Kolhapur News: कोल्हापुरात टीईटी पेपर फोडण्याच्या तयारीत असणाऱ्या टोळीचा पर्दाफाश; नऊ जण पोलिसांच्या ताब्यात, आरोपींमध्ये काही मास्तरांचाही समावेश
Kolhapur News: ताब्यात घेतलेल्या आरोपीमध्ये काही शाळेतील परीक्षार्थी शिक्षकांचाही सहभाग आहेत. सर्व आरोपी कागल तालुक्यातील सोनगे येथून पोलिसांनी ताब्यात घेतले आहेत.
Kolhapur News: संपूर्ण राज्यभरामध्ये आज शिक्षक पात्रता परीक्षा (TET) सुरू आहे. या परीक्षेचा पेपर फोडण्याच्या तयारीत असणाऱ्या टोळीचा कोल्हापुरात पर्दाफाश करण्यात आला आहे. मुरगुड पोलिस व स्थानिक गुन्हे अन्वेषणच्या पथकाने नऊ जणांना ताब्यात घेतले आहे. सदरच्या टोळीची व्याप्ती फार मोठी असण्याची शक्यता असून मुरगुड पोलीस या घटनेचा अत्यंत गांभीर्याने तपास करत आहेत. आज राज्यभरामध्ये शिक्षक पात्रता परीक्षेसाठी लाखो परीक्षार्थी शिक्षक परीक्षा देत आहेत. अनेक केंद्रावर ही परीक्षा अत्यंत सुरळीतपणे सुरू आहे, पण कोल्हापूर जिल्ह्यामध्ये मात्र हा पेपरच फोडण्याचा प्रयत्न झाल्याने शिक्षण क्षेत्रात गोंधळ उडाला आहे. ताब्यात घेतलेल्या आरोपीमध्ये काही शाळेतील परीक्षार्थी शिक्षकांचाही सहभाग आहेत. सर्व आरोपी कागल तालुक्यातील सोनगे येथून पोलिसांनी ताब्यात घेतले आहेत. ताब्यात घेतलेल्या आरोपींच्या मध्ये सर्व आरोपी कागल आणि राधानगरी तालुक्यातील आहेत. काल सायंकाळपासून रात्रभर पोलीस या घटनेचा तपास करत असून अजूनही संशयित आरोपींची संख्या वाढण्याची शक्यता नाकारता येत नाही.
मराठी माध्यमाचे उमेदवार सर्वाधिक
दरम्यान, टीईटी परीक्षेत मराठी माध्यमाचे उमेदवार सर्वाधिक आहेत. मराठीसाठी तीन लाख 27 हजार 135, इंग्लिशमधून 28 हजार 437, उर्दू 25 हजार 935, हिंदी 92 हजार 420, बंगाली माध्यमातून 168, कन्नड 1468, तेलगू 30, गुजराथी 75 आणि सिंधी माध्यमातून केवळ एका उमेदवाराने नोंदणी केली आहे. तसेच राज्यातून 5283 दिव्यांग उमेदवारांनी परीक्षेला नोंदणी केली आहे. तसेच 411 दिव्यांग उमेदवारांना लेखनिक पुरविण्यात आला आहे. माजी सैनिक असलेले 45 उमेदवार परीक्षा देणार आहेत. परीक्षेनंतर 45 दिवसात टीईटीचा निकाल जाहीर केला जाणार आहे. सर्वोच्च न्यायालयाने राज्यातील सर्व शिक्षकांना टीईटी उत्तीर्ण होणे बंधनकारक केलं आहे. त्यामुळे यंदाच्या परीक्षेसाठी उमेदवारांची नोंदणी मोठ्या प्रमाणात झाली आहे. राज्यभरातून एकूण चार लाख 75 हजार 668 उमेदवारांनी अर्ज केला आहे. यंदा सर्वाधिक नोंदणी पुणे, नाशिक आणि नांदेड या जिल्ह्यांतून झाली आहे.
इतर महत्वाच्या बातम्या
Before You Go
Raj Thackeray PC : कोकणातले खड्डे, जमिनीची विक्री, कंत्राटदारते नितीन गडकरी, राज ठाकरेंची FULL PC
महत्त्वाच्या बातम्या
