Kolhapur District Gram Panchayat Election Result Live Update : कागल तालुक्यात मुश्रीफ गटाला धक्क्यावर धक्के! तीन बामणी, निढोरी, रणदिवेवाडीत घाटगे गटाची बाजी
Kolhapur District Gram Panchayat Election Result Live Update : कोल्हापूर जिल्ह्यात 429 ग्रामपंचायतींसाठी मतमोजणी सुरु असून पहिल्या निकालात कागल तालुक्यात मुश्रीफ गटाला धक्का बसला आहे.
Kolhapur District Gram Panchayat Election Result Live Update : कोल्हापूर जिल्ह्यात 429 ग्रामपंचायतींसाठी मतमोजणी सुरु असून पहिल्या निकालात कागल तालुक्यात मुश्रीफ गटाला धक्का बसला आहे. कागल तालुक्यात मुश्रीफ गटाला धक्क्यावर धक्के बसत आहेत. बामणी, निढोरी, रणदिवेवाडीत या तीन ग्रामपंचायतींमध्ये घाटगे गटाने बाजी मारली आहे. बामणीत शिव शाहू ग्रामविकास आघाडी सरपंच पदासह आठ जागांवर विजयी झाली आहे. शेतकरी विकास आघाडी दोन जागावर विजयी झाली आहे.
Kolhapur District Gram Panchayat Election Result Live Update
दरम्यान, करवीर तालुक्यातील सादळे मादळे, कावणे, वडणगे ग्रामपंचायतींसाठी मतमोजणी सुरू आहे. 18 टेबलवर मतमोजणी सुरू आहे. चार फेरीत निकाल लागण्याची शक्यता आहे. दुसरीकडे, कोल्हापूर जिल्ह्यातील 429 ग्रामपंचायतींच्या निवडणुकीसाठी 3 हजार 654 कर्मचाऱ्यांची नियुक्ती करण्यात आली आहे. 17 ते 20 टेबलवर मतमोजणी होईल. त्यामुळे 30 ते 45 मिनिटात तीन ते चार गावांचे निकाल हाती येतील. सर्व गावांची पहिली फेरी पूर्ण झाल्यानंतर दुसरी फेरी घेतली जाईल. दरम्यान, मतमोजणीसाठी कडक बंदोबस्त आहे. सीसीटीव्हीचीही नजर असेल. निवडणूक निर्णय अधिकारी म्हणून संबंधित तालुक्याचे तहसीलदार काम पाहतील.
महत्त्वाच्या बातम्या
