Ajit Pawar : 'माझ्या वक्तव्याचा चुकीचा अर्थ काढला', शरद पवारांबाबत केलेल्या वक्तव्यावर अजित पवारांचं स्पष्टीकरण
Maharashtra Politics : अजित पवारांच्या या वक्तव्यावरुन शरद पवार गटाने टीकेची झोड उठवली. शरद पवार गटाकडून झालेल्या टीकेनंतर ट्वीट करत अजित पवारांनी त्या वक्तव्याबद्दल स्पष्टीकरण दिलं आहे.
Ajit Pawar on Sharad Pawar : बारामती (Baramati) दौऱ्यावर असताना अजित पवारांनी (Ajit Pawar) शरद पवारांवर (Sharad Pawar) जोरदार निशाणा साधला. 'शेवटची निवडणूक आहे, असं भावनिक आवाहन तुम्हाला केलं जाईल, मात्र कधी शेवटची निवडणूक असेल काय माहीत? असं म्हणत अजित पवारांनी शरद पवारांवर अप्रत्यक्षरित्या निशाणा साधला होता. अजित पवारांच्या या वक्तव्यावरुन शरद पवार गटाने टीकेची झोड उठवली. शरद पवार गटाकडून झालेल्या टीकेनंतर ट्वीट करत अजित पवारांनी त्या वक्तव्याबद्दल स्पष्टीकरण दिलं आहे.
शरद पवारांबाबत केलेल्या वक्तव्यावर अजित पवारांचं स्पष्टीकरण
माझ्या वक्तव्याचा चुकीचा अर्थ काढला, असं अजित पवार म्हणाले. ज्येष्ठ नेत्यांच्या प्रकृतीची काळजी म्हणून बोललो, शरद पवारांबाबत केलेल्या वक्तव्यावर असं स्पष्टीकरण अजित पवारांनी दिलं आहे. माझ्या बोलण्याचा चुकीचा अर्थ काढला गेला, तर काही लोकांना 'ध' चा 'मा' करण्याची सवयच असते असं म्हणत अजित पवारांनी शरद पवार गटाच्या जितेंद्र आव्हाडांवर निशाणा साधलाय.
काय म्हणाले अजित पवार?
अजित पवार यांनी ट्वीट करत म्हटलं आहे की, ''काल माझ्या म्हणण्याचा चुकीचा अर्थ काढला गेला आहे. माझं पहिल्यापासून, राष्ट्रवादी काँग्रेस पक्ष एकत्र असल्यापासून एवढंच म्हणणं होतं की, ज्येष्ठ नेत्यांनी शारीरिक दगदगीचा विचार करावा आणि प्रकृतीची काळजी घ्यावी. हे मत मी पूर्वी देखील मांडलेलं आहे. मात्र, काही लोक स्वतःच्या राजकारणासाठी ज्येष्ठ नेत्यांचा वापर करू पाहतात. त्यांना ह्या गोष्टी कळणार नाहीत. माझ्या त्यांच्याबद्दलच्या भावना मी वेळोवेळी मांडलेल्या आहेत. पण काही लोकांना 'ध' चा 'मा' करायची सवयच असते, अशा नाटकीबाज लोकांना मी महत्त्व देत नाही. मात्र सर्वसामान्य लोकांना माझ्या भावना कळाव्यात, म्हणून मी हे म्हणणं मांडत आहे.''
काकाच्या मृत्यूची वाट बघतोय : जितेंद्र आव्हाड
अजित पवारांवर निशाणा साधताना जितेंद्र आव्हाड म्हणाले की, एखाद्या माणसाच्या मृत्यूची प्रार्थना करण कितपत योग्य आहे. काकाच्या मृत्यूची वाट बघतोय. शरद पवार अजरामर राहतील, त्यांचं योगदान अजरामर राहतील. शरद पवार कधी मरतील याची तुम्ही वाट बघता. अजित पवार यांनी आज हद्द ओलांडली. भावनिक आवाहन तुम्ही करता येणाऱ्या काळात जनता आणि बारामतीकर तुम्हाला तुमची जागा दाखवतील.
महत्त्वाच्या इतर बातम्या :
चुलत्याच्या मरणाची वाट पाहतोय, अजित पवारांनी हद्द केली, लाज वाटते तुमच्यासोबत काम केल्याची; जितेंद्र आव्हाडांचा घणाघाती प्रहार
महत्त्वाच्या बातम्या
ट्रेंडिंग न्यूज
