Kolhapur District Gram Panchayat Election : कोल्हापूर जिल्ह्यातील 3 ग्रामपंचायतींचा निकाल जाहीर
Kolhapur District Gram Panchayat Election : कोल्हापूर जिल्ह्यातील चारपैकी 3 ग्रामपंचायतींचा निकाल जाहीर झाले आहेत. आजरा तालुक्यातील करपेवाडी ही ग्रामपंचायत बिनविरोध करण्यात आली आहे.
Kolhapur District Gram Panchayat Election : कोल्हापूर जिल्ह्यातील चारपैकी 3 ग्रामपंचायतींचा निकाल जाहीर झाले आहेत. आजरा तालुक्यातील करपेवाडी ही ग्रामपंचायत बिनविरोध करण्यात आली आहे.
फये ग्रामपंचायत, भुदरगड
कोल्हापूर जिल्ह्यातील भुदरगड तालुक्यातील फये ग्रामपंचायतीमध्ये शिंदे गटाने सत्ता मिळवली. सरपंचपदी शिंदे गटाच्या नकुशी धुरे विजयी झाल्या. पंचायतमधील 7 पैकी 3 जागा शिंदे आणि भाजप गटाने जिंकल्या. दुसरीकडे राष्ट्रवादी काँग्रेसने 4 जागा जिंकल्या. मात्र, सरपंच शिंदे आणि भाजप गटाचा विजयी झाला. राष्ट्रवादी काँग्रेस विरुद्ध शिंदे गट आणि भाजप यांच्यात लढत झाली.
इसापूर ग्रामपंचायत, चंदगड
इसापूर ग्रामपंचायतीमध्ये एकूण जागा 7 जागांवरील निकाल जाहीर झाले आहेत. यामध्ये सर्वपक्षीय स्थानिक विकास आघाडीने 5 जागा मिळाल्या. राष्ट्रवादी काँग्रेस पक्षाच्या आघाडीला 2 जागा मिळाल्या. सर्वपक्षीय स्थानिक विकास आघाडीचा सरपंच निवडून आला.
बरगेवाडी ग्रामपंचायत, राधानगरी
बरगेवाडी ग्रामपंचायत निवडणुकीत सरपंच म्हणून अपक्ष उमेदवार जयवंत बरगे विजयी झाले आहेत. निवडणुकीपूर्वी 3 जागा बिनविरोध झाल्या होत्या. तीन जागांवर अपक्ष उमेदवार निवडून आले आहेत. दरम्यान, सर्वसाधारण महिला उमेदवार नसल्याने एक जागा रिक्त आहे.
कोल्हापूर जिल्ह्यातील 475 ग्रामपंचायत निवडणुकीची रणधुमाळी सुरु
दरम्यान, कोल्हापूर जिल्ह्यातील नोव्हेंबर ते डिसेंबरअखेर मुदत संपणाऱ्या 475 ग्रामपंचायतींच्या निवडणुकीसाठी मतदार यादी तयार करण्याचा कार्यक्रम जाहीर करण्यात आला आहे. त्यानुसार 31 मे 2022 पर्यंत अस्तित्वात असलेली मतदार यादी गृहित धरण्यात येणार आहे. अंतिम मतदार यादी 21 ऑक्टोबरला प्रसिद्ध होणार आहे. त्यानंतर निवडणुकीस पात्र असणाऱ्या सर्व ग्रामपंचायतींचा निवडणूक कार्यक्रम जाहीर करण्यात येणार आहे.
जिल्ह्यातील 475 ग्रामपंचायतींची निवडणूक महिनाभरात होण्याची शक्यता आहे. कोल्हापूर जिल्ह्यात ऑक्टोबर महिन्यात 1, नोव्हेंबर महिन्यात 429, तर डिसेंबर महिन्यामध्ये 45 ग्रामपंचायतीचा कालावधी संपणार आहे. मुदती संपतील तसे त्या ग्रामपंचायतींवर प्रशासक नेमण्यात येणार आहेत.
येत्या तीन महिन्यात मुदत संपणाऱ्या कोल्हापूर जिल्ह्यातील ग्रामपंचायती
- करवीर 53
- कागल 26
- पन्हाळा 50
- शाहूवाडी 49
- हातकणंगले 39
- शिरोळ 17
- राधानगरी 66
- गगनबावडा 21
- गडहिंग्लज34
- आजरा 36
- भुदरगड 44
- चंदगड 40
Before You Go
Fadnavis Daughter X Post : सीजेपी आंदोलनावर मुख्यमंत्र्यांच्या कन्या दिविजा फडणवीसांची प्रतिक्रिया
महत्त्वाच्या बातम्या
