आजपासून विठुरायाचं 24 तास दर्शन सुरु, दररोज 1 लाखाहून अधिक भाविकांचं होणार दर्शन, देवाचे राजोपचार बंद

पंढरपुरात येणाऱ्या भाविकांची कोणत्याही प्रकारची गैरसोय होऊ नये म्हणून प्रशासनाने पूर्ण तयारी केली आहे. तसेच आजपासून भाविकांसाठी विठ्ठल रुक्मिणी मंदिर दर्शनासाठी 24 तास खुले राहणार आहे.

Shri Vitthal Mandir Pandharpur

Source : Other

Shri Vitthal Rukmini Mandir Pandharpur : आषाढी वारीचा (Ashadhi Wari) सोहळा जवळ आला आहे. आपल्या लाडक्या विठुरायाचं दर्शन घेण्यासाठी हळुहळु वारकरी पंढरीच्या दिशेनं मार्गस्थ होत आहेत. तर काही वारकरी पंढरीत दाखल झाले आहेत. दरम्यान, भाविकांची कोणत्याही प्रकारची गैरसोय होऊ नये म्हणून प्रशासनाने पूर्ण तयारी केली आहे. तसेच आजपासून भाविकांसाठी विठ्ठल रुक्मिणी मंदिर दर्शनासाठी 24 तास खुले राहणार आहे. याबाबतची माहिती विठ्ठल मंदिर समितीचे सहअध्यक्ष गहिनीनाथ महाराज औसेकर यांनी दिली. 

आजपासून देवाचे राजोपचार आजपासून बंद 

आज सकाळी 11 वाजता महानैवेद्यानंतर देवाचा पलंग निघाला. आषाढी सोहळ्यासाठी देवाचे सर्व राजोपचार आजपासून बंद झाले आहेत. मंदिर दर्शनासाठी 24 तास खुले राहणार आहे. आजपासून देवाला थकवा जाणवू नये म्हणून पाठीला कापसाचा लोड लावला आहे.आजपासून अशाधिव्यात्रा होईपर्यंत देव झोपण्यास जात नसल्यानं देवाचा पलंग निघणार आहे. त्यामुळं भाविकांना आजपासून 26 जुलैपर्यंत श्री विठ्ठलाचे 24 दर्शन सुरु राहणार आहे.

 एका मिनीटात 30 ते 35 भाविका विठ्ठलाचे पददर्शन घेणार

आजपासून एका मिनीटात 30 ते 35 भाविका विठ्ठलाचे पददर्शन घेणार. तर दिवसभरात  30 ते 35 हजार भाविकांचे पददर्शन घडवले जाते. तर एक लाखाच्या आसपास भाविकांचे दररोज मुखदर्शन होणार असल्याची माहिती अधिकाऱ्यांनी दिली. आजपासून म्हणजे 7 जुलै ते 26 जुलैपर्यंत विठ्ठल मंदिर भाविकांना दर्शनासाठी खुले राहणार आहे. प्रक्षाळ पुजेनंतर विठ्ठल मंदिर रात्री दर्शनासाठी बंद राहणार आहे. आजपासून व्हिआयपी दर्शन बंद असणार आहे. जास्तीत जास्त सर्वसामान्य वारकऱ्यांना दर्शनाचा लाभ मिळण्यासाठी 24 तास दर्शन सुरु केल्याची माहिती औसेकर महाराजांनी दिली.

पालख्यांसह अनेक ठिकाणच्या दिंड्या पंढरपूरच्या दिशेनं मार्गस्थ

आषाढी वारीच्या पार्श्वभूमीवर अनेक ठिकाणाहून संताच्या पालख्या तसेच विविध ठिकाणच्या दिंड्या पंढरपूरच्या दिशेनं मार्गस्थ होताना दिसत आहेत. तसेच संत ज्ञानेश्वर महाराज आणि संत तुकाराम महाराज यांच्या पालख्यांनी देखील पंढरपूरच्या दिशेनं मार्गस्थ झाल्या आहेत. सर्वत्र ज्ञानोबा तुकोबांच्या नावाचा गजर सुरु आहे. वारकरी हरीनामात तल्लीन असल्याचं चित्र सर्वत्र पाहायला मिळत आहे. दरम्यान,आषाढी वारीच्या पार्श्वभूमीवर पंढरपूर नगरपालिकेच्या वतीनं सर्व तयारी सुरुअसल्याचं पाहायला मिळत आहे. पंढरीत येणाऱ्या वारकऱ्यांची कोणत्याही प्रकारचे गैरसोय होऊ नये यासाठी प्रशासनाने योग्य ती काळजी देखील घेतल्याचं पाहायला मिळत आहे. 

महत्वाच्या बातम्या: