राज्यसभेसाठी भाजपच्या 'या' नेत्यांच्या नावाची यादी दिल्लीत पोहचली; लवकरच अंतिम निर्णय

Rajya Sabha Election : राज्यातून भाजपकडून राज्यसभेसाठी कुणाला उमेदवारी मिळणार याचा अंतिम निर्णय दिल्लीत होणार आहे. 

BJP Maharashtra Rajya Sabha Candidates List

Source : Facebook / Vinod Tawde /Pankaja Gopinath Munde / Narayan Rane

मुंबई : येत्या 27 फेब्रुवारी रोजी राज्यसभेसाठी निवडणूक (Rajya Sabha Election) पार पडणार असून, यात महाराष्ट्रातील सहा जागांचा समावेश आहे. विशेष म्हणजे यातील पाच जागा महायुतीच्या वाट्याला येण्याची शक्यता वर्तवली जात. या पाच जागांपैकी तीन जागा भाजपच्या (BJP) वाट्याला येणार आहेत. अशात भाजपकडून राज्यसभेसाठी 9 उमेदवारांच्या नावाची यादी समोर येत असून, ती दिल्लीला पाठवण्यात आली आहे. त्यामुळे राज्यातून भाजपकडून राज्यसभेसाठी कुणाला उमेदवारी मिळणार याचा अंतिम निर्णय दिल्लीत होणार आहे. 

भाजपकडून दिल्लीला पाठवण्यात आलेल्या यादीत नारायण राणे (Narayan Rane), विनोद तावडे (Vinod Tawde), पंकजा मुंडे (Pankaja Munde), विजया राहटकर (Vijaya Rahatkar), अमरीश पटेल (Amrish Patel), माधव भंडारी (Madhav Bhandari), चित्रा वाघ (Chitra Wagh), हर्षवर्धन पाटील (Harsh Vardhan Patil) आणि संजय उपाध्याय ( Sanjay Upadhyay) यांचे नावं आहेत. त्यामुळे या नऊ नेत्यांपैकी कोणाच्या गळ्यात राज्यसभेच्या उमेदवारीची माळ पडणार हे पाहणं महत्वाचे असणार आहे. 

पंकजा मुंडेंना संधी मिळणार का? 

विधानसभा निवडणुकीत झालेल्या पराभवानंतर पंकजा मुंडे यांना सतत पक्षाकडून डावलण्यात येत असल्याचा आरोप सतत होत आहे. देवेंद्र फडणवीस यांच्याकडून पंकजा मुंडे यांना डावलण्यात येत असल्याचा आरोप देखील झाला. विशेष म्हणजे यापूर्वी झालेल्या विधानपरिषदेच्या निवडणुकीत त्यांच्या नावाची चर्चा असतांना तेव्हा देखील त्यांना संधी मिळाली नाही. अशात आता राज्यसभेसाठी होत असलेल्या निवडणुकीच्या उमेदवारीच्या यादीत त्यांच्या नावाचा समावेश आहे. त्यामुळे यंदा तरी पंकजा मुंडे यांना संधी मिळणार का? आणि त्यांना राज्यसभेवर पाठवले जाणार का? हे पाहणं महत्वाचे असणार आहे. विशेष म्हणजे कालच पंकजा मुंडे आणि देवेंद्र फडणवीस यांची भेट झाली आहे. त्यामुळे या भेटीत राज्यसभेच्या उमेदवारी बाबत काही बोलणं झाले का? याबाबत चर्चा आहे. तर, यावर बोलतांना फडणवीस म्हणाले की, पंकजा मुंडे आमच्या पक्षाच्या नेत्या आहेत. त्यामुळे त्यांच्या भेटीबाबत नवीन काही नाही. तसेच पंकजा मुंडे यांना राजसभेची उमेदवारी देण्याबाबतचा निर्णय वरिष्ठ घेतील, असेही फडणवीस म्हणाले. 

महाराष्ट्र विधानसभेतील पक्षीय बलाबल

भाजप : 104, 
राष्ट्रवादी (अजित पवार गट) : 42
 शिवसेना (एकनाथ शिंदे गट): 40
काँग्रेस : 45
शिवसेना उद्धव ठाकरे गट : 16
राष्ट्रवादी काँग्रेस (शरद पवार गट) : 11
बहुजन विकास आघाडी : 3, 
समाजवादी पक्ष, एआयएम आणि प्रहार जनशक्ती प्रत्येकी 2, 
महाराष्ट्र नवनिर्माण सेना, सीपीआयएम, शेकाप, स्वाभिमानी पक्ष, रासप, जनसुराज्य शक्ती, क्रांतिकारी शेतकरी पक्ष प्रत्येकी 1 
अपक्ष 13

इतर महत्वाच्या बातम्या: