Aaditya Thackeray : मंत्र्यांना अजूनही खात्यांचे वाटप झालेलं नाही, निवडणूक आयोगाने दिलेल्या जनादेशाचा हा अपमान; आदित्य ठाकरेंचा इंग्रजीतून टोला
Aaditya Thackeray : हायुती सरकारचा मंत्रिमंडळ विस्तार झाला आहे, मात्र अद्याप मंत्रिपदांची विभागणी झालेली नाही. मंत्रालय वाटपाला अंतिम मंजुरी देण्यात येणार असल्याची माहिती समोर येत आहे.
Aaditya Thackeray :महायुती सरकारमध्ये अजूनही मंत्र्यांना खातेवाटप झाले नसल्याने आमदार आदित्य ठाकरे यांनी महायुती सरकारवर खोचक शब्दात टोला लगावला आहे. निवडणूक आयोगाने दिलेल्या जनादेशाचा हा अपमान असल्याची खोचक टीका आदित्य ठाकरे यांनी ट्विट करून केली आहे.
आदित्य यांनी ट्विट करत म्हटले आहे की, मंत्रिमंडळ विस्ताराला चार दिवस झाले आहेत. हिवाळी अधिवेशनाचा चौथा दिवस आहे. मंत्र्यांना त्यांच्या खात्यांचे वाटप अद्याप झालेले नाही. जनतेच्या समस्या कोणासमोर मांडाव्यात हेच आमदार व आमदारांना समजत नाही. महायुतीच्या मित्रपक्षांमध्ये एवढी अनागोंदी आहे. शपथ घेणाऱ्यांमध्ये खूप लोभ आहे. नागरिकांची आनंदाने सेवा करण्याऐवजी ते विभागांमध्ये भांडणात व्यस्त आहेत. निवडणूक आयोगाने दिलेल्या आदेशाचा हा अपमान आहे. जर ही सुरुवात असेल तर ते कसे पुढे जातील?
दुसरीकडे, महायुती सरकारचा मंत्रिमंडळ विस्तार झाला आहे, मात्र अद्याप मंत्रिपदांची विभागणी झालेली नाही. मंत्रालय वाटपाला अंतिम मंजुरी देण्यात येणार असल्याची माहिती समोर येत आहे. मंगळवारी (17 डिसेंबर) रात्री मुख्यमंत्री देवेंद्र फडणवीस यांना शिवसेनेकडून मंत्री आणि त्यांच्या मंत्रिपदांची यादी देण्यात आली.
It’s been 4 days since the cabinet expansion.
— Aaditya Thackeray (@AUThackeray) December 19, 2024
It’s the 4th day of the winter session.
Ministers have not been allocated their portfolios as yet.
MLAs and MLCs don’t know whom to address the issues of the people to.
So much chaos within the allies of the Mahayuti. So much…
मंत्रालयांची विभागणी कशी होणार?
राष्ट्रवादीकडून काल यादी देण्यात आल्याची माहिती आहे. मुख्यमंत्री देवेंद्र फडणवीस दोन दिवसांत संपूर्ण यादी राज्यपालांना सादर करणार आहेत. मागील मंत्रिमंडळातील महत्त्वाची खाती त्याच पक्षाकडे राहतील. गृहमंत्रालय भाजपकडे, तर नगरविकास शिवसेनेकडे राहील. तर अजित पवार गटाला अर्थमंत्रालय मिळेल. महसूल, पीडब्ल्यूडी, पर्यटन आणि ऊर्जा भाजपकडेच राहतील. तर शिवसेनेच्या उत्पादन शूल्क राष्ट्रवादीला दिलं जाणार आहे. भाजपच्या कोट्यातील गृहनिर्माण शिवसेनेला दिली जाणार आहे. याशिवाय भाजपने विधानसभा अध्यक्षपद तर राखलेच, पण विधानपरिषद सभापतीपदही हवे आहे. त्यामुळे अजित पवार यांच्याकडे विधानसभेचे उपसभापतीपद तर शिवसेनेला विधान परिषदेचे उपसभापतीपद मिळणार आहे.
39 आमदारांनी मंत्रीपदाची शपथ घेतली
रविवारी (15 डिसेंबर) देवेंद्र फडणवीस सरकारच्या मंत्रिमंडळाचा विस्तार करण्यात आला. या कालावधीत एकूण 39 आमदारांनी मंत्रीपदाची शपथ घेतली. यामध्ये भाजपच्या कोट्यातून 19 तर शिवसेनेच्या एकनाथ शिंदे यांच्या कोट्यातून 11 मंत्री करण्यात आले. राष्ट्रवादी काँग्रेसच्या अजित पवार गटाच्या 9 आमदारांनीही शपथ घेतली. राज्याच्या विकासासाठी आणि कल्याणासाठी महत्त्वाची ठरणारी २० विधेयके आगामी विधानसभेच्या अधिवेशनात मांडण्यात येणार असल्याचे देवेंद्र फडणवीस यांनी मंत्रिमंडळ विस्तारानंतर सांगितले होते.
इतर महत्वाच्या बातम्या
महत्त्वाच्या बातम्या
