धावत्या कारच्या ड्रायव्हिंग सीटवर रोमान्स, स्टिअरिंगवर बसून इंजिनियर तरुणी, CA तरुणाचे चाळे, नागपूरच्या रस्त्यावर खुल्लम खुल्ला प्यार!
Nagpur News : राज्याच्या उपराजधानी नागपुरात एका धक्कादायक प्रकार समोर आला आहे. यात धावत्या कारमध्ये चालक तरुण आपल्या प्रेयसीसोबत चक्क ड्रायविंग सीटवर बसून अश्लील चाळे करताना आढळून आला आहे.
Nagpur News नागपूर : राज्यात एकीकडे अपघातांच्या घटनांमध्ये सतात्याने वाढ होत असताना उपराजधानी नागपुरात (Nagpur News) एका धक्कादायक प्रकार समोर आला आहे. यात धावत्या कारमध्ये चालक तरुण आपल्या प्रेयसीसोबत चक्क ड्रायविंग सीटवर बसून अश्लील चाळे (Couple Car Romance) करताना आढळून आला आहे. हा व्हिडिओ सध्या समाजमाध्यामवर तूफान वायरल (Viral Video) होत असून सर्वत्र एकाच खळबळ उडाली आहे. प्राप्त माहितीनुसार नागपूरच्या धरमपेठ भागातील हि घटना असून या प्रकरणी आता पोलिसांनीही कारवाईचा बडगा उगारला आहे.
नागपूरच्या रस्त्यावर खुल्लम खुल्ला अश्लील चाळे!
या संदर्भात आता सीताबर्डी पोलीस ठाण्यात गुन्हा दाखल करण्यात आला असून कारचालक आणि त्याच्या प्रेयसीची ओळख पटवित त्यांना पालकासह चौकशीसाठी पोलीस ठाण्यातही बोलावले आहे. व्हिडिओ मधील संशयित आरोपी सूरज राजकुमार सोनी (वय 28, रा. मानकापूर) हा सनदी लेखापाल आहे. तर त्याची प्रेयसी अभियंता असल्याची माहिती समोर आली आहे. हे दोघे शंकर नगर ते लक्ष्मी नगर चौकातून चारचाकीने जात असताना प्रेयसीने अश्लील चाळे सुरु केले. दरम्यान हा सर्व प्रकार रस्त्यावरील अन्य लोक पाहत असून ते व्हिडिओ रेकॉर्ड करत आहे, यांचे पण भान या प्रेमी युगलांना नव्हते. त्यामुळे नागपूरच्या रस्त्यावर खुल्लम खुल्ला प्यार सुरू असल्याचा प्रकार नव्याने समोर आला आहे.
विविध कलमांन्वये गुन्हा अन् जामिनावर सुटका
नागपूरच्या लॉ कॉलेज ते धरमपेठ परिसरादरम्यान धावत्या कारमध्ये हा प्रकार घडला आहे. प्रेमीयुगुलाच्या अश्लील चाळ्यांची चित्रफित सध्या समाजमाध्यमांवर व्हायरल झाल्याने मोठी खळबळ उडाली आहे. त्यानंतर या घटनेची दखल घेत पोलिसही सक्रिय झाले. पोलिसांनी कारच्या क्रमांकाच्या आधारे चालक आणि तरुणीचा शोध घेतला. कारचालक आणि त्याच्या प्रेयसीची ओळख पटल्यानंतर पोलिसांनी त्यांच्या पालकांनाही चौकशीसाठी पोलीस ठाण्यात बोलावले. चौकशीनंतर पोलिसांनी सूरज सोनी आणि त्याच्या प्रेयसीविरुद्ध गुन्हा दाखल केला. दोघांविरुद्ध सीताबर्डी पोलिसांत मोटारवाहन कायद्यासह विविध कलमांन्वये गुन्हा दाखल करून त्यांना अटक केली. त्यानंतर त्यांची जामिनावर सुटका देखील केली.
समाजमाध्यमांवर व्हिडिओ व्हायरल
पोलिसांकडून प्राप्त माहितीनुसार, सूरज सोनी हा सोमवाच्या सायंकाळी कारने लॉ कॉलेज चौकात आला. काही वेळात त्याची प्रेयसीही तेथे आली. त्यानंतर तिने आपली मोपेड जवळच पार्क केली आणि ती कारमध्ये बसली. त्यानंतर दोघेही कारने धरमपेठकडे निघाले. गिरीपेठ परिसरात तरुणी कारचालक सूरजच्या समोर बसली. त्यानंतर दोघेही धावत्या कारमध्ये अश्लील चाळे करायला लागले. दरम्यान, हा संपूर्ण प्रकार काही उपस्थितांनी हे चाळे मोबाइलमध्ये कैद केले. त्यानंतर ते समाजमाध्यमांवर व्हायरल केले.
हे ही वाचा
महत्त्वाच्या बातम्या
ट्रेंडिंग न्यूज
