Narayan Rane on Ajit Pawar : अजित पवार पुण्यात येऊन बारा वाजवीन, माझ्या नादाला लागू नका; नारायण राणेंचा इशारा

Narayan Rane on Ajit Pawar : विरोधी पक्षनेते अजित पवार यांनी बाईनं पाडलं म्हणत केंद्रीय मंत्री नारायण राणेंवर (Narayan Rane) बोचरा वार केला होता. यानंतर आता राणे यांनी जोरदार प्रत्युत्तर दिलं आहे.

Narayan Rane on Ajit Pawar

Narayan Rane on Ajit Pawar : विरोधी पक्षनेते अजित पवार (Ajit Pawar on Narayan Rane) यांनी बाईनं पाडलं म्हणत केंद्रीय मंत्री नारायण राणेंवर (Narayan Rane) बोचरा वार केला होता. यानंतर आता राणे यांनी जोरदार प्रत्युत्तर दिलं. अजित पवार यांचे पुण्यात येऊन बारा वाजवीन, माझ्या नादाला लागू नका, अशा शब्दात नारायण राणे यांनी अजित पवारांना इशारा दिला. नारायण राणे कोल्हापूर दौऱ्यावर आहेत. यावेळी त्यांनी पत्रकारांशी बोलताना अजित पवारांनी केलेल्या टीकेचा समाचार घेतला. 

बारामतीच्या बाहेर जाऊन बारसे घालायचे बंद करा

नारायण राणे म्हणाले की, बारामतीच्या बाहेर जाऊन बारसे घालायचे बंद करा. अजित पवार यांना बारामतीच्या बाहेर कितपत राजकारण कळत मला माहीत नाही. ज्या प्रकारचा राजकारणी आहे त्याबद्दल बोलू नये. मी सलग सहावेळा निवडून आलो आहे. महिला असेल, पुरुष असेल उमेदवार हा उमेदवार असतो. औरंगाबाद आणि उस्मानाबाद नामांतरावरूनही त्यांनी टोला लगावला. नामांतरावरून सगळेच श्रेय घ्यायला येतील. मी केलं, मी केलं, काय केलं तू? मराठी भाषेतील विशेषणं कुठेही वापरतो, असे ते म्हणाले. कोणता पक्ष संपायला मी काही जोतिष्य नाही, जे लोक काम करतात त्यांचा पक्ष टिकतो, बाकीचे संपून जातात, असेही त्यांनी सांगितले. 

उद्धव ठाकरेंना टोला 

नारायण राणे यांनी उद्धव ठाकरे यांच्यावरही तोफ डागली. ते म्हणाले की, उद्धव ठाकरे यांच्याकडे काय राहिलं आहे? कुठलंही अस्तित्व नाही, काही नाही. गेलेले लोक काय म्हणतात आपल्याबद्दल ते पहा. अडीच वर्षात आपण काय केलं ते पहा म्हणावं. 

काय म्हणाले होते अजित पवार?

चिंचवडमध्ये बोलताना अजित पवार यांनी केंद्रीय मंत्री नारायण राणे यांच्यावर बोचरी टीका केली होती. शिवसेना फोडणारे आणि शिवसेनेला सोडून गेलेले कसे पराभूत झाले हे सांगताना त्यांनी राणेंना तर वांद्रेत बाईनं पाडलं असं अजित पवार म्हणाले. वांद्रे पोटनिवडणुकीत 2015 मध्ये त्यावळी काँग्रेस उमेदवार नारायण राणेंचा शिवसेनेच्या तृप्ती सावंत यांनी पराभव केला होता. त्यामुळे अजित पवार बाईनं पाडलं म्हणत राणेंना डिवचले होते. संजय राऊत यांनी तोच मुद्दा पकडत ट्विट करून अजितदादांचं कौतुक केलं होतं. दादा म्हणजे कमाल आहे. कमाल की चीज नेता असाच असतो, एकदम मोकळा ढाकळा. सहज सोप्या भाषेत थेट संदेश जय महाराष्ट्र, असे ट्विट करत व्हिडिओ पोस्ट केला होता. 

पाहा व्हिडिओ : अजित पवार पुण्यात येऊन बारा वाजवीन, माझ्या नादाला लागू नका; नारायण राणेंचा इशारा

इतर महत्वाच्या बातम्या