) दिंडोशीमध्ये आयटी पार्कच्या मागील जंगलात भीषण आग (Fire in the forest) लागल्याची घटना घडली. काल रात्रीच्या सुमारास आग लागल्याची घटना घडली. घटनेची माहिती मिळताच अग्निशामक दलाच्या (fire brigade) आठ गाड्या घटनास्थळी दाखल झाल्या. दोन तासांच्या प्रयत्नानंतर आगीवर नियंत्रण मिळवण्यात अग्निशामक दलाला यश आलं आहे. सुदैवानं या आगीत कोणत्याही प्रकारची जीवितहानी झाली नाही. मात्र, ही आग नेमकी कशी लागली? याचा तपास दिंडोशी पोलिस करत आहेत.

आगीत झाडं जळून खाक

जंगलाला लागलेल्या भीषण आगीत शेकडो झाडं जळून खाक झाल्याची शक्यता आहे. ही आग इतकी भीषण होती की, लांबूनही स्पष्टपणे दिसत होती. अग्निशामक दलाच्या जवानांनी आग विझवण्याचे शर्थीने प्रयत्न केले.  अखेर दोन तासांच्या प्रयत्नानंतर आगीवर नियंत्रण मिळवण्यात अग्निशामक दलाला यश आलं आहे. दरम्यान,  ज्या जंगल परिसरात आग लागली आहे, तो परिसर हा संजय गांधी नॅशनल पार्कचा एक भाग असल्याची माहिती मिळाली आहे. या परिसरात बिबट्या, मोर, वानर, हरण असे अनेक वेगवेगळ्या प्रकारचे वन्यजीव आहेत. तसेच या परिसरात अनेक वनस्पती देखील आहेत. पण या आगीच्या घटनेमुळे या वन्यजीवांना धोका निर्माण झाला आहे.

आगीचं कारण अद्याप अस्पष्ट, पोलिसांचा तपास सुरु 

गोरेगावमधील आयटी पार्कच्या मागील बाजूस हे जंगल आहे. या जंगलात भीषण आग लागल्यामुळं शेकडो झाडं जळून खाक झाली आहेत. दोन तासांच्या अथक प्रयत्नानंतर आगीवर नियंत्रण मिळवण्यात यश आलं आहे. सुदैवानं या घटनेत कोणत्याही प्रकारची जीवितहानी झाली नाही. दरम्यान, आगीचं कारण अद्याप अस्पष्ट आहे. नेमकी आग कशी लागली याचा तपास 
दिंडोशी पोलिस करत आहेत. 

आग लागलेला परिसर हा संजय गांधी राष्ट्रीय उद्यानाचा भाग

मिळालेल्या माहितीनुसार, गोरेगावमधील जंगलाला लागलेली आगीची लेव्हल ही 1 आहे. आग ज्या जंगल परिसरात लागली आहे, तो संजय गांधी राष्ट्रीय उद्यानाचा भाग आहे. या परिसरात बिबट्या, मोर, हरणे असे अनेक वन्यजीव प्राणी देखील आहेत. अनेक वनस्पतीही येथे आहेत. मात्र, या भीषण आगीमुळे वन्यजीवांना धोका निर्माण झाला आहे.

महत्त्वाच्या बातम्या: