Cancer Policy : कॅन्सरशी लढण्यासाठी सर्वसमावेशक, प्रभावी धोरण तयार करा; मुख्यमंत्र्यांचे निर्देश
राज्यातील गरजू व्यक्तीला तत्काळ सेवा मिळाल्या पाहिजे यासाठी प्रत्येक जिल्ह्यात समग्र कर्करोग उपचार सेवा, निदान, डे केअर, रेडिओथेरपी व केमोथेरपी युनिटची उभारणी करण्याचे निर्देश देण्यात आले आहेत.
मुंबई : राज्यातील जनतेसाठी सर्वसमावेशक कर्करोग सेवा उपलब्ध करून देण्यासाठी वैद्यकीय शिक्षण आणि औषधी द्रव्ये विभागाला प्रभावी धोरण (Maharashtra Cancer Policy) तयार करण्याचे निर्देश मुख्यमंत्री देवेंद्र फडणवीसांनी दिले. कर्करोगावर परिणामकारक नियंत्रण मिळवण्यासाठी विविध पातळ्यांवर उपचार केंद्रांची उभारणी आवश्यक असून, प्रत्येक जिल्ह्यात समग्र कर्करोग उपचार सेवा, निदान, डे केअर, रेडिओथेरपी व केमोथेरपी युनिटची उभारणी करण्याचेही निर्देश मुख्यमंत्री फडणवीस यांनी दिले.
नागपूर येथील संत तुकडोजी महाराज कर्करोग रुग्णालयाच्या इमारतीचे अपूर्ण बांधकाम तातडीने पूर्ण करण्यात यावे असे निर्देश त्यांनी दिले. यासाठी आवश्यक निधी पुरवणी मागणीत उपलब्ध करून दिला जाईल. तसेच साईनगर, शिर्डी येथे श्री साई संस्थान यांच्या वतीने अत्याधुनिक कर्करोग रुग्णालय उभारणासाठी साई संस्थाला सांगण्यात येणार असे प्रतिपादन मुख्यमंत्री फडणवीस यांनी केले.
राज्यातील गरजू व्यक्तीला तत्काळ सेवा मिळाल्या पाहिजे, यासाठी तीन प्रकारच्या उपचार केंद्रांपैकी एल 3 करिता सिंगल क्लाउड कमांड केंद्र स्थापन करावे. त्याचबरोबर कर्करोगाशी लढणाऱ्या रुग्णांना शीघ्र निदान व प्रभावी उपचार पद्धती उपलब्ध करून देण्याचे निर्देश मुख्यमंत्री यांनी संबंधितांना दिले.
राज्यातील कर्करोग प्रतिबंधासाठी धोरण
महाराष्ट्र सरकारने कर्करोग प्रतिबंध (Prevention), निदान (Early Diagnosis) आणि वेळेवर उपचार (Treatment) यावर भर देत एक व्यापक आरोग्य धोरण सुरू केलं आहे. हे धोरण राष्ट्रीय “NP-NCD Programme (National Program for Prevention and Control of Non-Communicable Diseases)” चा भाग आहे.
प्रमुख उपाययोजना (Key Measures)
कर्करोग तपासणी मोहिमा (Cancer Screening Drives):
महिलांसाठी स्तनाचा (Breast Cancer) व गर्भाशयाचा (Cervical Cancer) कर्करोग यासाठी राज्यव्यापी तपासणी मोहिमा राबवल्या जात आहेत. 30 वर्षांवरील प्रत्येक नागरिकाला स्क्रीनिंगमध्ये समाविष्ट करण्याचा निर्णय घेतला आहे.
रुग्णालये व उपचार केंद्रे (Hospitals & Care Centres):
दोन समर्पित कर्करोग रुग्णालये आणि आठ जिल्हा रुग्णालये (District Cancer Hospitals) उभारण्याची योजना आहे. तसेच Day-Care Chemotherapy Centres सुरू करून ग्रामीण व शहरी रुग्णांना सुलभ उपचार देण्यावर भर दिला जात आहे.
प्रशिक्षण (Training):
मेडिकल ऑफिसर्सना “Early Detection and Prevention of Head & Neck Cancer” याबाबत प्रशिक्षण दिलं जातं. यामुळे प्राथमिक स्तरावरच निदान व उपचार शक्य होणार आहेत.
आर्थिक मदत (Financial Assistance):
राज्य आजार सहाय्यता निधी (State Illness Assistance Fund), मुख्यमंत्री सहाय्यता निधी (Chief Minister Relief Fund) यांच्या माध्यमातून गरजू रुग्णांना आर्थिक मदत पुरवली जाते.
नागरिकांना होणारे फायदे (Benefits to People)
- कर्करोगाचं लवकर निदान (Early Diagnosis) होईल.
- ग्रामीण व शहरी भागात उपचार सहज उपलब्ध (Accessible Treatment) होतील.
- उपचारांचा आर्थिक भार (Financial Burden) कमी होईल.
- जागरूकतेमुळे (Awareness) रोग कमी प्रमाणात पुढे जाईल.
- अजून असलेली आव्हाने (Challenges Ahead)
- ग्रामीण भागात अजूनही पुरेशा स्क्रीनिंग सुविधा नाहीत.
- जनजागृती (Public Awareness) कमी आहे.
- खर्चिक उपचारामुळे गरीब रुग्णांना अडचणी येतात.
ही बातमी वाचा:
महत्त्वाच्या बातम्या
