एक्स्प्लोर

Rajaram Sakhar Karkhana Election result LIVE: पहिला विजयी गुलाल अप्पा महाडिकांना! संस्था गटातून माजी आमदार महादेवराव महाडिकांची सरशी

Rajaram Sakhar Karkhana : अवघ्या जिल्ह्याचं लक्ष लागून राहिलेल्या राजाराम साखर कारखान्याच्या निवडणुकीत सत्ताधारी आघाडीचे नेते माजी आमदार महादेवराव महाडिक यांना विजयी गुलाल लागला आहे.

By : विजय केसरकर, एबीपी माझा | Edited By: परशराम पाटील | Updated at : 25 Apr 2023 02:27 PM (IST)

Rajaram Sakhar Karkhana Election result LIVE:

Rajaram Sakhar Karkhana Election result LIVE: अवघ्या जिल्ह्याचं लक्ष लागून राहिलेल्या राजाराम साखर कारखान्याच्या निवडणुकीत सत्ताधारी आघाडीचे नेते माजी आमदार महादेवराव महाडिक यांना विजयी गुलाल लागला आहे. महादेवराव महाडिक यांना 83 मते मिळाली. विरोधी उमेदवार सचिन पाटील यांना 44 मतं मिळाली. राजाराम कारखाना निवडणुकीत आमदार सतेज पाटील यांनी तगडे आव्हान निर्माण करूनही महादेवराव महाडिकांची सरशी झाली आहे. कारखानाच्या नऊपैकी सहा गटातून महाडिक गटाने बाजी मारली आहे. सरासरी अडीच हजार मतांनी उमेदवार आघाडीवर आहेत.

कारखान्याच्या निवडणुकीत विरोधी आघाडीचे 29 उमेदवार अवैध झाल्यानंतर टोकाची ईर्ष्या झाली होती. माजी आमदार महादेवराव महाडिक आणि अमल महाडिक यांना विरोधी आघाडीकडून घेरण्याचा प्रयत्न झाला होता. मात्र, प्रत्यक्षात सभासदांनी महादेवरावर महाडिकांना कौल दिला आहे. उत्पादक गटातून अमल महाडिक आघाडीवर आहेत. अंतिम निकाल सर्व फेऱ्यांमधील मतमोजणी पार पडल्यानंतर घोषित करण्यात येणार आहे. मात्र, आता महाडिक गटाच्या विजयाची औपचारिकता राहिली आहे.

मतमोजणी बावड्यातील रमणमळा परिसरातील महसूल कल्याण निधीच्या सभागृहात सुरु आहे. दोन फेरीमध्ये 29 टेबलवर मतमोजणी होत असून पहिल्या टप्प्यामध्ये पहिले 29 आणि दुसऱ्या टप्प्यात पुढील 30 ते 58 या केंद्रांची मतमोजणी होणार आहे. संस्था गटातील मतमोजणी दुसऱ्या फेरीत होणार आहे. संपूर्ण मतमोजणी झाल्यानंतर अंतिम निकाल जाहीर केला जाईल. संस्था गटातून सत्ताधारी आघाडीचे नेते माजी आमदार महादेवराव महाडिक आघाडीवर आहेत.

निवडणुकीत दिग्गजांची प्रतिष्ठा पणाला

राजाराम कारखान्याची मागील निवडणूक 2015 मध्ये पार पडली होती. त्यावेळी 90 टक्के मतदान झाले होते. सत्ताधारी महाडिक पॅनेलने सर्व जागा जिंकल्या होत्या. राजाराम साखर कारखान्याच्या संस्था गटातील एक आणि अन्य गटातील 20 अशा 21 जागांसाठी निवडणूक होत आहे. दोन अपक्षांसह एकूण 44 उमेदवार रिंगणात आहेत. विरोधी आमदार सतेज पाटील परिवर्तन पॅनेलचे 29 उमेदवारांचे अर्ज अवैध ठरल्याने या निवडणुकीत चुरस टोकाला गेली आहे.

इतर महत्वाच्या बातम्या