Health Tips : या तीन लक्षणांमुळे तुमची किडनी खराब होते; वेळीच ओळखा लक्षणं

Health Tips : किडनी निकामी झाल्याने विषारी विषारी पदार्थ शरीरात जमा होऊ लागतात. त्यामुळे हात, पाय आणि चेहऱ्यावर सूज येण्यासह अनेक लक्षणे दिसू लागतात.

Health Tips

Health Tips : किडनी (Kidney) हा आपल्या शरीराचा अतिशय महत्त्वाचा भाग आहे. हे शरीरातील विषारी विषारी पदार्थ काढून टाकण्याचे काम करते. डॉक्टरांच्या म्हणण्यानुसार, आपण दिवसभर जे आरोग्यदायी आहार घेतो. त्यामुळे अनेक अनारोग्यकारक घटक शरीरात प्रवेश करतात. हे घटक इतके विषारी असतात की, शरीरात ते दीर्घकाळ राहिल्यास शरीरातील इतर अवयव निकामी होऊ शकतात. नुकतीच टेलिव्हिजन अभिनेत्री 'ये रिश्ता क्या कहलाता है फेम' शिवांगी जोशी किडनी इन्फेक्शनच्या विळख्यात आली होती. हॉस्पिटलच्या बेडवरून आजारी असल्याची पोस्ट तिने सोशल मीडियावर शेअर केली आहे. किडनी आपल्या सर्वांसाठी महत्वाची आहे. अशा स्थितीत किडनी कधी खराब होते हे जाणून घेणं गरजेचे आहे.

किडनी खराब होण्याची 'ही' आहेत लक्षणं

1. वजन कमी होणे

जेव्हा किडनी नीट काम करत नाही, तेव्हा शरीरातील टॉक्सिन्सचे प्रमाण खूप वाढू लागते. त्यामुळे भूकेमध्ये फरक पडतो. त्यामुळे वजन झपाट्याने कमी होऊ लागते. भूक कमी लागण्याबरोबरच सकाळी उलट्या होण्यासारख्या तक्रारी असू शकतात. तुमचं पोट सतत भरलेलं वाटतं. पण, काहीही खावेसे वाटत नाही. अशा वेळी त्याकडे अजिबात दुर्लक्ष करता कामा नये. 

2. अंगावर सूज येऊ लागते

मूत्रपिंड निकामी होण्याचे आणखी एक गंभीर लक्षण आहे. किडनी शरीरात येणारे अतिरिक्त सोडियम काढून टाकण्याचे काम करते. परंतु जेव्हा किडनीचे काम बिघडते तेव्हा सोडियम शरीरात जमा होऊ लागते. त्यामुळे पायांवर सूज दिसून येते. याशिवाय डोळे आणि चेहरा सुजतो. 

3. रात्री वारंवार लघवी होणे

मूत्रपिंडात व्यत्यय येण्याचे आणखी एक संकेत आहे. हे ओळखणे फार महत्वाचे आहे. रात्री पुन्हा पुन्हा लघवी येत असेल तर सावध व्हा. साधारणपणे मधुमेह असेल तेव्हा अशा प्रकारे लघवी येते, नाहीतर किडनीच्या समस्येमुळे हा त्रास होतो. अशा स्थितीत किडनी फंक्शन टेस्ट करून घ्यावी. जर तुम्हाला सुद्धा यापैकी काही लक्षणं दिसली तर वेळीच सावध व्हा. आणि डॉक्टरांचा सल्ला घ्या. 

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.

महत्वाच्या बातम्या :