अमित शाह व्यस्त! आजची मुख्यमंत्री उपमुख्यमंत्र्यांची भेट रद्द, पुढची भेट कधी? अजित पवार म्हणाले...
शेती प्रश्नाच्या मुद्द्यावर आज राज्याचे मुख्यमंत्री एकनाथ शिंदे (CM Eknath Shinde) यांच्यासह दोन्ही उपमुख्यमंत्री केंद्रीय मंत्री अमित शाह यांची दिल्लीत भेट घेणार होते. मात्र, आजचा हा दौरा रद्द झाला आहे.
Ajit Pawar : शेती प्रश्नाच्या मुद्द्यावर आज राज्याचे मुख्यमंत्री एकनाथ शिंदे (CM Eknath Shinde) यांच्यासह उपमुख्यमंत्री देवेंद्र फडणवीस (Devendra Fadnavis)आणि अजित पवार (Ajit Pawar) हे आज केंद्रीय मंत्री अमित शाह (Amit Shah) यांची भेट घेणार होते. मात्र,आजची ही भेट रद्द झाली असल्याची माहिती उपमुख्यमंत्री अजित पवार यांनी दिली आहे. आजच्याऐवजी सोमवार किंवा मंगळवारची वेळ अमित शाह यांच्या कार्यालयाकडून देण्यात आली आहे. मात्र, मुख्यमंत्र्यांसह आम्ही सोमवारी भेटीची वेळ मागितली असल्याचे अजित पवार यांनी सांगितलं.
अमित शाह व्यस्त असल्यानं भेट रद्द
कांद्यांच्या निर्यातीवर केंद्र सरकारनं बंदी घातली आहे.यामुळं कांद्याच्या दरात मोठी घसरण झाली आहे. याचा शेतकऱ्यांना मोठा फटका बसत आहे. तसेच इथेनॉलच्या निर्मितीवर देखील सरकारनं बंदी घातली आहे. त्याचबरोबर दुधाचे दर घसरले आहेत. याच मुद्यावर चर्चा करण्यासाठी मुख्यमंत्री आणि दोन्ही उपमुख्यमंत्री आज दिल्लीला जाऊन गृहमंत्री अमित शाह यांची भेट घेणार होते. मात्र, आजचा हा दौरा रद्द झाला आहे. अमित शाह व्यस्त असल्यानं भेट सोमवारी किंवा मंगळवारी होणार आहे. कांदा, विदर्भ, इथेनॉल, संदर्बात मराठवाडा विकासमंडळ प्रस्ताव गृहमंत्रालयात गेला असल्याचे शाह म्हणाले.
महत्त्वाच्या बातम्या:
अमित शाह-अजित पवार भेटीची वेळ ठरली, 'या' महत्त्वाच्या मुद्यांवर होणार चर्चा
महत्त्वाच्या बातम्या
