Laxman Hake Vs Vijaysinh Panditआम्ही विष तर तुम्ही आंबे पेरले का?,हाके Vs विजयसिंह पंडित आमनेसामने

बीडमध्ये (Beed) होणाऱ्या ओबीसी महाएल्गार सभेवरून (OBC Mahaelgar Sabha) राष्ट्रवादी काँग्रेसचे आमदार विजयसिंह पंडित (Vijaysinh Pandit) आणि ओबीसी नेते लक्ष्मण हाके (Laxman Hake) यांच्यात जोरदार शाब्दिक चकमक झाली आहे. 'आम्ही विष पेरतोय, तर तुम्ही काय आंबे पेरलेत का?', असा थेट सवाल लक्ष्मण हाके यांनी विजयसिंह पंडित यांना विचारला आहे. लोकांच्या डोक्यात विष पेरू नका, असे पंडित यांनी म्हटले होते, ज्यावर हाके यांनी ही प्रतिक्रिया दिली. स्थानिक स्वराज्य संस्थांच्या निवडणुका डोळ्यासमोर ठेवून हे राजकारण सुरू असल्याचा आरोप पंडित यांनी केला. तसेच, हाके हे 'चार्जिंगवर चालणारे बाहुले' असल्याची टीकाही त्यांनी केली. यावर पलटवार करताना, 'जरांगींना मग शरद पवार (Sharad Pawar) आणि अजित पवार (Ajit Pawar) चावी देतात का?', असा सवाल हाके यांनी केला. तुम्ही आमच्यावर दगडफेक केली, आता आम्ही आमची ताकद दाखवून देऊ, असा इशाराही हाके यांनी दिला आहे.