स्मार्ट बुलेटिन | 20 मे 2019 | सोमवार | एबीपी माझा

राज्यासह देश-विदेशातील महत्त्वाच्या बातम्यांचा आढावा एबीपी माझाच्या स्मार्ट बुलेटिनमध्ये

1. लोकसभा निवडणुकीत एनडीएला स्पष्ट बहुमत, एबीपी नेल्सनसह इतर वाहिन्यांच्या एक्झिट पोल्सचा अंदाज, काँग्रेसला दीडशे जागांचा पल्ला गाठणंही कठीण

 

2. महाराष्ट्रात भाजप-शिवसेनेला प्रत्येकी 17 जागा मिळण्याचा अंदाज, भाजपला 6 जागांवर फटका बसण्याची शक्यता, राष्ट्रवादीच्या जागा वाढण्याचंही भाकित

 

3. उत्तर प्रदेशात भाजपला 50 जागांवर फटका बसण्याची शक्यता, मायावती 30 जागांवर मुसंडी मारण्याचा अंदाज, तर बंगालमध्ये ममतांच्या जागा घटण्याचीही शक्यता

 

4. स्वबळावर तीनशेचा आकडा पार करु, भाजप नेत्यांना विश्वास तर एक्झिट पोल शंकास्पद असल्याचा काँग्रेस नेत्यांचा दावा

 

5. महाराष्ट्रात युतीला 42 च्या वरच जागा मिळतील, काँग्रेस-राष्ट्रवादीला पाच जागाही मिळणार नाहीत, एक्झिट पोलच्या अंदाजानंतर भाजपचे प्रदेशाध्यक्ष रावसाहेब दानवे यांचा विश्वास

6. मोदींच्या देवदर्शनाच्या प्रक्षेपणामुळे आचारसंहितेचा भंग, ममता बॅनर्जींची निवडणूक आयोगाकडे तक्रार, तर केदारनाथानंतर मोदी बद्रीनाथा चरणी लीन

 

7. भाजपमधून आलेल्या नवज्योत सिंह सिद्धूंना मुख्यमंत्री बनायचंय, कॅप्टन अमरिंदर सिंग यांच्या विधानानं पंजाब काँग्रेसमधली धुसफूस चव्हाट्यावर

 

8. मुंबईतील टिळक नगर स्थानकात महाराष्ट्र सुरक्षा बलाच्या जवानाला रेल्वे कर्मचाऱ्याची बेदम मारहाण, नो पार्किंगमध्ये गाडी उभी करण्यास मनाई केल्याने संताप, घटना सीसीटीव्हीत कैद, आरोपीला बेड्या

 

9. रविवार ठरला अपघातवार, वणीच्या सप्तश्रुंगी गडावरुन परतताना भीषण अपघात, 4 जणांचा मृत्यू, सहा जखमी, तर धुळ्यात आमदाराच्या गाडीच्या धडकेत दोन भावंडांचा मृत्यू

 

10. मध्य रेल्वेचं ऑपरेशन पादचारी पूल यशस्वी, शहाड आणि आसनगाव रेल्वे स्थानकातले जीर्ण पूल हटवले, तर टिटवाळ्यात नवीन पुलासाठी गर्डर टाकला