Kagal : कागलचं राजकारण 24 तासात फिरलं, दोन्ही राष्ट्रवादी एकत्र; कट्टर विरोधक मुश्रीफ-समरजीत घाटगेंचा तह, शिंदेंची शिवसेना एकाकी
Kagal Nagarpalika Election : राष्ट्रवादी शरद पवार गट आणि शिवसेना शिंदे गट हे एकत्र येऊन निवडणूक लढणार होते. मात्र 24 तासामध्येच मोठ्या घडामोडी घडल्या आणि राष्ट्रवादीचे दोन्ही गट एकत्र आले आहेत.
कोल्हापूर : स्थानिक स्वराज्य संस्थेच्या निवडणुकीत आता दोन्ही राष्ट्रवादींचा चंदगड पॅटर्न (Chandgad Pattern) पुढे जाताना दिसतोय. चंदगड नंतर आता हायहोल्टेज लढत असलेल्या कागलमध्येही दोन्ही राष्ट्रवादी एकत्र आल्या आहेत. अजित पवारांच्या राष्ट्रवादीचे हसन मुश्रीफ (Hasan Mushrif) आणि शरद पवारांच्या राष्ट्रवादीचे समरजीत घाटगे (Samarjeet Ghatge) यांची आघाडी झाली आहे. मुश्रीफ गटाला नगराध्यक्षपद तर उपनगराध्यक्षपद समरजीत घाटगे गटाला असा फॉर्म्युला ठरल्याची माहिती आहे. पण यामुळे शिंदेंच्या शिवसेनेचे माजी खासदार संजय मंडलिकांचा गट मात्र आता एकाकी पडल्याचं दिसून आलं.
कागल नगरपालिकेच्या निवडणुकीत 24 तासांमध्ये मोठ्या उलथापालथी झाल्या आहेत. मंत्री हसन मुश्रीफ यांच्या विरोधात आधी शरद पवारांच्या राष्ट्रवादीचे समरजित घाटगे आणि शिंदेंच्या शिवसेनेचे संजय मंडलिक एकत्र येणार असल्याची चर्चा सुरू झाली. येत्या एक-दोन दिवसात अंतिम फॉर्म्युलाही जाहीर करण्यात येणार असल्याची चर्चा होती.
चंदगड पॅटर्न राबवून दोन्ही राष्ट्रवादींना एकत्र आणण्यात यश आलेल्या हसन मुश्रीफ यांना होम ग्राऊंडवरच घेरण्याची रणनीती आखण्यात आली होती. घाटगे आणि मंडलिक एकत्र येण्याच्या शक्यतेने कागलची वाट मुश्रीफांसाठी खडतर ठरण्याची शक्यता निर्माण झाली. मात्र हसन मुश्रीफ यांनीही आपले राजकीय कौशल्य पणाला लावत कट्टर विरोधक असलेल्या समरजित घाटगेंशी आघाडी केली
Kagal Nagarpalika Election : कागलचं राजकारण 24 तासात फिरलं
मुश्रीफआणि समरजित घाटगे यांच्या आघाडीमुळे आता कागलचं राजकारण पूर्णपणे फिरल्याचं दिसून येतंय. कागलमध्ये या दोन्ही गटांची मोठी ताकद आहे. त्यामुळे नगराध्यक्षपद हे मुश्रीफ गटाला तर उपनगराध्यक्षपद हे समरजित घाटगे गटाला असा फॉर्म्युला निश्चित झाला आहे.
Kagal Election News : शिंदेंची शिवसेना काय करणार?
कागलमध्ये ताकद असलेले मुश्रीफ आणि समरजीत घाटगे हे दोन्ही नेते एकत्र आल्याने शिंदेंच्या शिवसेनेचे माजी खासदार संजय मंडलिक यांची मात्र गोची झाल्याचं दिसून आलं. त्यामुळे आता त्यांची पुढची भूमिका काय असेल याकडे सर्वांचं लक्ष लागलं आहे.
Kolhapur Chandgad Pattern : चंदगड पॅटर्न कायम
या आधी कोल्हापूर जिल्ह्यातील चंदगड नगरपालिकेमध्ये राष्ट्रवादीच्या दोन्ही गटांना एकत्र आणण्याची किमया मंत्री हसन मुश्रीफ यांनी केली होती. तोच पॅटर्न आता कागलमध्येही राबवण्यात आला आहे. कागलमध्ये झालेल्या या आघाडीचा परिणाम हा कोल्हापुरातील इतर ठिकाणी तसेच राज्याच्या राजकारणावरही होण्याची शक्यता आहे.
ही बातमी वाचा:
Before You Go
Narendra Modi On Jantar Mantar : मला आणि माझ्या आईला शिवीगाळ, मोदींकडून नवीन व्हिडिओ पोस्ट
महत्त्वाच्या बातम्या
