Hatkanangle Lok sabha Constituency : हातकणंगले लोकसभेतील उमेदवार धैर्यशील माने आणि सत्यजित पाटलांच्या कार्यकर्त्यांची जोरदार हाणामारी
Hatkanangle Lok sabha Constituency : वाळवा तालुक्यातील साखराळे गावातील बूथ क्रमांक 62 आणि 63 वर हा प्रकार घडला. पोलिसांनी हस्तक्षेप करत भांडणाऱ्या कार्यकर्त्यांना बुथमधून बाहेर काढल्याने तणाव निवळला.
कोल्हापूर : हातकणंगले लोकसभा मतदारसंघात वाळवा तालुक्यातील साखराळे गावात मतदान केंद्रावर महायुतीचे उमेदवार धैर्यशील माने आणि महाविकास आघाडीचे उमेदवार सत्यजित पाटील सरुडकर यांच्या कार्यकर्त्यांत जोरदार राडा झाला. वाळवा तालुक्यातील साखराळे गावातील बूथ क्रमांक 62 आणि 63 वर हा प्रकार घडला. पोलिसांनी हस्तक्षेप करत भांडणाऱ्या कार्यकर्त्यांना बुथमधून बाहेर काढल्याने तणाव निवळला. पोलिसांनी वेळेत हस्तक्षेप केल्याने पुढील अनर्थ टळला.
कोल्हापुरात गाडी सुसाट, पण सर्वाधिक चुरस असलेल्या बारामती-माढात पहिल्या चार तासात थंडा प्रतिसाद #Kolhapur #Baramati #Maharashtra #LokSabhaElections2024 https://t.co/ZTczV0f6IJ
— ABP माझा (@abpmajhatv) May 7, 2024
मतदान केंद्र क्रमांक 62 आणि 63 वर सत्यजित पाटील सरूडकर यांचे बोगस प्रतिनिधींवर कारवाई करावी, अशी मागणी करत धैर्यशील माने यांच्या गटाने मतदान केंद्र काही काळ बंद ठेवले होते. यावरून सत्यजित पाटील सरूडकर यांचे कार्यकर्ते आक्रमक झाले. त्यांनी जाब विचारला असता दोन्ही गटात शाब्दिक वादावादी होऊन जोरदार हाणामारी झाली.
कोल्हापूर, हातकणंगलेत अत्यंत चुरशीने मतदान; करवीर-हातकणंगले तालुक्याची पहिल्या चार तासात आघाडी #kolhapur #LokSabhaElections2024 https://t.co/p5g7c9DNyt
— ABP माझा (@abpmajhatv) May 7, 2024
दरम्यान, घटनास्थळी पोलीस बंदोबस्त वाढविण्यात आला आहे. पोलिसांनी हस्तक्षेप झाल्यानंतर आता सध्या मतदान सुरळीत सुरू आहे. धर्यशील माने गटाचे दत्तात्रय पाटील यांनी सत्यजित पाटील सरूडकर यांच्या बोगस प्रतिनिधींवर कारवाई करण्याची मागणी केली आहे.
लोकसभा निवडणुकीच्या तिसऱ्या टप्प्यातील
— ABP माझा (@abpmajhatv) May 7, 2024
दुपारी 1 वाजेपर्यंत 11 लोकसभा मतदारसंघनिहाय
टक्केवारी पुढीलप्रमाणे...#लातूर 32.71%#सांगली – 29.65%#बारामती – 27.55%#हातकणंगले 36.17%#कोल्हापूर – 38.42%#माढा – 26.61%#धाराशिव – 30.54%#रायगड – 31.34%#रत्नागिरी #सिंधुदुर्ग –… pic.twitter.com/jAQpCmSYaO
इतर महत्वाच्या बातम्या
महत्त्वाच्या बातम्या
