Coronavirus in Maharashtra Live Update | महाराष्ट्रात कोरोना बाधितांचा आकडा 90 हजारांवर ; आज 1663 रुग्ण कोरोनामुक्त

Coronavirus Live Update : राज्यात सोमवारी (8 जून) 1661 कोरोनाबाधित रुग्णांना यशस्वी उपचारांनंतर घरी सोडण्यात आलंय. दिलासादायक बाब म्हणजे आतापर्यंत राज्यभरात 40,975 हजार 314 रुग्णांना डिस्चार्ज देण्यात आला आहे. रुग्ण बरे होण्याचा वेग राज्यात वाढताना दिसत आहे. सोमवारी कोरोनाच्या 2553 नव्या रुग्णांची नोंद झाल्याने राज्यातील कोरोना बाधितांचा आकडा 88 हजार 528 इतका झाला आहे. त्यापैकी सध्या 44 हजार 374 कोरोनाबाधित रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी दिली आहे. मुंबईतील बाधित रुग्णांचा आकडा 50 हजारांवर गेला आहे. राज्यातील मुंबई, पुण्यासह आता मालेगाव आणि औरंगाबाद ही कोरोना व्हायरसची हॉटस्पॉट बनली आहेत. या शहरात कोरोनाबाधितांची संख्या झपाट्याने वाढत असून हा सर्वांच्याच चिंतेचा विषय झाला आहे. कोरोना व्हायरसविषयी सर्व महत्वाचे अपडेट आणि घडामोडी आपल्याला या लाईव्ह ब्लॉगमध्ये वाचायला मिळतील.

Background

Coronavirus in Maharashtra Live Update : राज्यात सोमवारी (8 जून) 1661 कोरोनाबाधित रुग्णांना यशस्वी उपचारांनंतर घरी सोडण्यात आलंय. दिलासादायक बाब म्हणजे आतापर्यंत राज्यभरात 40,975 हजार 314 रुग्णांना डिस्चार्ज देण्यात आला आहे. रुग्ण बरे होण्याचा वेग राज्यात वाढताना दिसत आहे. सोमवारी कोरोनाच्या 2553 नव्या रुग्णांची नोंद झाल्याने राज्यातील कोरोना बाधितांचा आकडा 88 हजार 528 इतका झाला आहे. त्यापैकी सध्या 44 हजार 374 कोरोनाबाधित रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी दिली आहे. मुंबईतील बाधित रुग्णांचा आकडा 50 हजारांवर गेला आहे.

 

सोमवारी नोंद झालेल्या मृत्यूंपैकी 71 पुरुष तर 38 महिला आहेत. सोमवारी नोंद झालेल्या 109 मृत्यूपैकी 60 वर्षे किंवा त्यावरील 59 रुग्ण आहेत तर 44 रुग्ण हे वय वर्षे 40 ते 59 या वयोगटातील आहेत. तर 6 जण 40 वर्षांखालील आहे. या 91 रुग्णांपैकी 79 जणांमध्ये मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत.

 

आतापर्यंत पाठवण्यात आलेल्या 5 लाख 64 हजार 331 नमुन्यांपैकी 88,528 जण पॉझिटिव्ह आले आहेत. सध्या राज्यात 5 लाख 64 हजार 726 व्यक्ती घरगुती अलगीकरणात (होम क्वॉरंटाईन) असून 26 हजार 760 जण संस्थात्मक क्वॉरंटाईनमध्ये आहेत.

23:06 PM (IST)  •  09 Jun 2020

धुळे जिल्ह्यात 21 रुग्णांचा कोरोना चाचणी अहवाल पॉझिटिव्ह , जिल्ह्यातील कोरोना बाधितांची संख्या 315 वर

21:38 PM (IST)  •  09 Jun 2020

LIVE UPDATE | राज्य सरकारचा चक्रीवादळग्रस्तांना दिलासा, एनडीआरएफच्या नियमांपेक्षा जास्त मदत करणार, नुकसान झालेल्यांना 10 हजार रोख रक्कम देणार, पूर्ण नष्ट झालेल्या घराला दीड लाखांची मदत मिळणार, यापूर्वी 95 हजार मिळत होते : विजय वडेट्टीवार

20:20 PM (IST)  •  09 Jun 2020

शिर्डी : नायब तहसीलदार विरोधात संगमनेर शहर पोलीस ठाण्यात गुन्हा दाखल, परवानगी न घेता जिल्हा बंदीचं उल्लंघन केल्याचा गुन्हा दाखल, कालच आढळले होते कोरोना पॉझिटिव्ह, सध्या पूणे येथे उपचार सुरू, 8 दिवसापूर्वी परवानगी न घेता गेले होते पुण्याला, सहायक पोलीस उप निरीक्षक बाळासाहेब यादव यांच्या फिर्यादीवरून गुन्हा दाखल

20:05 PM (IST)  •  09 Jun 2020

राज्यातील कोरोनाबाधितांचा आकडा 2259 ने वाढला असून राज्यातील एकूण रुग्णसंख्या 90,787 आहे. तर दिवसभरात सर्वाधिक 120 कोरोनाबाधित रुग्णांचा मृत्यू झाला आहे. तर आज 1663 रुग्णांना डिस्चार्ज देण्यात आला आहे.

18:38 PM (IST)  •  09 Jun 2020

4 जूनच्या मुंबई नागपूर इंडिगोमधून आलेली एक व्यक्ती पॉझिटिव्ह निघाली. या आधी ही चंद्रपूर जिल्यात राहणारी एक मुंबई रिटर्न व्यक्ती पॉझिटिव्ह आली होती. ही दुसरी व्यक्ती ही चंद्रपूर जिल्यातील ब्राह्मपुरीची आहे. आता टेस्ट रिझल्ट पॉझिटिव्ह आल्यामुळे या विमानातीन जे इतर 161 लोक आले होते. ते वेगवेगळ्या जिल्यातील होते. त्यांना संपर्क करणे सुरू आहे.