Uddhav Thackeray On Devendra Fadnavis: देवेंद्र फडणवीसांबाबत ते दाखवा अन् दोन हजार रुपये मिळवा; उद्धव ठाकरेंचं आव्हान, शेतकऱ्यांसोबत बोलताना काय म्हणाले?
Uddhav Thackeray On Devendra Fadnavis: हे दुतोंडी सरकार आहे. राजा उदार झाला आणि हातात टरबूज दिले, अशी टीका करत शेतकऱ्याला हेक्टरी पन्नास हजार मिळालेच पाहिजे, अशी मागणी उद्धव ठाकरेंनी केली.
Uddhav Thackeray On Devendra Fadnavis: ठाकरे गटाचे प्रमुख उद्धव ठाकरे (Uddhav Thackeray) सध्या मराठवाडा दौऱ्यावर आहेत. उद्धव ठाकरेंचा मराठवाडा दौऱ्यातील आज दुसरा दिवस असून लातूर जिल्ह्यातील औसा तालुक्यातील भुसनी येथील नुकसानग्रस्त शेतकऱ्यांची त्यांनी संवाद साधला. इतिहासातील सगळ्यात मोठं पॅकेज आहे, असं मुख्यमंत्री देवेंद्र फडणवीस (Devendra Fadnavis) म्हणाले. पॅकेज जाहीर करताना पाहणी केली होती की नाही?, असा सवाल उद्धव ठाकरेंनी उपस्थित केला.
मुख्यमंत्री देवेंद्र फडणवीस (Devendra Fadnavis) घरचा शेतकरी संकटात असताना दुनियादारी करत प्रचाराला बिहारला जातायत. मला म्हणतात आता उद्धव ठाकरे घराबाहेर निघाले. अरे बाबा तुम्ही आधी आपलं घर बघा. शेतकरी संकटात आहे. दुनियादारी करत फिरताय, असा हल्लाबोल उद्धव ठाकरेंनी (Uddhav Thackeray) केला. उद्धव ठाकरेंनी शेतकऱ्यांसोबत संवाद साधताना देवेंद्र फडणवीस यांचा एक व्हिडीओही दाखवला. या व्हिडीओमध्ये सातबारा कोरा करु, असं देवेंद्र फडणवीस बोलताना दिसत आहे. यावर हे दुतोंडी सरकार आहे. राजा उदार झाला आणि हातात टरबूज दिले, अशी टीका करत शेतकऱ्याला हेक्टरी पन्नास हजार मिळालेच पाहिजे, अशी मागणी उद्धव ठाकरेंनी केली.
देवेंद्र फडणवीस जसं बोलले तसं वागले हे दाखवा अन् दोन हजार रुपये मिळवा- उद्धव ठाकरे (Uddhav Thackeray On Devendra Fadnavis)
देवेंद्र फडणवीस जसं बोलले तसं वागले हे दाखवा आणि दोन हजार रुपये मिळवा, असं आव्हान देखील उद्धव ठाकरेंनी दिलं. बोले तैसा चाले असं दाखवा आणि दोन हजार रुपये मिळवा. मी मुख्यमंत्री असताना हे स्वतः म्हणायचे ओला दुष्काळ जाहीर करा आणि आता म्हणतात की, ओला दुष्काळ असं काही नसतं. पंतप्रधान नरेंद्र मोदी यांनी नोटबंदी केली होती तसं तुम्ही भाजपसाठी मतबंदी करणार का?, आता पुन्हा हे निवडणुकांमध्ये भुलथापा देणार, असं उद्धव ठाकरे म्हणाले.
उद्धव ठाकरे काय काय म्हणाले?, VIDEO:
संबंधित बातमी:
महत्त्वाच्या बातम्या
