शिक्षकांनी कामाच्या ठिकाणी राहण्याचा मुद्दा पुन्हा पेटणार, आमदार बंब शिक्षक दिनी काढणार मोर्चा
Aurangabad : आमदार बंब शिक्षकांच्या मुद्द्यावर पुन्हा आक्रमक झाल्याने कामाच्या ठिकाणी न राहणाऱ्या शिक्षकांची मोठी अडचण होण्याची शक्यता आहे.
औरंगाबाद : शिक्षकांनी कामाच्या ठिकाणी राहण्याच्या मागणीबाबत भाजप आमदार प्रशांत बंब (Prashant Bamb) पुन्हा एकदा आक्रमक होतांना पाहायला मिळत आहे. आमदार प्रशांत बंब हे येत्या 5 सप्टेंबर रोजी शिक्षक दिनी कामाच्या ठिकाणी न राहण्याऱ्या शिक्षकांच्या विरोधात मोर्चा काढणार आहेत. त्यामुळे आता पुन्हा शिक्षक, शिक्षक संघटना आणि शिक्षक आमदार विरुद्ध आमदार प्रशांत बंब असा संघर्ष पेटण्याची चिन्हे आहेत. आमदार बंब यांनी शिक्षकांच्या मुद्द्यावर पुन्हा आक्रमक झाल्यानं कामाच्या ठिकाणी न राहणाऱ्या शिक्षकांची मोठी अडचण झालीय. विशेष म्हणजे 5 सप्टेंबर रोजीच्य मोर्चात पालकही सहभागी होणार असल्याची माहिती समोर येत आहे.
जिल्हा परिषद शिक्षक कामाच्या ठिकाणी उपस्थित राहत नसल्याचा मुद्दा गेल्या काही दिवसांपासून चांगलाच चर्चेत आला आहे. भाजपचे आमदार प्रशांत बंब यांनी हाच मुद्दा विधानसभेत देखील मांडला होता. कामाच्या ठिकाणी राहत नसलेल्या शिक्षकांचे घरभाडे भत्ता बंद करण्याची मागणी देखील आमदार बंब यांच्याकडून सतत केली जात आहे. त्यामुळे राज्यभरातील शिक्षकांमध्ये बंब यांच्याबद्दल रोष पाहायला मिळाला होता. अनेक ठिकाणी शिक्षकांनी आमदार बंब यांच्याविरोधात आंदोलन देखील केले होते. मात्र, मागील काही दिवसांत हा मुद्दा मागे पडला असल्याचे चित्र असतानाच आता बंब पुन्हा एकदा आक्रमक झाले आहेत.
आमदार प्रशांत बंब यांनी विधानसभेत शिक्षक कामाच्या ठिकाणी उपस्थित राहत नसल्याचा मुद्दा उपस्थित केला होता. त्यामुळे, राज्यात आमदार बंब विरुद्ध शिक्षक असे युद्ध पाहायला मिळाले होते. विशेष म्हणजे आमदार बंब आणि शिक्षकांमध्ये आरोपांच्या फैरी झाडल्या गेल्याचे चित्र पाहायला मिळाले होते. आपलाच मुद्दा कसा वैध आहे हे सांगण्यासाठी दोन्ही बाजूने प्रयत्न केले गेले. दरम्यान, याच काळात औरंगाबादच्या खुलताबादच्या शिक्षण अधिकाऱ्यांनी कामाच्या ठिकाणी राहत नसलेल्या शिक्षकांचा घरभाडे भत्ता बंद करण्यात येणार असल्याचं पत्र काढले होते. त्यामुळे याला शिक्षक आणि शिक्षक संघटनांनी विरोध केला होता. त्यानंतर आता आमदार प्रशांत बंब यांच्याकडून थेट मोर्चा काढला जाणार आहे.
शिक्षक संघटना पुन्हा आक्रमक होण्याची शक्यता...
शिक्षकांच्या कामाच्या ठिकाणी राहण्याच्या मागणीबाबत भाजप आमदार प्रशांत बंब पुन्हा एकदा आक्रमक होतांना पाहायला मिळत आहे. जे शिक्षक कामाच्या ठिकाणी राहत नाही त्यांचा घरभाडे भत्ता बंद करण्याच्या मागणीसाठी आमदार बंब यांनी मोर्चा काढण्याचा निर्णय घेतला आहे. औरंगाबाद जिल्हा परिषदेवर 5 सप्टेंबर रोजी हा मोर्चा काढला जाणार आहे. त्यामुळे आता पुन्हा एकदा शिक्षक संघटना देखील आक्रमक होण्याची शक्यता आहे. जर आमदार बंब यांनी मोर्चा काढल्यास त्यांना शिक्षक संघटना देखील मोर्चा काढून उत्तर देणार असल्याची माहिती मिळत आहे.
इतर महत्वाच्या बातम्या:
शिक्षकांच्या मुख्यालयाचा मुद्दा बंब यांची वैयक्तिक भूमिका; भाजप नेत्यांनी हात झटकले
Before You Go
Rahul Gandhi On PM Modi Special Report : पंतप्रधान मोदींची खिल्ली उडवली, भाजप राहुल गांधींवर संतापली
महत्त्वाच्या बातम्या
