Nana Patole Car Accident : काँग्रेस प्रदेशाध्यक्ष नाना पटोलेंचा कारचा भीषण अपघात; उभ्या गाडीला भरधाव ट्रकने दिली मागून धडक
Nana Patole Car Accident : काँग्रेस प्रदेशाध्यक्ष नाना पटोले यांच्या गाडीचा भीषण अपघात झाला आहे. भंडारा शहरालगतच्या भीलवाडा गावाजवळ ही घटना घडली असून यात कारचे मोठ्याप्रमाणात नुकसान झाले आहे.
Nana Patole Car Accident : काँग्रेस (Congress) प्रदेशाध्यक्ष नाना पटोले (Nana Patole) यांच्या गाडीचा भीषण अपघात (Accident News) झाला आहे. भंडारा शहरालगतच्या भीलवाडा गावाजवळ ही घटना घडली आहे. मंगळवारी नाना पटोले हे आपला सुनिश्चित प्रचारसभा आटपून सुकळी या गावी जात असताना मध्यरात्रीच्या सुमारास मागून येणाऱ्या ट्रकने त्याच्या उभ्या गाडीला जोराची धडक दिली. या अपघातात गाडीचं मोठ्या प्रमाणात नुकसान झालं असून सुदैवाने मोठी घटना टळली आहे. तर नाना पटोले हे देखील थोडक्यात बचावले आहेत. या अपघाताची माहिती मिळातच पोलिसांनी तात्काळ घटनास्थळ गाठत पुढील अधिक तपास सुरू केलाय. प्राथमिक माहितीनुसार, ट्रक चालकाचे ट्रकवरील नित्रंयण सुटल्यानं हा अपघात झाला असावा, असा प्राथमिक अंदाज वर्तविण्यात येत आहे.
उभ्या गाडीला भरधाव ट्रकची धडक
भंडारा-गोंदिया लोकसभा मतदारसंघातील काँग्रेसचे उमेदवार प्रशांत पडोळे यांच्या प्रचारार्थ काँग्रेस प्रदेशाध्यक्ष नाना पटोले यांनी आपली संपूर्ण ताकद पणाला लावली असल्याचे बोलले जात आहे. त्या अनुषंगाने नाना पटोले गेल्या काही दिवसांपासून या मतदारसंघात जोरदार प्रचार आणि मतदारांच्या गाठी-भेटी घेताना दिसत आहेत. दरम्यान, काल मंगळवारी रात्रीच्या सुमारास नाना पटोले हे भंडारा शहरालगतच्या भीलवाडा गावाजवळ आले असता, या ठिकाणी मागून येणाऱ्या एका भरधाव ट्रकने त्यांच्या कारला धडक दिली. ही धडक इतकी जोरदार होती की या धडकीने गाडीचे मोठ्याप्रमाणात नुकसान झाले आहे. मात्र, सुदैवाने यात नाना पटोलेंना कुठलीही दुखापत न झाल्याची माहिती समोर आली आहे. अपघाताची माहिती मिळाताच पोलिसांनी तात्काळ घटनास्थळी धाव घेतली असून घटनेचा पुढील तपास पोलिसांनी सुरू केला आहे. मात्र, या अपघातानंतर सध्याच्या राजकारणात अनेक तर्क-वितर्क आणि शंका निर्माण केल्या जात आहेत.
25 वर्षानंतर मतदारसंघात काँग्रेसचा उमेदवार
काँग्रेस पक्षानं भंडारा -गोंदिया लोकसभा क्षेत्रासाठी महाविकास आघाडीच्या माध्यमातून डॉ.प्रशांत पडोळे यांना उमेदवारी दिली आहे. मागील पंचवीस वर्षे राष्ट्रवादी काँग्रेस सोबत काँग्रेसची इतर घटक पक्षासोबत आघाडी राहत असल्यानं इथं राष्ट्रवादी काँग्रेसचाच उमेदवार उभा राहत होता. मात्र तब्बल 25 वर्षानंतर भंडारा-गोंदिया लोकसभेवर काँग्रेसच्या पंजा या चिन्हावर उमेदवार यावर्षी उभा आहे. त्यामुळे कार्यकर्त्यांमध्ये एक नवचैतन्य निर्माण झालं असून येथील उमेदवार डॉ. प्रशांत पडोळे हे आता प्रचारासाठी प्रत्येक गावात मतदारांपर्यंत पोहोचण्याचा प्रयत्न करीत आहेत. प्रत्येक गावात सभा, बैठका घेऊन मतदारांना मतदान करण्याचा आव्हान त्यांच्या वतीने करण्यात येत आहे. तसेच कार्यकर्त्यांची मोठी फळी त्यांच्या या प्रचारार्थ त्यांच्यासोबत बघायला मिळत आहे. 25 वर्षानंतर काँग्रेसचा उमेदवार इथे भरघोस मताने निवडून येईल, असा विश्वासही महायुतीचे उमेदवार डॉ. प्रशांत पडोळे यांनी एबीपी माझाशी बोलताना व्यक्त केलाय.
महत्वाच्या इतर बातम्या
महत्त्वाच्या बातम्या
ट्रेंडिंग न्यूज
